¹ Ɛmɛ vɛn vɛna tɛyee mi mi ka nɔ kan do ɛmɛ zɛtɛyee ke nɔ lɔ tun he mɔ ɖo gbigbɔ Mawutɔn ye ji vɔ mi nɔ do ye kpɔn tun Maxu we gbigbɔ lɔ wɛ le ye mɛ ja ɖo ogbɛɖotɔ ojokantɔ susu gbakpe gbɔn ɛgbɛ lɔ mɛ . ² Kena mi na nyɔ ɛ tun ɛmɛ ɖe mɔ ɖo gbigbɔ Mawutɔn lɔ ɖo xɛn ɛmɛ ɖekpokpwe ke yi ogbe tun yesu klisu mɔ zɔn gbaza mɛ do va ɛmɛ xin lɔ ɖo gbigbɔ Mawutɔn. ³ Ɛmɛ ke hɔn nɔ yi ogbe tun yesu klisu mɔ zɔn gbaza mɛ do va e hɔn ɖo gbigbɔ Mawutɔn kɛntɔ klisu tɔn we gbigbɔ. mi o se saaa tun kɛntɔ xin lɔ mɔ lo gfbɔnnɔ vɔ syɛ e o le ɛgbɛ lɔ mɛ . ⁴ Mi ɛmɛ vikpɛ tɛyee Mawutɔn wɛ mi nyi bo ɖu le ogbeɖotɔ ojokantɔ lɛye ji ɖo ɛmɛ ke le mia mɛ e hugan hu ɛmɛ ke le ɛgbɛ lɔ. ⁵ Yee ɛgbɛ lɔ mɛ tɔn wɛ ye nyi iwɛ dɔn ye nɔ do tɔ oxo nɔ ɖi kena ɛmɛ ke nyi ɛgbɛ lɔ tɔn ye nɔ lɔ oxo o ha ɛgbɛ lɔ mɛ tɔye bo nɔ ɖo otɔ wu ye. ⁶ Miye Mawutɔ tɔn wɛ mi nyi ɛmɛ ke nyɔ Mawu nɔ ɖo oto mi vɔ ɛùmɛ ke hɔn nyi Mawutɔn hɔn nɔ ɖo oto mi gbɔn exin lɔ ji wɛ mi nɔ nyɔ xojɔ xo we gbigbɔ kpodo ojo we gbigbɔ le. ⁷ Ɛmɛ vɛna vɛna tɛyee mi a yi owan na mi a nɔ niɔ ɖo owanyiyi sɔn Mawu de ɛmɛ ɖe klokpwe ke yi owan na ɛmɛ nyi Mawu vyɔ bo nyɔ Mawu. ⁸ Ɛmɛ ke hɔn nɔ yi owan na ɛmɛ hɔn nyɔ Mawu ɖo Mawu owayiyi wɛ e nyi . ⁹ Di ke Mawu ɖe owan yiyi etɔn sɔ xlɛ mi ɖo xɛn e sɔ ɔ ovyɔ akogo lɔsɔ ɖodan ɛgbɛ lɔ mɛ na mi a do gbɔn e ji a do kpɔn ɛgbɛ. ¹⁰ Onu ke owanyiyi xin lɔ nyi xɛn mi ye hwɛn yi owan na Mawu vɔ e lɔ tete wɛ yi owan na mi bo sɔ ovyɔ lɔ sɔ ɖodan e bo mɔ sɔ eɖe do san vɔ na Mawu a do sɔ onu vwɛn miatɔn ye sɔ kɛ mi. ¹¹ Ɛmɛ vɛn,a vɛna tɛyee na Mawu yi owan na mi ɖo emɔɔha mi ye can mi ɖo na yi owan na mia ɖe ye. ¹² Ɛmɛ ti hɔn kpɔn Mawu kpɔn na mi yi owan na mia ɖe ye bɛ Mawu le mia mɛ owanyii etɔn bo sɔgbe le mia mɛ . ¹³ Ke mi nyɔ ɛ tun mi mɔ le Mawu mɛ Mawu can bo le mia mɛ ɖo xɛn e sɔ gbigbɔ etɔn sɔ na mi. ¹⁴ Miye mi kpɔn bo ɖe kunnu nɔ tun otɔ mɔ sɔ ovilɔ ɖodan nia do nyi hwlɛngantɔ na ɛgbɛlɔ. ¹⁵ Ɛmɛ ke yi ogbe tun yesu mɔ nyi Mawu vyɔ Mawu le emɛ elɔ can mɔ le Mawu mɛ. ¹⁶ Miye mi nyɔ ɛ tun Mawu mɔ yi owan na mi mi bo kan do eji Mawu nyi owanyiyi ɛmɛ ke le ɛgbɛ le owanyiyi mɛ Mawu le emɛ e lɔ can bɔ le Mawu mɛ. ¹⁷ Onu ke dɔn e lɔ can bɔ le Mawu mɛ. Onu ke dɔnɔ na owanyniyi na do sɔgbe le mia mɛ wɛ nyi tun mia do ɖo oji ɖiɖe le kojo ɖiɖo we azan lɔ gbe ɖo ɛgbɛ miatɔn ke mi zan le ɛgbɛ lɔ mɛ le ɖi klisu tɔn ha . ¹⁸ Vivɔ ti hɔn le owan nyi yi mɛ owan yiyi ke sɔgbe nɔ nya vivɔ tɛ oto din dɔn wu ɖiɖo ŋu do wɛ nɔ hɛn vivɔ do va ɖo ɛmɛ ke nɔ vɔ owanyi yi etɔn hɔn nɔ sɔgbe.ɔ ¹⁹ Miye mi nɔ ɖe oxanyi yi xlɛ ɖo Mawu yi owan na mi jɛ ŋukɔn. ²⁰ Na ɛmɛɖe lɔ tun byo ko yi owan na Mawu bo gbɛ owan na nɔvyɔ ojo kan tɔ wɛ e nyi ɖo ɛmɛ ke hɔn yi owan na nɔyɔ ke e kpɔn nɔ e hɔnɔ kpewu na yi owan na Mawu ke e hɔn kpɔn nɔ. ²¹ Osɛn ke na klisu na mi lɔ xɛn ɛmɛ ke yi owan na Mawu ni yi owan na nɔvyɔ can.