¹ Vivayi we oxwe lɔ drɔn swɛ, yesu bo nyɔ-ɛ tun ogan lɔ mɔ xo na e na do lɛ le nyidan yi bwɛ, a do sin otɔ de. E yi owan na ɛmɛ etɔn ke le ɛgbɛ lɔ mɛ ye, bo mɔ gbɛ yi owan na ye nɔ gbɔɔn do yi vivɔ nu. ² Yesu kpo onukplanvi etɔnye o ɖu hwesa we onuɖuɖu nɔ. Ɛgba bo o sɔ do ayixa mɛ na yuda simɔ Isikalyɔtu vyɔ, tun ni mɔ sɔ yesu sɔ jo ³ Yesu nyɔ-ɛ tun Mawu de mɛ he tete ŋutɔ mɔ sɔn mɔ mɔ trɔ sin Mawu de nɔ. Otɔ lɔ bo o sɔ onu zɛtɛbi sɔ do alɔmɛ ni-i. ⁴ Yesu site le onuɖuɖuka lɔ nu, bo ɖe awu gaga etɔn sɔ ɖonyi, bo sɔ avɔ ɖe do bla alin ji. ⁵ E xin godo, e ba ɛsin do agban ɖe mɛ, bo jɛ afɔ kiklɔ na onukplanvi etɔnye ji, e mɔ nɔ sɔ avɔ ke e do bla ahin ji lɔ do tutu-i ⁶ E vo jɛ Simɔ Piyɛ ji, iwɛ piyɛ lɔ ni-i tutu byo:" xwetɔ, yi wɛ na klɔ afɔ na-a? ⁷ Yesu bo ɖewu ni-i tun byo:" Onu ke blɔ ko wasi syɛ, lɔ hɔn kpɔn onu jɛ ewu, vɔ o na va kpɔn onu jɛ ewu" ⁸ Piyɛ bo lɔ ni-i byo:" A klɔ afɔ na blɔ! Gbeɖe kpɔn!" yesu mɔ ɖewu ni-i byo:" na ko hɔn klɔ afɔ na we, bɛ onu ti hɔn mɔ dɔn bo kpo yi kpo ca" ⁹ Simɔ Piyɛ bo lɔ ni-i byo:" xwetɔ, e le emɔ, bɛ e hɔn nyi afɔye oɖɖyo hwɛn mɔ ! klɔ, alɔye kpo ota tɛye can." ¹⁰ Yessu mɔ lɔ ni-i byo:" ɛmɛ kena o lɛ ɛsin, e hɔnnɔ hyan tun ye a lɛ ɛsin ni-i, zɛgbɔn afɔ etɔnye wu, ɖo e o mɛ sese. Miye mi o mɛ, ganke e ko nyi mi ɛmɛ zɛtɛye hwɛn." ¹¹ Yesu o nyɔ nyɔ ɛmɛ ke ba sɔ-ɛ sɔ jo nɔ lɔ, iwɛ dɔn e do lɔ tun ye ɛmɛ zɛtɛye mɔ hɔn mɛ. ¹² Kena yesu klɔ afɔ na ye vɔ, e mɔ trɔn do awu gaga etɔn bo mɔ ve xinnɔnyi le onuɖuka lɔ nu, bo lɔ na ye tun byo:" Onu ke ko wasi na mi syɛ lɔ, mi se e gɔnmɛ doo? ¹³ Mi nɔ yɔɔ-tun onukplan-ɛmɛtɔ, bo nɔ yɔ-ɔ tun xwetɔ, ɛhwɛ miatɔn bo jɔ, ɖo, iwɛ ko ¹⁴ kena blɔ ɛmɛ ke nyi xwetɔ kpodo onukplan-ɛmɛtɔ lɔ, o klɔ afɔ na mi nɔ, miye can, mi ɖo na klɔ afɔ na minɔniɔye ¹⁵ Ko sɔ e xin do na mi kpɔn dewu na mia do wasi ɖe kena ko wasi na mi ɖoha ¹⁶ Xojɔxokpakli xɛn ko lɔ na mi nɔ, Odansɔvi, hɔn hugan xwetɔ etɔn, ɛmɛ din dɔn ko hugan hu ɛmɛ ke ɖo-e ɖodan. ¹⁷ Syɛ mi kpɔn onu jɛ onu xinye wu, nyɔnanɔye wɛ mi na nyi, na mi gbɛ wasi do ye ji. ¹⁸ E hɔn nyi mi ɛmɛ zɛtɛye hwɛn ko lɔ oxo na ni ko nyɔ ɛmɛ ke ko can ye vɔ winwlan kinkwɛn lɔ we oxo ke, ɖo na cɛ iwɛ nyi ɛwɛ ke ɖu kpɛnnɔ tɛye nɔ site kpan ŋukɔn wu ¹⁹ Ko o lɔ-ɛ na mi nɔ aɔnɖokpo, keŋu gbɔxwe nia va jɔ, exin, na e va jɔnɔ, mi mɔ do kan do eji tun ko mɔ nyi ɛmɛ ke ko nyi. ²⁰ Xojɔxo kpatakli xɛn ko lɔ na mi nɔ, ɛmɛɖe kpokpwe ka na yi ɛwɛ kena ko dɔn ɖodan, e yi bo tete, ɛmɛ ɖekpokpwe ke yi blɔ, e yi ɛmɛ ke dɔn-ɔ ɖodan" ²¹ kena ye lɔ oxo ɖemɔha vɔ, ayixa gbado ni-i bi, iwɛ e lɔ vivɛ ɖe byo:" xojɔxo kpatakli xɛn ko o lɔ na mi nɔ, ɛmɛ ɖokpo le miamɛ na va sɔ-ɔ sɔ jo" ²² onukplanvi lɛye bo kpɔn ŋumɛ na yenɔniye nɔ, bo o kan se nɔ tun ɛmɛ nɛ wu lɛ elɔ oxo xin lɔ do nɔ jaa? ²³ Onukplanvi ke yesu yi owan na taŋulɔ le axa te tete na yessu, le onuɖuka lɔ nu. ²⁴ Simɔ Piyɛ bo wa ŋukunsin ni-i tun ni mɔɔ kan yesu se tun ɛmɛ enɛ we oxo lɛ e lɔ jaa ²⁵ iwɛ onukpanvilɔ dɛ do okɔnnu na yesu bo lɔ ni-i byo:" xwetɔ, ɛwɛ nɛ lɛ? ²⁶ Yesu bo ɖewu tun byo: ko na kan kpɔnnɔ bo tɔ onu le onu ɖuka mɛ, ɛwɛ kena ko na sɔ na iwɛ yesu sɔ kpɔnnɔ kinkan ɖokpo, bo tɔ onu le onu ɖuka lɔ mɛ, bo sɔ na yuda, ke nɔ nyi simɔ Isikalyɔtu vyɔ. ²⁷ Ke yuda yi kpɔnnɔ lɔ vɔ, satana ɖyɛ ɛmɛ yesu bo lɔ ni-i tun byo:" onu ke ba wasi nɔ lɔ, wasi wu-i bleŋu!" ²⁸ Ɛmɛ ke kpo i kpo o ɖu onu nɔ lɛye, ti hɔn nyɔ onu ke dɔn na e do emɔha ni-i? ²⁹ Kena e nyi tun yuda wɛ nɔ hɛn oho lɔ, ɛmɛ ɖeye bu-i yesu mɔ lɔ ni-i nɔ tun mɔɔ ve xɔ onu ke na hiye mɔ hyan a do ɖu oxwe lɔ wɛha, alo, ni mɔɔ ve na onu de ayanɔye ³⁰ . Kena yuda yi kpɔnnɔ kinkan lɔ e tun le ofi lɔ zɔnɖokpo. Ozan bo do ³¹ Kena yuda tɔn, yesu lɔ tun: " Syɛ ɛgbɛtɔ we ovi lɔ o yi gigo, Mawu mɔ yi gigo dogbɔn eji ³² kena Mawu o lo yi gigo do gbɔn e lɔ lɔ ji, Mawu tete na ɖe ovi lɔ we gigo sɔ xlɛ, e bo na ɖe xlɛ zaanɖe. ³³ Vikpɛ tɛyee, ko mɔ gbɛ le miakɔn na azan ovii ɖe. Mi na va kan-a vɔ, ɖi kene ko o lɔ na Jwifu gbokpwe ye ɖo ha, ofi ke ko sin nɔ, mi hɔn kpewu na nyɔ ofi lɔ i xɛn ko mɔ lɔ na miye can nɔ syɛ. ³⁴ Ko o na mi osɛn yɔyɔ nɔ: mi yi owan na minɔniɔye. Ɖi ke ko yi owan na mi ɖo ha, mi yi owan na minɔniɔye. ³⁵ Na mi yi owan na minɔniɔye, ɛmɛ zɛtɛye na kpɔn onu jɛ ewu tun miiye mɔ nyi onukplanui tɛyee" ³⁶ Simɔ piyɛ bo kann-ɛ se byo:" xwetɔ fye lɛ o yi nɔ?" yesu bo ɖewu ni-i byo" O hɔn kpewu na xo do-o syɛ a do yi ofi ke ko yi nɔ lɔ, vɔ, o na va xo do-o" ³⁷ Piyɛ mɔ lɔ ni-i byo:" xwetɔ ŋunɛjɔ na ko hɔn do kpewu na xo do we syɛ? Ko le ogbesisɔ a do sɔ ɛgbɛ tɛye sɔ na do ota na we" ³⁸ Yesu bo ɖewu ni-i byo:" O le ogbesisɔ na do sɔ ɛgbɛ tɔwe sɔ na do ota tɛye xojɔxo? Oxojɔxo kpatakli xɛn ko o lɔ na we nɔ keŋu gbɔxwe goklo na do atan, o na gbɛ ɔ zɔn atɔn kpetyo."