1 Piyɛ 5

1 Syɛ ko ɖo hɔnhiɔn wu mi ɛmɛ agunmɛ mɛhyɔn ké na lé mya mɛ ye, blɔ ke nyi agunmɛ mɛhyɔn kpe de wu tɔ kpo kúnnu ɖe tɔ́ na vivɛsisé klisu tɔn ye, bo mɔ nyi odanwatɔ na gigo etɔn ke na va nyi ɖi ɖe xlɛ. 2 I wɛ dɔn na, ko o ɖo hɔnhlɔn wu mi nɔ agun mɛhyɔnye, mi win lɛngbɔvi Mawu tɔn yé ke le myamɛ ye mi wle ŋukunsin ɖo yewu, e ɔn nyi a ɖo zin ye ji hwɛn, vɔ gbɔn ojlo fàa mɛ ɖi ke Mawu jlo ɖó ha. Mi kpeŋu ɖo ewu ma ɖó ŋukunsin axɔ́tu nyanyla wu vɔ́ɔ kpo ojlo nywɛ kpo. 3 Mi ka mɔ wasi ɖi cica ke na kpa ɛcɛ na otogun ke ye sɔ ɖo asi na mi ha vɔ́ɔ mi nyi kpɔndéwu na ye. 4 Na lɛngbɔkplɔtɔ ɛcɛkpatɔ na lɛkɔvaa mi na yi xɔlugba gigotɔn kehɔn nɔ gu gbèdè 5 Emɔha ke, mi mɛ winwyanye, mi sɔ miaɖé sɔ hwe na agun mɛhyɔn ye mi mɛbi mi sɔ ɛmɛdé sɔhwé do do awu a bo sɛn miaɖeye. Ɖoo Mawu nɔ cyte do gonyitɔ ye ji. Vɔ́ɔ a bo wa ɛfɛnu na ɛmɛke nɔ sɔ yede sɔhweyé. 6 Mi sɔ miadé sɔ hwé le yi we alɔ sinsyɛnxu lɔ gɔ, nia ɖo vƥa kɔ mi doyi oji le ganke mɛ e do dó. 7 Mi ɖi ɖa vivɛsise we agban miatɔnye bisese ɖo eji, ɖoo é nɔ kpeŋu ɖo miawu. 8 Mi nɔ ŋuzɔn, mi nɔ aceji, kɛntɔ miatɔn, lɛgba olɛ ɖo mi nɔ ɖi kinni-kinni ke le ajaji bo kan onuke éna vun vunye nɔ̀. 9 Mi nɔte sinsyɛn le ŋukɔn ni-i a bo syɛnxulé xɔsémɛ. Mi nyɔ-ɛ tun mia nɔ vyɔ ke le ɛgbɛlɔmɛ ye can vivɛ sise xinlɛye ke mɛ wɛ ye gbɔn nɔ. 10 Na mi ɖu aya vivɛsise xinlɛ ye vɔ vide, Mawu ke nyi ɛfɛnu we Mawu bo yɔ mi gbɔn Klisu mɛ na gigo mavɔ etɔn, na kɔ mi yi ji, e na sɔ mi ɖo onyi a bo ɖo hɔnhlɔn lanmɛ na mi. 11 Etɔn wɛ nyi ɛcɛkpikpa sɔn mavɔ doyi mavɔ. Ami! 12 Ko déji do silivɛn wu ɖi nɔvye ke le gbèji. Elɔji wɛ kogbɔn ɖo wlan onu kleŋ kye le ɖo ɖan mi nɔ. ko ɖo hɔnhlɔn wu mi nɔ bo ɖo ɛkpɛn eji na mi nɔ onu ke ko wlan na mi nyi ɛfɛnu titeŋugbe Mawu tɔn. Mi bo bla miaɖe ɖo ew. 13 Agun ke le Babilɔnu, ke ye can ɖi mi ye ha do ogbe na mi nɔ. Ovitɛye maki do ogbe nami. 14 Mi do ogbe na miade gbɔn asikplakɔ na mia de mɛ na fifa ni nɔ kpo mi mɛ bi ke le klisu mɛ ye.