¹ Mi gbɛ danuwiwa ɖekpokpóe, ahizi, yɛmɛnu wiwa, ojlo nyinyla kpodo ɛmɛxolilɔ ɖekpokpóe. ² Ɖi kena vikpɛ keye ná ye ji yɔyɔ ye, nɔ kan anɔsin ɖo ha, mi kan gbigbɔ mɛ we anɔsin mimɛ́ Mawu we oxo-lɔ-tɔn, exin, ɖogbɔn eji, mi mɔ ɖo hwen le hwlengan mɛ. ³ Enyi mi nyɔ ɖɔ ɖɔmɛnywɛ xwetɔ lɔ tɔnkpɔn, mi tɛkpɔ-ɛ. ⁴ I wɛ nyi ɛkpɛn ɛgbɛ-ɛgbɛ kena gbɛtɔye gbɛtɔye gbɛ, vɔ mawu bo can-ɛ e bo nyi onu kena vɛ oho le ŋumɛ ni-i. ⁵ E mɔ ke wɛ mi nyi ɛkpɛn ɛgbɛtɔn ke ye ɖe ɖo ovo na mi a ɖo va nyi avɔsantɔ onywɛn ke Mawu na yi do gbɔ̀n Yesu Klisu ji. ⁶ Enyi wiwlan tun mikpɔn ko sɔ ɛkpɛn azwe ji tɔn ɖokpo ɖo syɔn, ko cen e bo le taji. Mɛɖe kpokpwóe ke ɖi nu ni, e hɔn ɖú ŋunya nɔ gbéɖe. ⁷ Mi mɛ ke kan ɖo ejiye, ɛkpɛn xin lɔ nƴi ɛkpɛn kena vɛ oho taŋu na mi, vɔ, na ɛmɛ ke na vɛ ohɔn kán ɖo ejiye, e nyi ɛkpɛn kena oxɔ́gbátɔye gbɛ́ ɖényi, wɛ va nyi ɛkpɛn azwejitɔn na ye. ⁸ ye mɔ wlan le ofibú tùn ɛkpɛn ke ye nɔgba afɔ ɖo ewu, wɛ nyi ɛkpɛn ke nɔ sɔ ɛmɛ sɔ xu onyi. ye nɔgba afɔ ɖo ewu ɖo ye gbe tonu sise na Mawu we oxo lɔ e xin lɔ we ye ole onyi na. ⁹ Vɔ miyé, mi nyi otogun cincan, xɔlu we avɔsantɔye , togun mimɛ, kunkan Mawu tɔn, na mi a do va lɔ onu nywɛn ɛmɛ ke ɖe mi tɔn le vuvlumɛ do va yi klinklɛn mɛ. ¹⁰ Lé san, mi hɔn yi otogun ɖé, vɔ syɛ, minyi otogun Mawu tɔn. Mawu hɔn kpon dɔŋuɖunu na mi sáan, vɔ syɛ,ɛ Mawu kpɔn doŋuɖúnù na mi. ¹¹ Nɔvi vivɛ tɛye, ko lɔ na mi nɔ ɖi jónɔ ke na le ɛhwɛnzɛbgeji ha, na mi-a cɔ́ myanɖé le ojló agbazatɔn ke nɔ fun ahwan kpo okla miatɔnye. ¹² Mizan jijɔ onywɛ mɛ ɛmɛ ke hɔn nyɔ Mawu ye, na ye mɔ do lɔ tun mɔ nyi onuvwɛn watɔ can, ye mɔ va kpɔn odan onywɛ miatɔn ye a bo ɖo kanfu wu Mawu le azan ke gbe e na va. ¹³ Mi se tonu na ogaye bi sese ɖo Mawu wutu, mi se tonuna xɔlu can ɖi ɛmɛ ke hugan hu miha. ¹⁴ Na otogaye ke ye dɔn do dan, na do dɔn oto na onu nyinyla wasi-tɔye a bo ɖo kafu ɛme ke nyi onu onu nywɛ watɔ ye. ¹⁵ Ɖo ojlo Mawu tɔn na ɖo wa onu nywɛn, na na mi na tu onu na ɛmɛ ke nyi onu manywetɔ ye we óxó nyinyla ke ye lɔ nɔye. ¹⁶ Ɖi ɛmɛke jɛ yéɖési ye hà na vivó miatɔn, ni ka gɔ kpodo ɛhunyinylan kpo, vɔ mi ci ɖi odansɔvi Mawu tɔn ha. ¹⁷ Mi ɖo sisi na mɛbi, mi yi owan na miade, mi vɔ na Mawu, mi ɖo owi ota na xɔlu lɔ. ¹⁸ Odansɔviyé misɔ miade sɔ hwé na xwétɔ miatɔn ye kpo ɛmɛ sisi kpo. E hɔn nyi na xwɛtɔ onywɛ ye kɛɖɛ hwɛn vɔ xwétɔ ke mɔ nylan ohunye can. ¹⁹ Ɖo enyɔ na mi na se vivɛ ɖo onu onywɛ wiwa wu, hu onu nyinyla, ɖo mi nyi Yesu tɔn wutu. ²⁰ Ale nɛ le emɛ na mi e nyi mi se vivɛ ɖo onu nyinyla miatɔn ye wu? Vɔ enyi onywɛ wiwa miatɔn ye wɛ ɖɔn miɖo se vivɛ nɔ, hun ale le emɛ na mi le Mawu ɖe. ²¹ E xin wɛ ɖɔn Mawu ɖo yɔ mi, ɖo Klisu can se vivɛ ɖo ota miantɔn mɛ. E bo nyi kpɔnɖewu onywɛ na miaɖo sɔ afɔ ɖó afɔ ɖó etɔn mɛ. ²² Elɔ ke hɔn ɛhwɛ ti kpɔn, ɛmɛ blɛɖu ti ko gbɔn onu etɔn mɛ kpɔn. ²³ E hɔn sɔ ozun ɖo tu ozun we axɔkpɔn. E ko nyla ŋmɛ hwekenu ye ɖo vivɛ sise ni nɔ, vɔ e jo bi ɖo na Mawu ke nyi ɛhwɛ nywɛ gbo na ɛmɛ tɔ. ²⁴ Jesu sɔ ɛhwɛ huhu miantɔn ye bi ɖo e ɖe ji le otisogaji, na miaɖo nyi ɛhwɛjijɔ nɔ. Ɖo gbɔn abikpa e tɔn ye mɛ wɛ mi kpɔn aɖɔngigɔ le. ²⁵ Mi ci ɖi tɛngbɔvi ke bu san ye ha. Vɔ syɛ mi lɛkɔ va lɛngbɔkplatɔ tɔ lɔkɔn ke nyi cɔtɔ na okla miatɔnye.