¹ I wɛ wanu nɔvi xɔsetoye mi mɛ kena Mawu yɔ ye, mi sɔ susu miatɔn sɔ ɖo Yesu ji, elo we nyi ɛmedindɔye kpo avɔsantɔye we ga na xɔse we oxo ke ke mi jla nɔ lɔ. ² Mawu can-ɛ na odan xin lɔ, e bo no ogbe ji ni-i, ɖi kena Mɔyizi can wasi ɖo le Mawu we oxwe lɔ bi gbe ɖo ha. ³ Ɖo ɖi kena ye nɔ do bubu ɛmɛ kena gba oxwe lɔ wu hugan oxwe lɔ tete ɖo ha, e mɔha ke wɛ e jɛ ɖo byo kinkanfu Yesutɔn a mɔ su hugan Mɔyizi tɔn ɖo. ⁴ Ɖo oxwe ɖekpokpwe ɖo egbatɔ, ɛmɛ ke wasi wɛ nyi Mawu. ⁵ Mɔyizi nɔ gbeji le Mawu we oxwe lɔ gbe, ɖi odansɔvi ha e bo nɔ ɖe kunnu na onu kena Mawu na va lɔ. ⁶ Vɔ Klisu e lɔ e nyi ovi bo nyi oga le Mawu we oxwe lɔ gbe. Míye bo nyi oxwe lɔ, na mí hɛn kandeji kpatakli lɔ kpodo omɔkpinkpɔn kena mí nɔ do mla lɔ wu. ⁷ Iwɛ wanu ɖi kena Gbigbɔ Kinkwɛn lɔ ɖo na lɔ byo:« Egbe na mi se ogbe Mawutɔn, ⁸ mi ko na na oji miatɔnye a syɛnxu ɖi kena miadagbwɔye wasi ɖo ha, le hwekenu na ye fɔn gu do tɛn Mawu kpɔn le gbɛfaji ha. ⁹ Le blɛ miadagbwɔ ye tɛn-ɔ kpɔn , a mɔ do do aja ŋumɛ na-a, vɔ ye bo kpɔn onu wiwa tɛye, na oxwe kande ganke. ¹⁰ Iwɛ wanu aɖi do wlo do jijimɛvi xin ye wu, ko bo lɔ lɔ byo:ye we ayixa ye no bu omɔ tɛgbɛ mɛ xin ye, ye hɔn kpɔn onu jɛ onu kena ko ba nɔ sɔn yekɔn lɔ wu. ¹¹ Do exin wutu, aɖi va wlo iwɛ ko ta onu bo lɔ tun ye mɔ hon ɖyɛ vivotyɔn-gbɔjwɛ me teye nɔ.» ¹² Nɔvi xɔsetoye mi cɔ miaɖe ɛmɛ ti ni ko le miamɛ a mo ɖo oji nyinyla, a mɔ nyi xɔsetɔ kandeji maɖotɔ, oji ke nɔ ɖe ɛmɛ tɛ le Mawu ɛgbɛ-ɛgbɛ lɔ wu ɖo tɔ o. ¹³ Vɔ egbe we oxo kena onu winwla Kɛnkwen lɔ lɔ gbɛ kpɔtɔ le, mi do hɔnhlɔn lanmɛ na miadeye onyihɔngbe onyihɔngbe, exin ɛmɛ ti ko va le miamɛ nɔ amɔ syɛn oji, onunyinyla mɔ blɛ ɖu nɔ. ¹⁴ Ɖo na mí le ote gliŋu gbɔɔn do va yi vivɔnu, ɖi kena mío le ɖo sɔ dojɛ gbɔn ha, hun bɛ mi nyi kplɔdotɔ Klisutɔnye. ¹⁵ Winwla Kinkwɛn lɔ lɔ tun :« Na enyi tun mi se Mawu we ogbe le egbe, mi ko na na oji miatɔnye a syɛn ɖi kena ye fɔn ogu do Mawu ji ɖo ha.» ¹⁶ Vɔ ɖe mɛye lɛ nyi ɛmɛ ke na Mɔyizi ɖetɔn le Ejipu bisese hwɛn wɛɛ? ¹⁷ Mɛɛ ye wu lɛ Mawu d'aɖi do le oxwe kanɖe gblamɛ? E hɔn nyi ɛmɛ ke na wa onu nyinyla bo ku le nyidan ji le gbɛfaji ye hwɛn wɛɛ? ¹⁸ Mɛɛ ye wu lɛ e ta onu bo byo ye mɔ hɔn ɖyɛ gbɔjwɛ mɛ hetɛye mɛ nɔ? E hɔn nyi ɛmɛ ke gbɛ tonu sise lɛye hwɛn wɛɛ? ¹⁹ Mí bo kpɔn byo ye mɔ hɔn kpewu mɔ ɖyɛ emɛ, do kandeji ma ɖo yetɔn wu.