¹ Ɖi ke na klisu ɖu aya le agbazamɛ do ha ni e can mi ɖo susu ɖi i can ha, mi ɖo susu ɖokpo lɔ a bo do hɔnhlɔn wu miadé, ɖo, mɛ ke ɖu aya le agbazamɛ e hɔn ma wa onuvwɛn de. ² Ele mɔ ha, ɛmɛ emɔtɔn ɔn mɔ ɖo na nɔ ɛgbɛ le gbaza mɛ o, vɔ le gbigbɔmɛ. ³ O nu susu wɛ mi wa ɖo na gigo wu ma xɔsetɔ ye onu ɖu dyu wiwa wɛ vivi na mi, onu nyanyla ye, onudu zɛ ojtɛ wu, ahan nu mu, yɛhwe sinsɛn, onu xyɛ wu bɛ nyi onu exin lɛye. ⁴ Syɛ ye nɔ kɔn acɔn susu ɖo mia wu, ɖo mi hɔn mɔ le wedunnu le ɛtɛ na ye le onunyanylan yetɔnye wiwasi mɛ a. ⁵ Ye na do ogbe na ɛmɛke le gbesisɔ na ɖo ɖo kojo na ɛmɛ ke le ɛgbɛye kpo ɛmɛkukuye. ⁶ Exin wɛ ɖɔn na e do yi kutomɛ do ve yi lɔ Mawu xo na ɛmɛ kuku ye can, na gbɛtɔ ye va ɖo kojo gbaza mɛ tɔn na ye nɔ can, ye a ɖo nɔ ɛgbɛ kpo Mawu le gbigbɔmɛ. ⁷ O nubi we ganmɛ o tɛkpɔ nɔ e le mɔ, ni nɔ mimɛ ji le gbigbɔmɛ. ⁸ Nu ke le vivɛɖe wɛ nyi bio mia yi owan na miaɖe ɖo wanyiyi nɔ bu ɛhwɛ mia tɔn ye susu. ⁹ Mi nɔ jonɔ miade tɔn, mi ka nɔ hlun do onu mɛ a do wasi-i ¹⁰ Ɖi ke ɛmɛ ɖokpo-ɖokpo ɖo onunina, mi na zan a do gɔ alɔ na miade yé mi wasi ɖi ke emɛ ke Mawu sɔ odan na ha. ¹¹ Na ɛmɛ ɖe lɔ oxo lɔ ɖe nyi Mawu tɔn ni wasi kpoɖo hɔnhlɔn ke Mawu ni-i, mi wasi na mawu ayi gigo le Yesu Klisu mɛ. Na Yesu ayi gigo kpoɖo hɔnhlɔn kaka ɖoyi mavɔ mavɔ mɛ. ¹² Nɔvi wanyi na nɔ, vivɛ sise ke va na mi ɖi ozo mɛ mi le ha, ni ko kpaca ɖo mi, awakanmɛ a ku na mio. ¹³ Mi kpɔn jijwɛ ɖo vivɛsise miatɔn wu le Klisu mɛ, viɖe kpo wun wɛ. Mi kplɔn jijwɛ a bo kpɔn jijwɛ kaka ɖo yi gan ke mɛ gigo e tɔn na va. ¹⁴ Na ye mɔ zun mi nɔ can ɖo Klisu wu, mi kpɔn jijwɛ ɖo gbibɔ Mawu tɔn le miaji. ¹⁵ Ɛmɛ ɖe ni ka ɖu aya ɖi ɛmɛ hutɔ ha, alo ɛfinnɔ ha, alo onu nyanya watɔ ha. ¹⁶ Na xɔsetɔ ɖe ɖu aya nɔ ni ka wa ŋunya ni-i, vɔ ni kpa gigo na Mawu ɖo nyikɔ etɔn wu ¹⁷ oganxo na kojo ɖiɖo Mawu tɔn na tɔ ɛji le Mawu we oxwé lɔ gbe. Na ye tɔ-eji gbɔn mi eji, nadé e nanyi. ¹⁸ Na maxɔsetɔ ye? ɛmɛ jijwɛ ye kpɔn hwlɛngan le vivɛsise mɛ, naɖé e na nyi na ɛhwɛhutɔ yé kpo ɖo ɛmɛbaɖaɖa. ¹⁹ Exin wɛ ɖɔn ɛmɛ ke ɖu aya le ojlo Mawu tɔn mɛ, sɔ okla etɔn na Mawu ɛgbɛɖatɔ lɔ abo wasi onunywɛ.