¹ Onu ke le vivɛɖe le oxo ke mí lɔ nɔ mɛ wɛ nyi byo, mí ɖo avɔsantoye we xin lɔ, e bo hlɔn onyi le aɖusi mɛ na xɔluzikpwe hɔnhlɔn bi sese tɔn le sɛxwe, ² bo wa odan nɔ le sinsɛnxɔ ke nyi avɔxɔ tete kena ɛgbɛtɔ hɔn wasi vɔ xwetɔ Mahu lɔ tete wɛ wasi-i lɔ mɛ. ³ Avɔsantɔye we oga ɖekpokpwe, ye sɔ-ɛ sɔ ɖo onyi e mɔ do sɔ onuninaye kpo avɔsanye sɔ na Mawu, i wɛ dɔn i tete can mɔ ɖo na ɖo onu ɖe a mɔ na. ⁴ Na e do nyi byo, nyidan ji wɛ klisu lo do le wɛ, e hɔn nyi avɔsantɔ nɔ can, ɖo ɛmɛ ke nɔ sɔ onuninaye do san avɔ na Mawu ɖi kena osɛn lɔ lɔ ɖo ha ye, o le. ⁵ Avɔsantɔ we odan ke ye nɔ wasi, bo yi oyɛ kpo ɖiɖexlɛ onu ke le sɛxwe ye tɔn ɖi ke Mawu ɖo afɔ afɔ ji na Mɔyizi ɖo ha le hwekenu na e ba wasi avɔxɔ nɔ, Mawu bo lɔ ni-i byo:«kpɔn» wɛ e lɔ ni-i byo « o na wasi onu bi sese do ninɔmɛ kena ko sɔ xlɛ we le oso lɔ ji, lɔ mɛ» ⁶ Vɔ syɛ, odan kena Yesu yi glo taŋu, ɖo, e lɔ wɛ nyi ɛmɛmɛjlaɖotɔ na okancica yɔyɔ lɔ, ke nyɔ hwɛn hu satɔn lɔ. okancica nyi lɔ bo xlɔn onyi do atanŋu kinkan ke nyɔhwɛn ji. ⁷ Ɖo na e do nyi byo: okancica tantyan tɔn lɔ hɔn ɖo ofɛn ɖe wɛ, bɛ ye hɔn mɔ sɔ owegɔ bu do ɖɔli wi nɔ ⁸ Ɖo onu wɛ Mawu gbɛ na otogun etɔn do lɔ byo: «azanye o gbɔn nɔ, hwlɛngantɔ Mawu lɔ ,wɛ lɔ e mɔ, i wɛ ko na okancica yɔyɔ kpo Izrayɛli kpo Juda we otogunye. ⁹ E hɔn mɔ le nɔ ɖi okancica kena ko wasi kpo ye dagbwɔye ha le azan ke gbe na ko hɛn alɔnu naye do ɖe ye tɔn-ɛ le Ejiputu we oto mɛ, kena ye hɔn nɔ ogbe na okancica tɛye ko ɖe alɔ tɛ le ye wu, hwlɛnganto Mawu lɔ wɛ lɔ.» ¹⁰ Le azan xin lɛye godo, okancica kena ko na wasi kpo otogun tɛye Izrayɛli xɛn: Ko na sɔ osɛn tɛye sɔ do gbigbɔ yetɔn mɛ, a bo wlan oxo tɛye do oji yetɔn ji; ko na nyi Mawu yetɔn, ye mɔ nyi otogun tɛye. ¹¹ Ɛmɛ ɖe hɔn mɔ va kplan onu ti wu hatɔ otovi alo nɔvyɔ nɔ, a mɔ lɔ ni byo: « Nyɔ ó! Ɖo ɛmɛ bi sese na nyɔ-ɛ sɔn vikpɛvyu ji gbɔɔn do yi ɛmɛhyɔn ji. ¹² Ɖo ko na kpɔn dɔŋuɖunu na ye le onumasɔgbe yetɔnye ke ye wa ye mɛ, ko mɔ wɔn onu nyinyla yetɔnye» ¹³ Ke Mawu byo okancica yɔyɔ bɛɛ e sɔn tantyɛn lɔ do trɔzun xixo. I wɛ onu kena trɔzun xixo lɔ, mɔ doxo do eji nɔ, bo le gbe sisɔ na do vɔkun.