¹ Ɖo avɔsantɔye we oga ɖekpokpwe, gbɛtɔye mɛ wɛ ye nɔn sɔ-ɛ le, a bo sɔ-ɛ ɖo' nyi e mɔ do wa odan na Mawu na gbɛtɔye we onywɛ. Odan e tɔn '' wɛ nyi byo, e na nɔ sɔ onu nina kpo avɔsinsan do sɔn na Mawu do onu nyinlaye we tamɛ. ² Avɔsantɔ ɖaxo lɔ tete ɖo gbɔjɔ-gbɔjɔ, i wɛ dɔn na, e hɛn e na se onu gɔnmɛ na ɛmɛ kena bu omɔ nɔ ye. ³ I wɛ, do gbɔjɔ-gbɔjɔ etɔn lɔ wu, e ɖo na san avɔ na Mawu do yi tete ŋutɔ we onunylaye wiwa kpo otogun lɔ we onunyinyla wiwaye we ota mɛ. ⁴ Bubu kena le avɔsantɔ ɖaxo nyinyi mɛ lɔ, e hɔn nyi ɛmɛtete ŋutɔ hwɛn nɔ sɔ-ɛ lɔ hwɛn nɔ sɔ-ɛ na eɖe, vɔ dogbɔn mawu we oyɔ mɛ wɛ ye nɔ yi-i, le ɖi kena e nyi ɖo na alɔn ɖɛgbe. ⁵ Emɔha ke ,avɔsantɔ ke Klisu lɔ va trɔzun,e hɔn sɔ gigo etɔn sɔ na eɖe, vɔ, e yi-i sɔn Mawu kɔn, Mawu lɔ bo lɔ ni-i lɔbyo; Ovi teye wɛ o nyi,bɛ sɔn egbe, bowɛ ji we ⁶ ɖi kena emɔ lɔ ɖo le ofi bu ɖo ha lɔ byo ; o nyi Avɔsantɔ kaka gbɔɔn do yi mavɔmavɔ le ɖi kena Mɛlicisedɛki tɔn nyi ɖo ha ⁷ hwekenu na Yesu lɔ le ɛgbɛ le nyidanji, e xo ɛɖɛ kpodo kuku ɖiɖe kpo axwa lelele kpodo ɖasin kpo na Mawu ke kpewu na hwlɛngan le oku si. Mawu lɔ bo se ɛɖɛ etɔn do ɛmɛɖe sɔ hwe etɔn wu. ⁸ E nyi ovi Mawu tɔn ganke vivɛsise ke mɛ na e gbɔn ye bo na na e kplan tonu sise . ⁹ Ke Mawu lɔ na na e nyi ɛmɛ bo sɔgbe sese vɔ hin, e va sɔ-ɛ do trɔzun whlɛngan mavɔmavɔ we jɔtyɔn na ɛmɛ ke nɔ se otonu ni-i ye. ¹⁰ Mawu lɔ bo sɔ-ɛ do ɖo avɔsantɔye we oga ɖi kena Mɛlicisedɛki tɔn nyi ɖo ha. ¹¹ Onu susu le ke na lɔ do oxo xin lɔ wu, vɔ, e bo vɛwu na mí na mí na do ɖe ye we gɔnmɛ, do mí hɔn mɔ nɔ yawu se onu gɔnme. ¹² Miye ke o ɖo na nyi onukplanɛmɛtɔye xoxoxo, e mɔ va hyan tun ye a mɔ kplan mi Mawu we oxo lɔ sɔn bibɛmɛ. Anɔsin wɛ mi mɔ hyan nɔ, vɔ onuɖuɖu sinsyenxu wɛ mi o ɖo na ɖu nɔ. ¹³ Ɛmɛ ɖekpokpwe kena gbɛ kpɔtɔ le anɔnu hɔn kpe wu na kɛ onu do ɛhwɛjijwɛ we oxo wu; ɖo vife wɛ e nyi. ¹⁴ Vɔ, ɛmɛhyɔn wɛ onuɖuɖu sinsiɛnxu le onyi na, Yee, do gbɔn onu wiwa yetɔnye mɛ, a kpɔn onu jɛ onu nyinyla kpo onu nywɛ kpo wu, o ma do susu yetɔnye.