¹ Yesu lɔ na onukplanvi etɔn lɛye tun byo: " Mi ka na ayixa miatɔn a gbado, mi kan alo Mawu ji, a bo kan do ji ye. ² Le Didaye we oxwegbe, tɛnxo susu wɛ le. Na e hɔn do nyi emɔ wɛ, ko hɔn lɔ na mi nɔ tun ko mɔ ba ve jla tɛnxo ɖ'onyi na mi nɔ hwɛn xin. ³ Na ko sɔn, bo ve jla tɛnxo lɔ do nyi vɔ, ko na trɔ va, a bo va kplɔ mi, e xin, ofi ke ko le, miye can mi mɔ nɔ ofi lɔ ⁴ Mi o nyɔ omɔ ke yi ofi ke ko yi nɔ lɔ" ⁵ Toma bo kan-ɛ se tun byo:" xwetɔ, mi hɔn nyɔ ofi ke yi nɔ, naɖe mi na hɛn do a nyɔ omɔ lɔ?" ⁶ yesu ɖewu ni-i byo:" Bo wɛ nyi omɔ lɔ, oxojɔxo lɔ, kpo ɛgbɛ lɔ. ɛmɛti hɔn kpewu na yi Otɔ lɔ kɔn na e hɔn gbɔn ji ye. ⁷ Na mi nyɔ blɔ, bɛ mi bo nyɔ Didaye can Bɛ sɔn syɛ, mi o nyɔ-ɛ, bo o kpɔn-ɛ" ⁸ Filipu bo ɖewu ni-i tun byo:" xwetɔ, xlɛ otɔ lɔ wu mi, onu ke mi kan nɔ lɔ jan xɛn xin" ⁹ yesu bo ɖewu ni-i byo:" Filipu, ko le miakɔn syɛ, e dɛn taŋu, o ko nyɔ-ɔ ? Ɛmɛ kena kpɔn-ɔ, e kpɔn Otɔ lɔ. Na lɛ e nyi ɖo na o mɔ do lɔ tun byo:" xlɛ otɔ lɔ wu mi ?" ¹⁰ O hɔn kan do eji tun ko mɔ le Otɔ lɔ mɛ, Otɔ lɔ can bo le mɛye wɛɛ? Oxo ke na ko lɔ na mi nɔ ye, hɔn sɔn bo tete ŋutɔ de, otɔ lɔ ke le mɛ ye, wɛ nɔ wasi odan etɔnye nɔ. ¹¹ Mi kan do ji ye, ko le otɔ lɔ mɛ, otɔ lɔ bo le mɛ ye. E glo, do odan lɛye wu mi kan do eji ¹² Xojɔxo kpatakli ko o lɔ na mi nɔ ɛmɛ ke kando ji ye, elɔ can, na wasi ɖaxo ɖaxoye hu emɔha, ɖo ko sin Otɔ lɔ de nɔ. ¹³ Iwɛ onuɖekpokpwe ke mi na byɔ le nyi kɔ tɛye mɛ, ko na wasi-i, na Ovi lɔ a do do gigo na Otɔ lɔ ¹⁴ Na mi byɔ onu ɖe le nyikɔ tɛye mɛ ko na wasi-i" ¹⁵ Na mi yi owan na-a, mi na zɔn gbɔn osɛn tɛyee ji. ¹⁶ Blɔ, ko na byɔ Didaye, e mɔ na mi Akɔnfana ɛmɛtɔ bu ke na le kpo mi tɛgbɛ. ¹⁷ Iwɛ nyi xojɔxo we Gbigbɔ lɔ, ke ɛgbɛ lɔ hɔn kpewu na yi, ɖo, ye hɔn kpɔn-ɛ nɔ gbɔɔn do nyɔ-ɛ can vɔ miye, mi nyɔ-ɛ, ɖo, e le kpo mi; e bo na va nɔ mia mɛ ¹⁸ Ko hɔn jo mi do nɔ ɖi tɔcɔvi-nɔcɔvi ha, ko na trɔ va miakɔn ¹⁹ Le ganxixo viiɖe mɛ syɛ, gbɛtɛye hɔn mɔ kpɔn-ɔ nɔ, vɔ miye, mi na kpɔn-ɔ ɖo ko le ɛgbɛ, miye can mɔ na nɔ ɛgbɛ. ²⁰ Le azan xin lɔ gbe, mi na nyɔ-ɛ tun bo mɔ le Didaye mɛ, miye bo le mɛye, bo can mɔ le mia mɛ ²¹ Ɛme ke nɔ hɛn osɛn tɛye wu, bo nɔ wasi do eji, we yi owan na-a. Vɔ, ɛmɛ ke yi owan na-a, Didaye na yi owan na yi owan ni-i, blɔ can mɔ na i owan ni-i, a bo ɖe ɖiye sɔ xlɛ-ɛ" ²² Yuda, ke hɔn nyi Isikalyɔtu lɔ, yi oxo bo kan-ɛ se tun: xwetɔ ŋunɛ jɔ na o na do ɖe ɖiwe xlɛ miye, o ko ɖe ɖiwe sɔ xlɛ gbɛtɔ ye nɔ? " ²³ Yesu bo ɖewu ni-i by:" ɛmɛ ke yi owan na-a, na wasi onu ke ke lɔ nɔ ye. Didaye na yi owan ni-i, mi bo na va e kɔn, a bo ɖo nɔtyɔn miatɔn du e kɔn ²⁴ Ɛmɛ ke hɔn yi owan na-a, e hɔn nɔ wasi do oxo kena ko lɔ nɔ ji. Oxo ke mi o se le onu tɛye mɛ nɔ, e hɔn nyi bwe te we oxo wɛ. ²⁵ Kolo lɔ oxo kena mi nɔ, hwekenu na ko gbɛ kpɔtɔ le kpodo mi. ²⁶ Vɔ, akɔnfa na-ɛmɛtɔ lɔ, Gbigbɔ kinkwɛn ke Otɔ lɔ na sɔ ɖodan le nyiko tɛye mɛ, e lɔ wɛ na kplan onu zɛtɛye wu mi, a bo flin oxo ke ko lɔ na mi zɛtɛye, na mi. ²⁷ Fifa wɛ ko sɔ ɖonyi na mi, fifa tɛye wɛ ko na mi ko hɔn na mi nɔ ɖi ke gbɛtɔye nɔ na ɖo ha. Mi ka na ayi xa a gbado na mi, vivɔ ni bo ka ɖo mi ^{28 29 30 31} Mi se ko lɔ na mi nɔ tun:" ko na sɔn, abo mɔ trɔ va miakɔn " Na e nyi tun mi do nyi do owan na-a wɛ , jijwɛ wɛ e na nyi na mi, byo ko mɔɔ yi Didaye de nɔ, ɖo Didaye lɔ hugan hu blɔ. Ko lɔ oxo ke na mi nɔ syɛ, keŋu gbɔxwe nia dojɔ, e xin, na e va jɔ, mi mɔ do kan do eji. Ko hɔn mɔ lɔ oxo susu kpo mi nɔ, ɖo ɛmɛ ke kpa ɛcɛ do ɛgbɛ lɔ ji o gbɔn nɔ. E hɔn ɖo ɛcɛ ti do ji ye. Vɔ, na gbɛtɛye a do nyɔ-ɛ tun blɔ mɔ yi owan na otɔ lɔ, ko nɔ wasi do o gbe ɖiɖe etɔn ji: Mi site, mia lɛ le bwɛ"