¹ Mi kpɔnke Mawu otɔ lɔ yi wan na mi ɖo gbɔɔn ye mɔ nɔ yɔ mi tun Mawu vikpɛye i lɔ bɛ mi, nyi xojɔxo ɛgbɛ lɔ hɔn nyɔ Mawu iwɛ dɔn e hɔn do nyɔ mi ye can. ² Ɛmɛ vɛna vɛna tɛyee Mawu vikpɛye wɛ mi nyi syɛ i wɛ onu ke mi na va nyi lɔ ye hɔn ka ɖe sɔ xlɛ hɔnɖe vɔ mi nyɔ ɛ tun hweke nu na klisu lɔ na va na mi na va le ɖi i ha ɖo mi na kpɔn ɛ ɖi kena e le ɖoha. ³ Ɛmɛ ɖekpokpwe ke ɖo omɔkpinkpɔn xin lɔ do klisu ji nɔ hɛn eɖe do mimɛ ji ɖi kena klisu lɔ tete ŋutɔ le mimɛ ɖo ha. ⁴ Ɛmɛ ɖekpokpwe ke nɔ wa onu nyinyla e gba osɛn Mawu tɔn nɔ ɖo onu nyanyla wiwa Mawu we osɛn ogbigba wɛ e nyi. ⁵ Mi nyɔ ɛ tun yesu klisu mɔ va a do ɖe onu nyinylaye tɛ onu nyinlya ti hɔn mɔ le e teteŋutɔ mɛ . ⁶ Ɛmɛ ɖe kpokpwe ke le elɔ mɛ hɔn mɔ nɔ wa onu nyi nyla ɛmɛ ɖekpokpwe ke nɔ wa onu nyi nyla hɔnkpɔn ɛ kpɔn e ko nyɔ ɛ . ⁷ Vikpɛ tɛ yee mi ɛmɛ ti mi ka blɛ mi ɖu ɛmɛ ke nɔ wa onu jijwɛ e nyi ɛmɛjijwɛ ɖi ke klisu nyi ɛmɛ jijwɛ ɖo ha. ⁸ Ɛmɛ ke nɔ wa onu nyi nyla lɛgbatɔnɔ wɛ e nyi ɖo lɛgba o wa onu nyi nyla nɔ sɔn do jɛ gbɔɔn vɔ ovi Mawutɔ lɔ va a do hɛn lɛgba we odanye gble. ⁹ Ɛmɛɖe kpokpwe ke nyi Mawu vyɔ ev hɔn mɔ nɔ wa onu nyinyla ɖo onukun ke Mawu xwa do ɛmɛ lɛ e mɛ e ko mɔ kpewu na wa onu nyinyla ɖo e nyi e nyi Mawu vyɔ. ¹⁰ Onu ke nɔ ɖe xlɛ xojɔxo tun Mawu vikpɛye mɔ gbɔn vo na lɛgba tɔnye xɛn. ɛmɛ ɖekpokpwe ke hɔn nɔ wa onu jijwɛ hɔn nyi Mawu vyɔ ɛmɛ ke hɔn nɔ yi wan na nɔvyɔ can ko nyi Mawyuvyɔ. ¹¹ Do ɛwɛn ke mi se sɔn hwekenu na mi trɔ jim ɛ lɔ xɛn mia yi owan na mia nɔnɔ ye. ¹² Mi ka na na mia wasi ɖi ɖi kanyɛ ha ɖo e nyi awovi lɔ tɔn bo hu nɔvyɔ ŋu nɛ jɔ e do hui do i tete we odanye nyla nɔvyɔ lɔ tɔn bo jɔhun. ¹³ Nɔvye e na ɛmɛ ke le ɛgbɛ lɔ mɛ ye gbɛ wan na mi ni bo ka kpaca do mi. ¹⁴ Mi ye nyɔ ɛ tun mi mɔ tɔn le oku b do va ɛgbɛ mɛ ɖo mi nyi owan na m!ia nɔnɔye ɛmɛ ke hɔn nɔ yi ohan na ɛmɛ le oku mɛ. ¹⁵ Ɛmɛ ekpokpwe ke gbɛ owan na nɔvyɔ ɛmɛhutɔ wɛ e nyi vɔ mi mɔ nyɔ ɛ tun byop ɛmɛhutɔ ti mɔ hɔn ɖo ɛgbɛ Mavɔmavɔ mɛ. vyɔ ye. ¹⁶ Gbɔ eke mɛ mi nyɔ onu ke owanyiyi nyi Yeu sɔ ɛgbɛ etɔn sɔ na do. ota miatɔn mɛ miye can mi ɖo na sɔ ɛgɛbɛ miatɔn sɔ na dfo ota mɛ na mi a nɔ vyɔ ye. ¹⁷ Na ɛmɛɖe ɖo ɛgbɛ ke mɛ we dɔ kunye e bo kpɔn nɔvyɔ le ohyan mɛ vɔ bo myɔ ŋukunsin do e naɖe lɛ Mawu we owan yiyi lɔ le emɛ ɖo . ¹⁸ Vikpɛ tɛyee mi mi ka na mia nɔ yi onãn na ɛmɛ do onu ɖo ɖyo kpo oxo lilɔ ɖo ɖyo mɛ o vɔ mi nɔ ɖe owany yi miatɔnɔ sɔ xlɛ gbɔn onu wiwa mɛ le xojɔxo mɛ. ¹⁹ Gbɔn exin lɛ mɛ mi nyɔ ɛ tun mi mɔ nyi xo jɔ xo lɔ ɔ tɔn ayixa miatɔn mɔ jɛ odo le ŋukɔn na Mawu. ²⁰ Do na oji mia tɔn do ɛhwɛ na mi nɔ Mawu hugan hu ayixa miatɔƥn mɔ nyɔ onu bisese . ²¹ Vɔ ɛmɛ vɛna vɛna tɛyee mi ba ayixa mia tɔn hɔn do ɛhwɛ na mi nɔ mi ɖo oji ɖiɖe le Mawu we ŋukɔn . ²² Onu ɖekpokpwe ke mi nɔ byɔ ɛ mi nɔ yii le ekɔn ɖo mi nɔ zɔn do osɛn etɔn ye ji mɔ nɔ wasi onu ke nɔ jɛ u ni i ye.0 ²³ Osɛn etɔn lɔ xɛn mi a kan do ovyɔ yesu klisu we nyikɔ ji a mɔ yi owan na mianɔɔniɔ ye ɖi ke na osɛn etɔn ke e na mi lɔ ɖo ha. ²⁴ Ɛmɛ ke nɔ zɔn do osɛn Mawutɔn nye ji e le Mawu mɛ Mawu lɔ bo le i can mɛ mi nɔ nyɔ ɛ tun Mawu mɔ le mia mɛ gbɔn gbigbɔ kinkwɛ a ke e na mi lɔ ji.