¹ kena Mawu we gbɔjwɛmɛ ɖiɖyɛ we atanŋu kena e kan lɔ gbɛtɔ lenyi hun bɛ mia cɔ miaɖe, exin ɛmɛti ko va le miamɛ nɔ amɔ dokpo emɛɖiɖyɛ ² Ɖo míye can mí se ɛwɛn nywɛ lɔ ɖi yeha ,vɔ oxo kena yee lɛye se lɔ hɔn ɖe ale ɖe na ye, ɖo, hwekenu na ye se,ye h̀ɔn yi kpodo xɔse. ³ Ɖo mí mɛ kena xɔseye mí na ɖyɛ Mawu we gbɔjwɛ ke we oxo na e lɔ nɔ do lɔ byo: kena adi wle-o, ko tanu bo lɔ bio : ye hɔn ɖyɛ gbɔjwɛ tɛye mɛ nɔ! Mí bo nyɔ-ɛ byo Mawu mɔ wa odan etɔnye vɔ sɔn hwekenu na eɖo ɛgbɛ lɔ gbɔɔn. ⁴ Ɖo winwlan kinkwɛn lɔ lɔ do ayihɔn acowe gɔ lɔ lɔbyo: kena Mawu wa odan zetɛye vɔ, e gbɔjwɛ le onyihɔn acowe gɔ lɔ gbe. ⁵ E bo mɔ lɔ ke lɔbyo: " ye hɔn dyɛ gbɔjwɛ tɛye mɛ nɔ. " ⁶ kena e nyi byo, Izrayɛli vikpɛye ke nyi ɛmɛ tantyen tɔn ke se ɛwɛn nywɛ lɛye hɔn dyɛ e mɛ do ye we otonumase wu, omɔ lɔ gbɛ le hun-hun na ɛmɛ deye a mɔ do dyɛ e mɛ. ⁷ I wɛ Mawu mɔ sɔ azan bu sɔ ɖo ote bo yɔ azan xin lɔ byo " egbe" ganmɛ susu bo va yi, e bo mɔ va trɔ lɔ gbɔn Davidi ji ɖi kena vinwlan ke le jihwe lɔ o lɔ ɖo ha byo: " egbe na mi se we ogbe; mi ko syenxu ayixa miatɔnye. ⁸ Na edo nyi lɔ byo jozwe do kplɔ otogun lɔ do ɖyɛ gbɔjwɛ mɛ, hun bɛ Mawu hɔn mɔ va lɔ azan bu we oxo le exin lɔ godo nɔ. ⁹ Do exin wu, gbɔjwɛ zan ke nyi saba zangb, mɔ le onyi na otogun Mawu tɔn lɔ . ¹⁰ Ɖo ɛmɛ ke na ɖyɛ gbɔjwɛ Mawu tɔn mɛ, e nɔ gbɔjwɛ le yi tete we odanye can mɛ. Ɖ i kena Mawu can gbɔjwɛ ɖo le onyihinhɔn acowegɔ lɔ gbe ɖo ha. ¹¹ E le emɔ, bɛ mía hwlɛndo syɛ a do dyɛ mía we gbɔjwɛ lɔ mɛ, e xin, otonumase ɖokpo ŋumyɔ xin ha ye ko mɔ do sɔ ɛmɛ ɖe sɔ xu onyi le mía mɛ nɔ. ¹² Ɖo Mawu we oxo lɔ le ɛgbɛ, bo ɖo hɔnhlɔn, bo ɖa hugan ohe onu owe nɔ ɖekpokpwe. E nɔ yi gbɔɔn bo nɔ ma okla kpodo gbigbɔ kpo mɛ, bo nɔ ma oxu kpetyɔnye kpodo oxu we amiye mɛ. E nɔ ɖo kojo na ojroye kpodo susu gbɛtɔtɔnye. ¹³ Onu ɖiɖo ti hɔn le hwihwla le ŋumɛ na Mawu. Onu zɛtɛye wɛ le govɛ, bo le gbahungba le ŋukɔn na e lɔ, kena mí ɖo na jo akɔnŋuta na. ¹⁴ Ke mí ɖo Yesu, Mawuyɔ kena nyi avɔsantɔ ɖaxo kpatakli bo yi kaka Mawu kɔn, hun bɛ mía hɛn xɔse ke we oxo mí o jra nɔ lɔ sinsyɔn. ¹⁵ Ɖo mí hɔn ɖo avɔsantɔye we oga ke hɔn kpewu na se vivɛ na mí le gbɔjɔgbɔgbɔjɔ míatɔnye mɛ, ɖo yi tete gbɔn tintɛnkpɔn mɛ le onu ɖekpokpwe mɛ, ɖi miye can ha, vɔ e hɔn wa onu nyinyla ti. ¹⁶ Hun bɛ mía tɛkpɔ Mawu we xɔlu zinkpwe lɔ kpodo kandeji, exin, Mawu mɔ kpɔn dɔŋuɖunu na mí, a bo na mí ɛfɛnu, a mɔ hwlɛn mí le oganxixo ke jɛ mɛ.