¹ Ke élémɔ, mimɛ ke nyi nyɔnusiye, mi sɔ miaɖe sɔ hwe na miaswɔye, emɛ na ɛmɛ ɖeye le ye mɛ, bo tun he mɔ hɔn kan do mawu we oxo lɔ ji nɔ, walɔ nywɛ ye syɔ ye tɔn mɔ hlwɛn ye gan, eko mɔ hyan oxo de lilɔ. ² Ɖo ye na nɔ kpɔn kena zinzan miatɔn mɛ bo do sisi do. ³ Acɔ ɖiɖo miatɔn ni ka nyi gbazamɛ tɔn òo ɖi oɖa bibla, acɔ ɖonu sika tɔnye alo onudido yɔyɔ ke tɔn nɔ ye. ⁴ vɔɔ, mi kan ojimɛ we jijraɖo we acɔ ɖiɖo ke hɔn nɔ gu, ye we nyi ɖɔmɛ nywɛ, kpo ɖo fifa ojimɛtɔn exinlɔ wɛ vɛ oho le ŋumɛ na Mawu. ⁵ Ɖo emɔha wɛ nyɔnusi mimɛn santɔn ye nɔ ɖo acɔ ɖo. ye nɔ kan ɖo Mawu ji a bo sɔ ye ɖe sɔ hwe na ye swɔye. ⁶ Ké élémɔɔ, Sala nɔ se otonu na Ablaxamu bonɔ yɔ-ɛ tun xwetɔ tɛyé. Syɛ̀ɛ mi nyǐ vikpɛ etɔnye, na mi nɔ wasi onuke nɔ jɔhun ye, ko nɔ jo miaɖe xe ɖo navivɛsise ye. ⁷ emɔ́ha ke, mi osúye, mi ɖó na nɔ zan ɛgbɛ nywɛ kpo miasyɔye a bo, nyi onugɔn mɛsetɔ ɖoɖanye ɖo ye hɔn ɖo hɔnhlɔn ɖi miye ha. mi ɖo na nɔ sɔ sisi sɔ naye ɖo miye kpo ye kpo we Mawu na ɛgbɛ jɔ ɛgbɛ wu enyi mi wasi ɖo emɔ, onuti hɔn mɔ glɔn omɔ na ɛɖɛxixo miatɔn ye nɔ. ⁸ Na ɖo vɔ enu, mi mɛbi, miɖo susu ɖokpo, mi nɔ kpɔn a bo se vivɛ na miade, mi yi wan na mia ɖe ɖi nɔvi-nɔvi ha. mi nɔ wa onu nywɛ na mia ɖe kpo ɛmɛ ɖe sɔ hwe. ⁹ mi ka sɔ nyanyla ɖo tu nyanyla we axɔ alɔ ozun a ɖo tu ozun we axɔ. Mi yi onu nywɛ wiwaji hu emɔ, mi yi éji a bo xo ɛɖɛ nywɛ na ye ɖóo exin lɔ wɛ ɖɔn na ye do yɔ mi, gbɔxwe a ɖu cinnɔ na òyɔ lɔ. ¹⁰ Ɛmɛke jlo na yi owan na ɛgbɛ bo kpɔn ɛgbɛ nywɛ-nywɛ ye nɔ, ɖo na jo onu nyanyla kpo ojokinkando. ¹¹ Ni lɛkɔ le ɛtɛ na onunyanyla a bo wa o nu nywɛ.ni nɔ kan fifa a bo do vivɛnu le emɛ. ¹² Xwetɔ Mawu lɔ we ŋukunsinye nɔ kplɔn ɛmɛ jijwe ye wɛ ótó etɔn ye nɔ sé ɛdɛ yétɔnyé vɔ e nɔ ɖekɔ le ɛmɛ ke nɔ wa onu nyanylaye wu. ¹³ Ɛmɛ enɛ lɛ nyi ɛmɛ ke na wa onu nyanyla ɖo mi, hwe ke nu na mi o wa onujijwɛ nɔ? ¹⁴ Vɔ̀ɔ na mi se vivɛ nɔ gbɔn onujijwɛ wiwa wu, mi nyi nyɔ na nɔ. mi ko vɔ onuke ye o vɔ nɔ o. Mi ka na tamɛ miatɔn a hlu o. ¹⁵ Vɔ mi hɛn Xwɛtɔ Klisu lɔ we nyikɔ ɖo mimɛji le oji miatɔn ye mɛ. Mi nɔ ogbe sisɔ tɛgbɛ a do do oxo wu na ɛmɛ ɖe kpokpoé ke na kan oxó mi se tun uŋɓ nɛ jɔ mi ɖo ɖo kandeji na Mawu ja? Mi wasi wui-kpo ohunkuku kpo sisi ɖiɖo na ɛmɛ. ¹⁶ Mi vo do ayimɛ na ɛmɛ ke zun mi nɔ do xɔse miatɔn kpikpe lɔ nu, le Klisu mɛ, ye na va du ŋunya a dó ye lɔ óxò do miawu nɔ di mi nyi onu nyanyla watɔ ha. ¹⁷ Enyɔ na mi na enyi Mawu we jlo we mi na do se vivɛ le onu nywɛ wiwa hu onu nyanyla wiwa mɛ. ¹⁸ Klisu can se vivɛ zɔn ɖokpo ́ɖo nuvwɛn ye tà elɔ́ kè sɔgbe ke se vivɛ do ota na mi ɛmɛ masɔgbe ye ni a do kplɔ miy va ye ni a ɖo kplɔ miy va na mawu. Yé hu-i le bgazamɛ, vɔ e bo trɔ va ɛbgɛ le gbigbɔ̀ mɛ. ¹⁹ Gbigbɔ lɔ mɛ wɛ e gbɔn bo do va yi jla Mawu xo na ɛmɛ ke le gankpamɛye. ²⁰ Ye ɛmɛ ke na gbɛ tonu sise le hweke nu na Mawu we hunkuku hyi ŋukun nɔ, le Nɔwe we hwenu, hwe ke nu na éta tɔjihun daxo ke Mawu dwɛn lɔ vɔ, ɛmɛ vitwe de wɛ ɖyɛ emɛ. emɛ atrotɔn wɛ kpɔn hwlɛngan le otɔ gigɔ lɔmɛ. Otɔ ke lɔ wɛ nyi Onu jlɛ do onu wu . ²¹ Mawu sin lilɛ ke hwlɛn mi gan nɔ syɛ, vɔ ɔn nyi Mawu sin lilɛ xin lɔ hwɛn na klɔ oɖyu agbaza tɔn ye. vɔ ogbeta sisɔ na Mawu kpoɖo oji nywɛ wɛ. Ɛsi lilɛ lɔ wɛ hwlɛn mi gan nɔ syɛ ɖo gbɔn Yesu Klisu we fifɔn sɔn oku mɛ. ²² Klisu le aɖusimɛ na mawu, e yi sɛxwe. Mawu we ɛwɛnɖotoye, kpo ɛcɛkpatɔye kpoɖo ganhuɛmɛntɔye le agɔ ni-i.