¹ Yesu lɔ tun :" xojɔxo kpatakli xɛn ko o lɔ na mi nɔ, ɛmɛ ke hɔn gbɔn lɛngbɔkpo mɔnu bo do dyɛ okpo lɔ mɛ, vɔ bo gbɔn okpata gbɔn ofi bu do ɖyɛ, ɛmɛ, ɛmɛ xin lɔ, fyanfinnɔ ja gu da wɛ e nyi. ² Vɔ, ɛmɛ ke gbɔn omɔnu do ɖyɛ emɛ, wɛ nyi lɛngbɔ kplɔtɔ lɔ ³ Lɛngbɔkpo cɔ tɔ lɔ nɔ hun okpo lɔ ni-i, lɛngbɔ etɔn lɛye we nyikɔ ɖokpo-ɖokpo, a bo ɖe ye tɔn-ɛ. ⁴ Na e ɖe ye mɛ bi tɔn-ɛ Vɔ; e mɔ jɛ ŋukɔn na ye, lɛngbɔ lɛye bo nɔ xo do-e, ɖo ye nyɔ o gbe etɔn. ⁵ Ye hɔn xodo jonɔ do nɔ kpɔn gbe ɖe. Si jan wɛ ye na si-i. Ɖo, ye hɔn nyɔ jonɔye we ogbe" ⁶ Yesu do olo ke lɔ na ye, vɔ ye hɔn kpɔn onu jɛ oxo kena e o na ye lɔ wu. ⁷ Yesu mɔ lɔ ke tun:" xojɔxo kpatakli xɛn ko o lɔ na mi nɔ, bo wɛ nyi agbo na lɛngbɔ lɛye ⁸ ɛmɛ zɛtɛ bi ke va jɛ ŋukɔn na ye, flanfinnɔ jagudaye wɛ ye nyi. Vɔ, lɛngbɔ lɛye hɔn ɖo oto wu ye ⁹ Bo wɛ nyi agbo lɔ, na ɛmɛ ɖe gbɔn ji ye bodo ɖyɛ emɛ, e na kpɔn hwlɛngan. E na yi nɔ; a bo gbɔn nɔ, a bo kpɔn amakanmɛ adodwe, ¹⁰ Flanfinnɔ, ɛfin gbe jan wɛ e nɔ tɔn, a bo tɔn ɛmɛ huhu kpo onu gugu gbe vɔ blɔ, ko va na gbɛtɔye a do kpɔn ɛgbɛ, ɛgbɛ jɔ ɛgbɛ ¹¹ Bo wɛ nyi lɛngbɔ kplɔtɔ nywɛ lɔ. Lɛngbɔkplɔtɔ nywɛ lɔ nɔ sɔ ɛgbɛ etɔn sɔ na do ota na lɛngbɔ etɔn ye. ¹² Odanwata ke kpɔn lɛngbɔ lɛye ji nɔ a do yi oho, e lɔ hɔn e hɔn nyi lɛngbɔkplɔtɔ lɔ, lɛngbɔ lɛye can ko nyi etɔn. Na e kpɔn ohla o gbɔn nɔ, e nɔ si a bo jo lɛngbɔ lɛye do. ¹³ Odanjanwɛ e wa nɔ a do yi oho, lɛngbɔ lɛye we ɛgbɛ hɔn ɖi onu ti le ŋumɛ ni-i ¹⁴ Bo wɛ nyi lɛngbɔtɔ nywɛ lɔ. Ko nyɔ lɛngbɔ tɛyee. Yee can mɔ nyɔ-ɔ, ¹⁵ Ɖi kena Didaye nyɔ-ɔ, bo can mɔ nyɔ Didaye lɔ ɖo ha: ko nɔ sɔ ɛgbɛ tɛye do san avɔ do ota na lɛngbɔ tɛyee. ¹⁶ Ko mɔ ɖo lɛngbɔ buye, ke hɔn le okpo ke mɛ, e xin lɛye can, ko ɖo na kplɔ ye can, ye na se ogbe tɛye, e xin lɛngbɔ lɛye mɔ nyi ogbɛ ɖo kpo, lɛngbɔkplɔtɔ lɔ can mɔ nyi ṣokpo ¹⁷ Didaye yi owan na-a, ɖo ko sɔ ɛgbɛ tɛyɛ sɔ na nɔ, a mɔ trɔ va yi-i ¹⁸ ɛmɛ ti hɔn yi ɛgbɛ tɛye le si ye nɔ, vɔ bo tete wɛ ɖo ojlo a do sɔna. Ko ɖo ɛcɛ bo na do sɔ ɛgbɛ tɛye sɔ na, bo na ɖo ɛcɛ a mɔ do trɔ yi-i ¹⁹ Ogbeɖiɖe kena Didaye na-a xɛn xin ²⁰ ɛmɛ susu le ye mɛ bo lɔ nɔ byo:" Gbigbɔ nylakan le emɛ, e bɛ oha ŋunɛ jɔ mi do ɖo oto wu nɔ?" ²¹ ɛmɛ ɖeye bo lɔ tun:" oxo etɔn ye hɔn nyi ɛmɛ ke gbigbɔ nylakan le emɛ we oxo. Gbigbɔ nylakan ɖe na kpewu hun ŋukunsin na ŋuvanɔ doo?" ²² Vivɔ hwenu wɛ; Jwifuye bo kpli le Jeluzalɛmu, bo do ɖu azan ke ji na ye sɔ Mawu we oxwegbe lɔ sɔ do alɔ mɛ na Mawu, we oxwe nɔ. ²³ Le Mawu we oxwe lɔ gbe, yesu o yi nɔ, bo gbɔn nɔ le salomɔ we dogbo ji . ²⁴ Jwifuye bo va lɛto do-e, bo kan-ɛ se nɔ tun byo:" bɔɔn do jɛ hwe nɛ nu lɛ o na jo mi do manywɛ mɛ na? Na e nyi tun yi wɛ nyi klisu lɔ, lɔ-ɛ na mi xojɔ xo tɔn!" ²⁵ Yesu bo ɖewu na ye tun byo:" ko o lɔ-ɛ na mi, mi ko kan do eji. Odan kena ko o wasi nɔ le Didaye we nyikɔ mɛ ye , o ɖe kunnu na-a nɔ. ²⁶ Vɔ, mi ko kan do ji ye nɔ, ɖo mi hɔn le lɛngbɔ tɛyee mi ²⁷ Lɛngbɔ tɛyee nɔ se ogbe tɛye, ko nyɔ ye, ye mɔ nɔ xo do-o ²⁸ ko nɔ na ye ɛgbɛmavɔ mavɔ, ye hɔn crɔn nɔ gbeɖe; ɛmɛ ti ko yi ye le alo mɛ na nɔ . ²⁹ Didaye ke sɔ ye sɔ na-a lɔ, hugan hu onubi sese, ɛmɛti ko kpewu na yi onu ɖe le alɔ etɔn mɛ. ³⁰ Bo kpo Didaye lɔ, ɖukpo wɛ mi le" ³¹ Jwifuye mɔ can ɛkpɛn ke, e do tɔ-ɛ, a bo hu-i ³² Iwɛ yesu lɔ na ye tun byo: " Odan nywɛ-nywɛ ke sɔn Didaye de ye susu wɛ ko o xlɛ mi nɔ" Enɛ wu lɛ mi ba tɔ. Ɛkpɛn wu do nɔ a bo do hu-u? " ³³ Jwifu lɛye bo ɖewu ni-i tun byo:" E hɔn nyi odan nywɛ ɖe ke o wasi hwɛn dɔn na mi ba do tɔ ɛkpɛn wu we, a bo hu we nɔ, vɔ, acɔn ke o kɔn do Mawu wu nɔ wɛ dɔn, ɖo, lɔɔ ke nyi gbɛtɔ vɔvɔ, o sɔ ɖiwe do ɖo Mawu nɔ." ³⁴ Yesu bo ɖewu na ye byo: " ye hɔn wlan le osɛn miatɔn mɛ tun Mawu mɔ lɔ tun mawuye we mi nyi wɛɛ? ³⁵ Mi nyɔ-ɛ tun ye hɔn kpewu natutu ovo ke winwlan lɔ lɔ mawu xɛn yɔ ɛmɛ kena e lɔ oxo na nɔ ye nɔ tun mawuye, ³⁶ iwɛ, miye, mi va lɔ nɔ, na blɔ ɛmɛ ke otɔ lɔ ɖe ɖo ovo, bɔ Mawu wu nɔ, ɖo, ko lɔ tun: ko nyi Mawuvyɔ. ³⁷ Na e nyi tun ko hɔn wasi Didaye we o danye nɔ, bɛ mi bo ka kan do ji ye. ³⁸ Vɔ, na ko o wasi yo nɔ, na mi hɔn mɔ do ji ye nɔ can, bɛ mi bo kan do odan xin lɛye ji, na mia do nyɔ-ɛ a bo do kpɔn onu jɛ ewu tun Otɔ lɔ mɔ le mɛ ye, bo can mɔ le Otɔ lɔ mɛ" ³⁹ Ke yesu lɔ emɔha, ye mɔ jlo tun hiye a mɔ wle-e, vɔ, e bo si do ye. ^{40 41 42} Yesu mɔ sin Judɛn we otɔ lɔ godo ofi ke janjɛ Mawu we ɛsin lilɛ ji na ɛmɛye le saa. E bo nɔ blɛ lɔ. Ɛmɛ susu va e kɔn nɔ bo lɔ nɔ tun:" Jan hɔn wasi ŋu dando . Nu ti, vɔ onu bi sese ke e lɔ do dahwe ke wu, xojɔxo wɛ bi" Le blɛ lɔ, ɛmɛ susu bo kan do eji.