¹ Kena Yesu lɔ oxo d'emɔ ha, vɔ, e kɔ okɔ bo kpɔn jihwe, bo xo ɛɖɛ byo: " Otɔ, ogan lɔ xo. Sɔ Ovi tɔwe sɔ su. ² Oni-i ɛcɛ do gbɛtɔ zɛtɛ ye ji seŋu, e xin, e mɔ do na ɛgbɛ Mavɔ mavɔ wu, ɛmɛ ke o sɔ do alɔ mɛ ni-i ye ³ Ɛgbɛ Mavɔmavɔ lɔ wɛ nyi tun ye a nyɔ, lɔ, Mawu xojɔxotɔn ɖokpo gee lɔ, kpodo ɛmɛ ke o sɔ ɖoɖan, yesu klisu ⁴ Blɔ, ko ɖe giga tɔwe sɔ xlɛ ye le nyidan lɔ ji, ko bo kpa odan ke o sɔo do asi na-a tun bo mɔɔwa lɔ. ⁵ Syɛ, lɔ Otɔ le jiwɛ, trɔ sɔ ninɔmɛ ɖaxo ke ko o ɖo le ji we gbɔxwe ɛgbɛ lɔ va jɔ, sɔ na-a. ⁶ Ko ɖe nyikɔtɔwe xlɛ ɛmɛ ke o yɔ le ɛgbɛ lɔ mɛ, bo va sɔ do asi na ye. Tɔwe wɛ yeno nyi saa, o bo sɔ ye sɔ na-a, ye bo wasi do oxo tɔwe lɔ ji. ⁷ Ye nyɔ-ɛ syɛ tun onu ke o sɔ na-a zɛtɛ ye jiwe we ye sɔn. ⁸ Ɖo, oxo kena o lɔ na ye wɛ ko lɔ na ye, ye bo yi se, ye bo nyɔ xojɔxo tɔn tun lɔmɛ mɛ ko mɔ jɔ sɔn, ye bo kan d'eji tun yi mɛ mɔ dɔn-ɔ dan. ⁹ Blo, ko xo ɛɖɛ na ye nɔ, e hɔn nyi ɛmɛ ke nyi ɛgbɛ lɔ tɔn ye hwɛn ko xo ɛɖɛ na nɔ, vɔ, ɛmɛ kena sɔ na-a ye wɛ, ɖo, ye nyi tɔwe. ¹⁰ Onu tɛye zɛte wɛ nyi tɔwe, e mɔke onu ke nyi tɔwe zɛtɛ bo mɔ nyi tɛye, hɔnhlɔn tɛye bo nyi ɖide xlɛ gbɔn ye mɛ. ¹¹ Ko hɔn mɔ le ɛgbɛ lɔ mɛ, vɔ ye le ɛgbɛ lɔ mɛ, blɔ ko gbɔn nɔ kɔnwe nɔ. Otɔ kinkwɛn, hɛn ye wu do gbɔn nyikɔ tɔwe mɛ, nyikɔ bo kpo yi kpo le ɖokpo ɖoha ¹² Hwekenu na ko le kpo ye, nyikɔ tɔwe mɛ wɛ hɛn le, nyikɔ kena o na-a lɔ. Ko kpɔn ye ji, ɛmɛti ko bu le ye mɛ, zɛgbɔn ɛmɛ ɖokpo ke ɖo na bu lɔ wu, na winwlan kinkwɛn lɔ a do cɛ. ¹³ Syɛ ko trɔ gbɔn nɔ jiwe nɔ. Ko lɔ oxo xin ye le hwekenu na gbɛ le ɛgbɛ lɔ mɛ, na ye a do kpɔn jijwɛ taŋu ɖi kena ko le jijwɛ mɛ ɖo ha. ¹⁴ Blɔ ko sɔ oxo tɔwe do asi na ye, iwɛ ɛmɛ ke nyi ɛgbɛ lɔ mɛ tɔn ye, gbɛ owan na ye, ɖo, ye hɔn nyi ɛgbɛ mɛ bwɛ tɔn ɖi kena bo can hɔn nyi ɛgbɛ mɛ bwɛ tɔn ɖo ha. ¹⁵ Ko hon xo ɛɖɛ nɔ tun i mɔ kpɔn ye ji na awovi lɔ ko mɔ do kpe ye wu nɔ. ¹⁶ Ye hɔn nyi ɛgbɛmɛ bwɛ tɔn, ɖi kena bo can hɔn nyi ɛgbɛmɛ bwɛtɔn do ¹⁷ ha wasi na ye anyi tɔwe blebu dogbɔn xojɔxo mɛ, Oxo tɔwe wɛ nyi xojɔxo lɔ. ¹⁸ Ɖi kena o dɔn-ɔ ɖodan ɛgbɛ lɔ mɛ ɖo ha, bo can ko ɖo ye ɖodan ɛgbɛ lɔ mɛ. ¹⁹ Blɔ, ko sɔ ɖiye sɔ na we blebu do ota na ye na ye can ye a do sɔ yeɖe sɔ na we blebu dogbɔn xojɔxo lɔ mɛ. ²⁰ E hɔn nyi ye ɖo ɖyo hwɛn ko xo ɛɖɛ na nɔ, vɔ, ka mɔ xo ɛɖɛ nɔ na ɛmɛ kena va se oxo le ye nu a bo kan do ji ye ye. ²¹ E xin, ye ɛmɛ zɛtɛ mɔ do le ɖokpo ɖikena Didaye le mɛ ye, bo can bo le mɛ we, na ɛmɛ ke nyi ɛgbɛ lɔ tɔnye a do kan do e ji tun i mɛ mɔ dɔn-ɔ ɖodan. ²² Blo, ko sɔ hɔnhlɔn kena o na-a bo sɔ na ye can na ye can a do le ɖokpo, ɖikena bo kpo i kpo le ɖokpo le ɖokpo ɖoha. ²³ Blɔ ko le ye mɛ, lɔ bo le blɔ mɛ, e xin ye mɔ do le ɖokpo xojɔxo, ɛmɛ ke nyi ɛgbɛ lɔ tɔn ye mɔ do kpɔn onu jɛ ewu tun i mɛ mɔ don-o ɖodan, bo yi owan naye, ɖike o yi owan na-a ɖoha. ²⁴ Otɔ, ko jlo tun ofi kena blɔ ko le, ɛmɛ kena o sɔ do alɔ tɛye mɛ ye can a nɔ ofi lɔ kpo, exin ye mɔ do kpɔn gigo tɛye, gigo ke o na-a lɔ, ɖo, o yi owan na-a gbɔxwe ɛgbɛ lɔ va jɔ. ²⁵ Otɔ, ɛmɛ jijwɛ, ɛmɛ ke nyi ɛgbɛ lɔ tɔn ye hɔn hwe, vɔ, blɔ, ko nyɔ we, ɛmɛ kiye ko bo kpɔn onu jɛ ewu tun i mɛ mɔ ɖo ɖo dan. ²⁶ Ko ɖe nyikɔtɔwe sɔ xlɛ ye, ko bo mɔ na ɖe sɔ xlɛ ye ke, exin, owan yi yi ke o ɖo na-a, mɔdo le ye mɛ, ɖikena bo can le ye mɛ ɖo ha"