¹ Ko lɔ ox kiye na mi, na e hɔn mɔ do nyi afɔnklɛnnu na xɔse miatɔn nɔ ² Ye na nya mi le Jwifuye we okplitynye. Oganxixo ɖee o gbɔn nɔ, na ɛmɛ ɖekpokpwe ke na hu mi, na bu-i tun Mawu we odan lɔ xɛn, e o wa nɔ ha ³ Ye na wa onu ɖemɔha, ɖo ye hɔn nyɔ Didaye gbɔɔn do nyɔ blɔ lɔ can ⁴ Ko lɔ oxo na mi nɔ, e xin na ogan va xo, mi mɔ do flin tun ko mɔ ɔ lɔ-ɛ na mi ɖonyi. Ko hɔn lɔ oxo ke ɖ'onyi na mi saa, ɖo, ko le kpo do mi. ⁵ Syɛ ko sin ɛmɛ ke ɖo ɖodan lɔ de nɔ, ɛmɛ ti ko le mia mɛ, bo kan-a se tun fye lɛ o yi nɔ can ⁶ Vɔ, mi ci ɖoŋuɖunu mɛ taŋu; ɖo, ko lɔ oxo kiyena mi; ⁷ Ganke, oxojɔxo wɛ ko lɔ na mi nɔ. Na ko sɔn, e na ɖe ale na mi, ɖo, na hɔn sɔn, akɔnfana-ɛmɛtɔ lɔ hɔn va nɔ. Vɔ, na ko sɔn ko na dɔnɛ-ɖodan mi ⁸ Na e va va, e na na gbɛtɔye na nyɔ-ɛ tun gɔn mɛ sise ke ye ɖo do onu nyi nyla wiwa wu, kpodo onu jijwɛ wiwa wu, kpo kojo ɖiɖo wu, mɔ hɔn sɔgbe ⁹ Ye na kpɔn onu jɛ ewu tun gɔnmɛ sise ke ye ɖo do onunyinyla wiwa wu mɔ hɔn sɔgbe, ɖo ye hɔn kan do eji; ¹⁰ Yena kpɔ onu jɛ ewu tun gɔnmɛ sise ke ye mɔ ɖo do onu jijwɛ wiwa wu mɔ hɔn sɔgbe, ɖo ko sin Otɔ lɔ de nɔ, mi ko mɔ kpɔn-ɔ nɔ. ¹¹ Ye na kpɔn onu jɛ ewu tun gɔn mɛ sise kena ye ɖo do kojo ɖiɖo wu, mɔ hɔn sɔ gbe ɖo Mawu o ɖo kojo na ɛmɛ ke kpa ɛcɛ do ɛgbɛ lɔ ji. ¹² Oxo su su mɔ nu ye, ko bo na lɔ na mi, vɔ, syɛ e kpɛn hugan hu mì. ¹³ Hwekenu na xojɔxo we Gbigbɔ lɔ na va, e na na na mi na nyɔ xojɔxo lɔ zɛtɛbi. Ɖo e hɔn lɔ oxo le yi tete ŋutɔ we ɛcɛ mɛ nɔ, vɔ, oxo kena e na se zɛtɛ we e na lɔ, a mɔ lɔ onu ke ba va jɔ nɔ ye na mí. ¹⁴ E na ɖe hɔnhlɔn tɛye sɔ xlɛ, ɖo e na nɔ se ɛwɛn le nu ye a bɔ nɔ ɖo na mi. ¹⁵ Onu ke nyi Didaye tɔn zɛtɛ wɛ nyi bo can tɛye iwɛ dɔn ko do lɔ tun Gbigbɔ lɔ mɔ na nɔ se ɛwɛn le nu ye a bo do na mi" . ¹⁶ Yesu mɔ yi eji bo lɔ byo:" zaan ɖe syɛ, mi hɔn mi, mi hɔn mɔ kpɔn-ɔ nɔ, e mɔ yi zaa ɖe mimɔ kpɔn-ɔ" ¹⁷ Iwɛ onuplanvi etɔn ɖeye o lɔ le ye nɔniɔye mɛ mɛ tun byo:" Oxo xin lɔ we gɔnmɛ ɖe? E lɔ na mi nɔ tun; zanɖe syɛ mi hɔn mɔ kpɔn-ɔ nɔ, e mɔ yi zaan ɖe mi mɔ mɔ kpɔn-ɔ; E bo mɔ tun; ko sin otɔ lɔ de nɔ; ¹⁸ ŋunɛ nyi zaan ɖe syɛ ke oxo e lɔ nɔ lɔ; Mi hɔn se oxo lɔ we gɔnmɛ nɔ mɔ" ¹⁹ Yesu bo kpɔn onu jɛ ewu tun ye mɔ kan oxo se nɔ tun; zaan ɖe syɛ mi hɔn mɔ kpɔn-ɔ nɔ, e mɔ yi zaan ɖe mi mɔ mɔ kpɔ-ɔ; oxo xin lɔ wɛ dɔn mi do kan oxo se wu minɔniɔye nɔ? ²⁰ Xojɔxo kpatakli xɛn ko lɔ na mi nɔ: Mi na va viavi nɔ a bo na ale nɔ, vɔ ɛgbɛ lɔ mɔ kpɔn jijwɛ nɔ. Mi na le dɔŋuɖumɛ, vɔ dɔŋuɖu nu miatɔn na trɔ zun jijwɛ. ²¹ Na nyɔnu si we ogan xo, vɔ na eji ovi lɔ vɔ, e nɔ wɔn vivɛsise etɔn ye ɖo e nɔ le jijwɛ mɛ taŋu, do ovi lɔ ke na va ɛgbɛ lɔ mɛ wu. ²² E mɔha ke wɛ, miye can mi le vivɛsise mɛ syɛ, vɔ ko na trɔ va kpɔn mi, hwexin nu, mi na kpɔn jijwɛ, ɛmɛti ko kpewu na ɖe jijwɛ xin lɔ tɛ le oji miatɔn mɛ. ²³ Le azan xin lɔ ji, mi hɔn mɔ kan oxo se nɔ. Oxo jɔxo kpatakli xɛn ko lɔ na mi nɔ, onu kena mi na byo Otɔ lɔ le nyikɔ tɛye mɛ, e na sɔ-ɛ na mi. ²⁴ Gbɔɔn do va jɛ syɛ mi hɔn byo onu le nyikɔ tɛye mɛ. Mi byɔ na mia yi, oji mɔ do jɔ mi taŋu. ²⁵ Ko do olo bo do do lɔ oxo xin ye na mi, Oganxixo lɔ gbɔnnɔ, ko ko mɔ do olo na mi nɔ, vɔ, ko na lɔ oxo ke kun do Oto lɔ wu na mi, trele ²⁶ Le azan xi lɔ gbe mi na byɔ onu wu Mawu le nyikɔ tɛye mɛ. E hɔn nyi ko lɔ nɔ tun ko mɔ na xo ɛɖɛ na Didaye do ota na mi hwɛn. ²⁷ Didaye lɔ tete yi owan na mi, ɖo, mi yi owan na-a, mi bo kan do eji tun Mawu bɛ mɛ ko mɔ jɔ sɔn. ²⁸ Ko sɔn otɔ lɔ kɔn bo va ɛgbɛ lɔ mɛ, syɛ ko mɔ na lɛ le ɛgbɛ lɔ a bo trɔ sin lɔ kɔn. ²⁹ Onukplanvi etɔnye bo lɔ ni-i nɔ tun: " syɛ gbɔɔn bɛ o lɔ oxo nɔ trele, o ko mɔ do olɔ ti nɔ o. ³⁰ Syɛ, mi nyɔ-ɛ tun i mɔ nyɔ onu zɛtɛbi sese e ko mɔ hyan tun ɛmɛɖe a kan ovo wu se. Iwɛ dɔn mi do kan do eji tun Mawu mɛ mɛ i mɔ sɔ. ³¹ "Yesu bo ɖewu na ye tun: "Mi kan do eji syɛ? ³² Mi kpɔn ganxixo ɖe o gbɔn nɔ, ogan lɔ can bo xo, na ye na gbamido sese, ɛmɛ ɖokpo-ɖokpo bo na sɔ omɔ etɔn a bo jo bo ɖɔkpo do-vɔ, e hɔn nyi bo ɖokpo hwɛn le, ɖo Otɔ lɔ le kpo-o. ³³ Ko lɔ oxo zɛtɛye na mi, na mia do kpɔn fifa le mɛye. Mi na se vivɛ le ɛgbɛ lɔ mɔ, vɔ, mi do oji ɖo ko ɖu le ɛgbɛ lɔ ji!