¹ Hwanjɛ ɖe ke ye nɔ yɔ tun lazaa jɛ adɔn Elɔ kpodo nɔvyɔ nyɔnu siye Malya kpo Mata bonyi Betani we otota mɛtɔye. ² Malya xin lɔ wɛ kɔn ce lu do a fɔye ji na xwetɔ lɔ, bo tutu afɔ kpo oɖa etɔn. Nɔ vyɔ Lazaa wɛ jɛ a dɔn nɔ ³ lazaa nɔvyɔ nyɔnusi lɛye do ɛwɛn ɖodan yesu tun byo:" xwetɔ, hadwe ojɛ a dɔn nɔ" ⁴ ke yesu se ɛwɛn xin lɔ, e lɔ tun:" Adɔn Lazaa tɔn xin hɔn hu-i nɔ. Adɔn xin lɔ mɛ wɛ Mawu na ɖe hɔnhlɔn etɔn sɔ xlɛ le, gbɔn e xin lɔ mɛ-wɛ Mawu-we Ovi lɔ we hɔnhlɔn na nyi ɖi ɖe xlɛ le" ⁵ Yesu yi owan na Mata kpo nɔvyɔ nyɔnusi lɔ, kpo Lazaa. ⁶ E se tun Lazaa mɔ jɛ adon nɔ, ganke, e mɔ nɔ onyi na onyihinhɔn owe le ofi ke eyi lɔ ⁷ E xin godo, e bo lɔ na onukplanvi etɔn lɛye tun: " Mia trɔ-yi yude" ⁸ Onukplanvi lɛye bo kan-ɛ se tun byo:" Hlabi, azan oviiɖe jan xɛn Jwifuye kan na tɔ ɛkpɛn wu we a bo hu we le oto mɛ blɛ iwɛ o mɔ ba gblɔn yi nɔ ke?" ⁹ Yesu bo ɖewu ni-i byo:" Ganxixo weve hwɛn le okle ɖokpo mɛ wɛɛ? Na ɛmɛɖe o zɔn zɔnlin nɔ le keklo, e hɔn nɔ klɛ onu, ɖo, kin klɛn ɛgbɛ lɔ mɛ tɔn nɔ na na e nɔ kpɔn onu nɔ ¹⁰ Vɔ, na ɛmɛ ɖe o zɔn zɔn lɔn le ozan mɛ nɔ, e nɔ klɛn onu, ɖo, kinklɛn hɔn le emɛ" . ¹¹ Kena e lɔ oxo xin lɛye vɔ, e lɔ tun byo: " hadwe miatɔn Lazaa, dɔ awlɔn, vɔ ko na na ve fɔn-ɛ" ¹² Onukplanvi lɛye bo lɔ ni-i byo:" xwetɔ, e nyi tun awlɔn jan wɛ e dɔ, bɛ a dɔn etɔn na gɔ! " ¹³ Vɔ, oku Lazaatɔn we oxo wɛ yesu olɔ nɔ, vɔ yee bo bu-i tun awlɔn vɔvɔ wɛ e dɔ nɔ ha. ¹⁴ Iwɛ, Yesu ɖe emɛ na ye tun Lazaa mɔ ku ¹⁵ E bo mɔ lɔ tun: " Do miye wu, e nyi jijwɛ na-a tun hɔn le blɛ le hwexin lɔ nu, exin, mi mɔ do kan do ji ye. Vɔ syɛ, mi na na mia yie kɔn" ¹⁶ Iwɛ tɔma ke ye nɔ yɔ tun to gbosu, lɔ na onu kplanvi gbokpweye tun byo:" Mi na na miye can mia yi, a do ve ku kpo-e !" ¹⁷ Kena yesu va, e se tun ye mɔɔ ɖi Lazaa we ocɔ sɔn onuyi hinhɔn ɛnɛ gbɔn. ¹⁸ Kpɛntin atɔn ha jan wɛ Betani kpo Jeluzalɛmu we toxo lɔ mɛ. ¹⁹ Jwifuye susu va Malya kpo Mata kɔn, a do va fa akɔn na ye, do ye nɔvyɔ wɛ oku lɔ hu. ²⁰ Kena Mata se tun yesu mɔ gbɔn nɔ, e ve kpe-e, hwexinu malya bo xin nɔ le oxwe lɔ gbe ²¹ Mata bo lɔ na yesu byo:" xwetɔ, na o do le bwɛ saa wɛ, nɔvye hɔn ku n. ²² Vɔ, ko nyɔ-ɛ tun gbɔɔ do jɛ syɛ can, onu zɛtɛ ke o na byo Mawu, e na sɔ ye na we" ²³ yesu bo ɖewu ni-i tun byo:" Nɔvwe na fɔn sɔn oku" ²⁴ Mata mɔ ɖewu ni-i lɔ byo:" ko nyɔ-ɛ tun va fɔn sɔn oku le finfɔn sɔn oku hwenu le azan kpotwi lɔ gbe" ²⁵ Yesu lɔ ni-i tun byo:" Bo wɛ nyi fɔn sɔn Oku, bo mɔ nyi ɛgbɛ lɔ, ɛmɛ ke kan do ji ye, na e mɔ do ku can, e na nɔ ɛgbɛ. ²⁶ Ɛmɛ ke le ɛgbɛ, bo kan do ji ye hɔn ku nɔ gbe ɖe. Okan do eji?" ²⁷ Mata bo d'ewu ni-i byo: " ɛɛn, xwetɔ, ko kan do e ji tun ji mɛ mɔ nyi klisu lɔ, Mawu we ovi, ke ɖo na va ɛgbɛ lɔ mɛ" ²⁸ Ke Mata ɖo oxo xin lɔ wu, e sɔn bo ve yɔ nɔvyɔ Malya, bo ɖe okpa ni-i byo : " Onukplan ɛmɛ tɔ lɔ va bo o yɔ we nɔ " ²⁹ Kena Malya se emɔha, e si te kplaŋu, a do ve kpe yesu. ³⁰ Vɔ, yesu hɔn dyɛ otota lɔ mɛ hɔn ɖyo, e gbɛ le ofi ke Mata ve kpe-e le lɔ. ³¹ Jwifu ke le oxwe lɔ gbe le Malya kɔn ye, mɔ do fa akɔn ni-i nɔ ye, kpɔn tun e mɔ site kplaŋu bo tɔn. Yee can xo do-e, bo bu-i nɔ tun yɔ gun lɔ to mɛ e mɔ yi nɔ h, a da ve vi avi. ³² Ke Malya va jɛ ofi kena yesu le lɔ, bo kpɔn-ɛ, ejɛ klita le ŋukɔn ni-i bo tun:" xwetɔ, na o do le bwɛ saa wɛɛ, nɔvye ku nɔ mɔ !" ³³ Kena yesu kpɔn tun e mɔ yi avi nɔ, Jwifuye xo do-e lɛye can bo vi avi nɔ, e vɛ ni-i taŋu, ayixa etɔn bo gba do ³⁴ E bo lɔ tun:" Yɔgun enɛ mɛ lɛ mi sɔ-ɛ sɔ do?" ye bo ɖewu ni-i byo:" xwetɔ, va kpɔn'" ³⁵ Yesu vi avi ³⁶ Iwɛ Jwifuye lɔ tun: " Mi kpɔn ke ha e yi owan ni-i ɖo!" ³⁷ Vɔ, ɖeye mɔ le ye mɛ bo lɔ nɔ tun:" E lɔ kena hun ŋukunsin na ŋuvanɔ, ŋu nɛ jɔ e hɔn kpewu hɛn ɖo ɖe gbɔɔn na Lazaa lɔ we oku do glo? ³⁸ Onu lɔ mɔ ɖu adɔnu na yesu taŋu, e bo yi yɔ gun lɔ to. Yɔgun lɔ le ɛkpɛn ɖaxo ɖe mɛ, ye bo bli ɛkpɛn bo do tu-i. ³⁹ Yesu bo tun" Mi bli ɛkpɛn lɔ tɛ" Mata, ɛmɛ ke ku lɔ nɔvyɔ bo lɔ ni-i tun byo:" xwetɔ, e o lo hwɛn oxwin nɔ, ɖo, onyi-hin hɔn ɛnɛgɔ lɔ xɛn" ⁴⁰ Yesu bo ɖewu ni-i byo:" Ko hɔn lɔ na we tun:" na o do e ji, o na kpɔn Mawu we hɔn hlɔn wɛɛ?" ⁴¹ Ye bli ɛkpɛn lɔ tɛ. Iwɛ yesu kɔ okɔ yi oji, bo lɔ tun byo: Didaye, ko do ɛkpɛ na we, ɖo o ɖo oto wu-u ⁴² Ko nyɔ-ɛ tun o nɔ ɖo oto wu-u tɛgbɛ, vɔ, ɛmɛ susu ke lɛ do-o keye wɛ dɔn na ko do lɔ oxo ke nɔ, naye a do kan do eyitun yi mɛ mɔ ɖo -o ɖodan" ⁴³ Kena e lɔ emɔha vɔ, e do axwa sinsyɔn bo lɔ tun byo:" Lazaa, tɔn!" ⁴⁴ Iwɛ ɛwɛ ke ku saa lɔ bo tɔn afɔye kpo alɔye bo mɔ gbɛ le bibla kpo avɔvinu, avɔ ke ye do bla ŋumɛni-i lɔ bo mɔ gbɛ le ŋumɛ ni-i iwɛ yesu lɔ tun:" Mi tun-i, a bo jo-e do nia sɔn" ⁴⁵ Le Jwifu ke ya Malya kɔn bo kpɔ onu ke yesu wasi lɛye mɛ, ɛmɛ susu kan do yesu lɔ ji ⁴⁶ vɔ, ɛmɛ buye le mɛ, bo ye kpɔn Falizitɔye, bo to onu ke yesu wasi lɔ, na ye ⁴⁷ Avɔ santɔ ɖaxoye, kpo Falizitɔye yɔ ɛhwɛɖotɔ daxoye we okpli, bo lɔ na ye tun byo:" ŋunɛ lɛ mi na wa?" Ɖo dahwe ke o ɖe josido susu xlɛ nɔ do gbɔn ŋudan do nu wiwasi mɛ! ⁴⁸ Na mi jo-e do, e mɔ yi ŋukɔn le emɛ nɔ, ɛmɛbi na kan do eyi, hlɔma we otogaye mɔ site a bo gba Mawu we oxwe lɔ, a bo vɔ okun na otogun miatɔn!" ⁴⁹ dƐmɛ ɖokpo le yemɛ bo nɔ nyi kayifu, bo nyi avɔsantɔye we oga le oxwe xin lɔ mɛ, bo lɔ byo:" Miye, mi hɔn kpɔn onu jɛ onu ti wu mɔ! ⁵⁰ Mi hɔn kpɔn-ɛ syɛ? tun na ɛmɛ ɖokpo gee ku do ota mɛ na otogun lɔ, e na ɖe ɖe na mi hugan tun otogun lɔ zɛtɛibi a vɔ okun wɛɛ?" ⁵¹ Vɔ, e hɔn nyi elɔ tete ŋutɔ hwɛn lɔ oxo xin lɛye nɔ, ke e nyi tun itete wɛ nyi avɔsantɔye we oga le oxwe xin lɔ mɛ, oxo wɛ e lɔ ɖo nyi nɔ tun yesu mɔ na ku do ota na Jwifuye we otogun lɔ. ⁵² E ko nyi otogun lɔ ɖoɖyo hwɛn can, vɔ, e na ku a do dɔn Mawu vikpɛ ke na gbado zɛtɛye do kpɔkpɔ ⁵³ Bɛ sɔn gbe xin lɔ gbe, ye sɔ ogbetɔ na do hu-i. ⁵⁴ Iwe dɔn yesu hɔn mɔ nɔ tɔn jɛ agbaŋugba le Jwifuye. Vɔ, e lɛ le blɛ lɔ bo sin kansin ɖe ke tɛkpɔ zogbeji mɛ, le toxo ke ye nɔ tun Eflayimu mɛ, e mɔ nɔ blɛ lɔ kpodo onukplanvi etɔnye. ⁵⁵ Jwifuye we vivayi we oxwe mɔɔ o tɛkpɔ nɔ, kansin lɔ me tɔ susu bo yi Jeluzalɛmu, a do ve sra ɛwu, gbɔxwe oxwe lɔ a va ⁵⁶ Jwifuye bo kan yesu nɔ, ye bo ka yenɔ niɔye se nɔ le Mawu we oxwe lɔ gbe tun byo:" Na ɖe lɛ mi susu do ewu? E na va oxwe lɔ ɖu gbe doo syɛ" ⁵⁷ Avɔsantɔ ɖaxoye kpo do Flizitɔye o ɖe ogbeta tɔn-ɛ, tun na ɛmɛ ɖe nyɔ Ofi ke yesu le, ni mɔ xo okpa na hiye, na hiye a mɔ ve wle-e.