¹ «Nɔvyee kpodo didayee, mi ɖoto wu oxo kena ko ba lɔ na mi nɔ syɛ a bo do xlɛ mi byo ɛhwɛ tɛye mɔ jɔ.» ² Ke na ye se e lɔ oxo na ye nɔ do Heblegbemɛ, oɖa mɔɔ ɖo, awin bo zin cɛncɛncɛn d'eji. I wɛ Pɔlu lɔ na ye lɔ byo: ³ «Jwifu wɛ ko nyi, ye bo ji-u le Tasi, le Silisi we kansinmɛ vɔ, Jeluzalɛmu we toxo ke mɛ bwɛ wɛ ko hwɛn le. Gamalyɛli kɔn bwɛ wɛ ko yi okplan le, e bo kplan-a mía dagbwɔye we okplan lɔ wu ɖi kena e jɛ ɖo na ha pɛpɛpɛ. Ko bo ɖo akpakpa taŋu, na Mawu ɖi kena miye can, mi mɛ bisese le ɖo le egbe ɖo ha. ⁴ Ko ɖe fun na ɛmɛ na ɛmɛ kena zɔn gbɔn Xwetɔ yesu lɔ we omɔ ji nɔ ye gbɔɔn ɛmɛ diye bo ku. Ko na na ye do caba na nyɔnusiye kpodo ŋusungloye bo sɔ ye sɔ do gankpa mɛ. ⁵ Avɔsantɔye we ga kpodo otomɛhyɔnye we ogbɛkpikpleye na ɖe kunnu na-a jlo. Yee si wɛ ko yi wemaye le, do mianɔvyɔ Jwifu ke le Damasiye wu, omɔ ji wɛ ko le do sɔn yi toxo xin lɔ mɛ nɔ, a do vee wle ɛmɛ ke gbɛ zɔn do Xwetɔ lɔ we omɔ ji nɔ, le blɛ ye, a mɔ do dɔn ye do va Jeluzalɛmu ye mɔ dɔn oto na ye». ⁶ Ke ko le omɔ lɔ ji bo sɔn nɔ, ko bo tɛkpɔ Damasi we toxo lɔ nɔ le hwekenu ganweve va xo nɔ emɔha, haŋu ɖokpo zɔnɖokpo kpoŋu, Kinklɛn ɖaxo ɖe sɔn jihwe bo ta lilɛ do. ⁷ Ko bo jɛnyi bo se ogb e ɖe ke na lɔ na-a nɔ lɔ byo:"Sɔlu-Sɔlu ŋunɛ wa na o do ɖe ofun na-a nɔ?" ⁸ Ko bo ɖo ewu ni tun:"Xwetɔ, mɛnɛ lɛ o win?" E bo lɔ na tun : "Blɔ wɛ nyi Yesu Nazalɛtitɔn ke o ɖe fun na nɔ lɔ." ⁹ Ɛmɛ kena xodoe ye, ye kpɔn kinklɛn lɔ nywɛnɖe vɔ, ye ko se ɛmɛ ke na lɔ oxo na nɔ lɔ we gbe. ¹⁰ Ko bo kanse lɔ byo:"Xwetɔ, ŋunɛ ko ɖo na wa?" XWetɔ lɔ bo lɔ na tun: "Cite a bo yi Damasi; blɛ lɔ wɛ ye na lɔ onu kena o na wa lɛye na we le." ¹¹ Kena ko hɔn mɔ kpewu o kpɔn onu nɔ do ke kinklɛn lɔ ta wu, ɛmɛ ke kpo bo kpo zɔn ye wɛ va hɛn alɔ na do yi Damasi lɔ. ¹² Dahwe ɖe kena ye nɔ yɔ tun Ananyasi le toxo xin lɔ mɛ, e bo nɔ ɖo sisi na Mawu bno nɔ zɔn do Mɔyizi we osɛn lɔ ji. Jwifuye bi ke le Damasi we toxo lɔ mɛ ye bo nɔ ɖe kunnu nywɛ do ewu nɔ. ¹³ Dahwe xin lɔ va kɔnye bo va lɔ na lɔ lɔ byo:"Ŋɔvye Sɔlu, mɔ trɔ kpɔnnu." Le tɛndo lɔ mɛ zɔnɖokpo, ko bo xwi on u kpinkpɔn, bo kpɔn elɔ lɔ tete." ¹⁴ I wɛ e lɔ na lɔ byo: «Miadagbwɔye we Mawu o can we d'enyi o mɔ do nyɔ ojlo etɔn a bo do kpɔn ɛmɛ jijwɔ lɔ a bo mɔ do se i we ogbe. ¹⁵ Ɖo o na nyi kunnuɖetɔ etɔn, o mɔ do jla onu ke o kpɔn bo mɔ se ye bisese na ɛmɛye. ¹⁶ Syɛ ŋunɛ lɛ o mɔ tre kpɔn nɔ? Cite, ye mɔ lɛ Mawusin na we a bo klɔ ɛhwɛ tɔweye tɛ le okɔ na we le nyikɔ etɔn mɛ.» ¹⁷ Ke ko va trɔ sin Jeluzalɛmu, ko xo ɛɖɛ nɔ gbeɖokpo le Mawu we oxwe lɔ gbe, ko bo bu do ɖye. ¹⁸ Ko bo kpɔn Xwetɔ lɔ e b o lɔ na nɔ lɔ byo: "Yawu, tɔn bleŋu le Jeluzalɛmu, ɖo ye hɔn va yi gbe na kunnu kena o ba ɖe do wu ye nɔ lɔ." ¹⁹ Ko bo lɔ ni-i lɔbyo: «Xwetɔ ye tete nyɔ-ɛ tun ko mɔ nɔ gbɔn Jwifuye we okpletyɔnye san, bo nɔ na na ye nɔ wle ɛmɛ ke gbɛ ɖo xɔse na we ye do gankpamɛ a bo nɔ xo ye. ²⁰ Wɛ hwekenu na ye hu Etyɛnu kunnuɖetɔ tɔwe, bo can ko le blɛ, ko bo le gbenɔkpɔmɛ kpo mɛ ke na hu-i ye. Bo wɛ hɛn awu yetɔnye na ye do hu-i le hwexinnu». ²¹ Xwetɔ lɔ bo lɔ na ye tun : «Va sɔn, ɖo dindɛnnu wɛ ko va ɖo we ɖodan nɔ o mɔ do yi ɛmɛ ke hɔn nyi Jwifuye kɔn.» ²² Ye bo ɖ'oto wi gbɔɔn va jɛ oxogbe xin lɛye ji. Vɔ ye bo va jɛ axwa dido ji tun: « Mi bu onu na dahwe xin e hɔn jɛ na nɔ ɛgbɛ.» ²³ Hwekenu na ye do axwa nɔ, bo da onudido yetɔnye flɛn nɔ bo ba finfin do jɛhɔn mɛ nɔ, ²⁴ ahwanga lɔ bo ɖe ogbe tun ye ni mɔ kplɔ Pɔlu do ɖyɛ ahwankpa lɔ mɛ, a mɔɔ xo-e nɔ a do kan oxo lɔ se wu-i nɔ, e mɔ do lɔ onu ke wu na ye do axwa do ota ni-i nɔ lɔ. ²⁵ Hwekenu na ye bla Pɔlu bo va xoe nɔ kpo lanba kpo nɔ, e lɔ na sɔjakanwekoga lɔ lɔ byo: «Mi ɖo acɛ na do xo Hlɔmavi jiji ke ye hɔn do ɛwɛ ɖe na? » ²⁶ Ke sɔja lɔ se oxo xin lɔ, e ve lɔ na ahwanga lɔ tun: «Ŋunɛ xin lɔ na o ba dote nɔ? Ɖo Hlɔmatɔ wɛ nyi dahwe xin lɔ.» ²⁷ Ahwanga lɔ bo va e kɔn bo kanse wu-i tun: Lɔ na, Hlɔmatɔ wɛ o nyi?» Pɔlu bo ɖ'ewu ni-i tun:«Ɛɛn.» ²⁸ Ahwanga lɔ bo mɔ kanse wu-i bu ke tun: «Blɔ oho susu wɛ ko zan gbɔxwe na ye do na acɛ wu byo ko mɔ nyi Hlɔmatɔ.» Pɔlu bo ɖo e wu ni-i lɔ byo: «BLɔ Hlɔmavijiji wɛ blɔ ko nyi.» ²⁹ Ɛmɛ ke ba sɔ Pɔlu nɔ a bo do kan oxo wu-i se nɔ lɛye bo yawu jodo zɔnɖokpo. Vivɔ bo jɛ ahwanga lɔ can ji, ɖo, e kpɔnnu jɛ e wu byo ɛmɛ ke he mɔ byo ye mɔɔ bla lɔ Hlɔmatɔ mɛ emɔ nyi. ³⁰ A do nyɔ onu ke wu na JWifuye o do ɛhwɛ ni-i nɔ lɔ taŋu, ye ɖe ogan ni-i bo yɔ Mawu we avɔsantɔ ɖaxoye kpodo ɛhwɛdɔtɔye bisese sɔ kple le ŋukɔndegbe etɔn, ye bo kplɔ Pɔlu do va bo sɔ-ɛ sɔ ɖo dodomɛ na ye.