¹ Mi se a to ɖe xle tun mi ye mɔ nyɔ Mawu vikpɛ tɛyee mi ko o wlan onu ke na mi nɔ na mi hɔn mɔ do wa onu nyinyla vɔ na ɛmɛde va wa onu nyinyla mi ɖo ɛhwɛyi ɖɔ do ota na ɛmɛ ɖokpo le Mawu otɔ lɔ kan iwɛ yesu klisu ɛmɛ jijwɛ lɔ. ² Do e va sɔ eɖe do san avɔ na Mawu a do sɔ ɛhmɛ matɔnye kɛ mi e ko nyi mi ye we onu nyi nyla ɖoɖyo hwɛn vɔ gbɛtɔ zɛtɛbi seŋu tɔn . ³ Na mi nɔ zɔn gbɔn asɛn Mawu tɔn ye ji e xin lɛ wɛ na ɖe xlɛ mi tunɔ nyɔ Mawu. ⁴ Na ɛmɛɖe lɔ tun bya ko nyɔ ɔ Mawu vɔ e ko nɔ zɔn gbɔn osɛn etɔnye ji bɛ ɛmɛ xin lɔ nyi ojokantɔ oxojɔxo ko le emɛ. ⁵ Vɔ ɛmɛ e nɔ zɔn do oxo Mawu tɔn ji ɛmɛ xin wan yi yi Mawu tɔn ke le emɛ sɔgbe xojɔxo e xin lɔ wɛ ɖe xlɛ tun mi mɔ le Mawu lɔ mɛ . ⁶ Ɛmɛ ke lɔ tun he mɔ le e mɛ e ɖɖo na zan ɛgbɛ ɖi kena yesu tete zan ɖo ha. ⁷ Ɛmɛ vɛ na vɛna tɛyee osɛn yɔyɔ hwɛn ko o wlan ɖo dan mi nɔ vɔ osɛn xixo ke mi o se nɔ sɔnɔ hwekenu na mi trɔ jimɛ gbɔn wɛ osɛn xixo xin lɔ wɛ nyi Mawu we oxo ke mi se lɔ . ⁸ E le emɔha coganke bo nyi osɛn yɔyɔ ko do wlan ɖodan mi nɔ xojɔ xo osɛn yɔyɔ wɛ e nyi klisu bo ɖe e sɔ xlɛ mi ye can mɔ ɖe sɔ xlɛ ɖo vulvlu o hɔn nɔ kinklɛn teteŋutɔ lɔ bo lo klɛn . ⁹ Ɛmɛ ke nɔ lɔ tun he mɔ le kinklɛn lɔ mɛ ganke bo mɔ gbɛ owan n,a nvyɔ nɔ e mɔ gbɛ kpɔtɔ le vuvlu mɛ . ¹⁰ Ɛmɛ ke yi owan na nɔyɔ e le kinklɛn lɔ mɛ onu ti ko le emɛ bo na dɔn do yi onu nyi nyla wiwa mɛ . ¹¹ Vɔ ɛmɛɛ ke gbɛ owan na nɔvyɔ e le vuvlu mɛ bo zɔn zɔn lin gbɔn vuvlu mɛ nɔ e ko nyɔ ofi xe e e o yi nɔ ɖo vuvlu lɔ vaŋu ni i. ¹² Vikpɛ tɛɛyee mi ko o wlan onu ɖo dan mi nɔ ɖo Mawu sɔ onu nyi nyla miatɔ nye kɛ mi yesu klisu we nyikɔ wu. ¹³ Ovitɔye ko o wlan ɖo dan mi nɔ ɖo mi o nyɔ ɛmɛ ke le sɔn ddojɛɛ gbɔn hwan jɛ vi ye ko o wlan onu ɖo dan mi nɔ ɖo mi nyɔ otɔ lɔ ɖo mi ɖu le owoni lɔ ji. ¹⁴ Vikpɛ tɛyee mi nyɔ otɔ ko o wlan onu ɖodan mi nɔ ɖo nyɔ otɔ lɔ ovitɔye ko o nlan onu ɖodan minɔ ɖo mi nyɔ ɛmɛ ke o le sɔn dojɛ gbɔn hwanjɛviye ko wlan onu ɖodan mi nɔ ɖo hɔnhɔn le mia wu Mawu we oxo lɔ bo le oji mi atɔnye m ɛ mi bo ɖu le awovi lɔ ji . ¹⁵ Mi ka yi owan na ɛgbɛ lɔ gbɔɔn a do yi owan na onu ke le ɛgébɛ lɔ mɛ ye can na ɛmɛɖe yi owan na ɛgbɛ lɛ owan yiyi na Mawu otɔ lɔ hɔn le emɛ. ¹⁶ Do onu zɛtɛ bi ke le ɛgbɛ lɔ mɛ ye agbaza we ojlo nyi nyla ya wɛ ŋubya kpo gonyi nyi do ɛgbɛmɛ we onuɖiɖo ye wu wɛ ti hɔn sɔn otɔ lɔ kɔn vɔ ɛgbɛ lɔ mɛ wɛ ye sɔn. ¹⁷ Ɛgbɛ lɔ kpo ojlo nyi nyla etɔn o va yi nɔ vɔ ɛmɛ ke nɔ wasi ojlo Mawutɔn nɔ nɔ ɛgbɛ do yi mavɔmavɔ mɛ. ¹⁸ Vikpɛ tɛyee mi ganxixo kpotwi lɔ xɛn mi o se tun kɛntɔ klisu tɔnye mɔ na va vɔ syɛ kɛntɔ klisu tɔnɔ ye susu o va i lɔ wɛ do nyɔ ɛ tun ganxixo kpotwi lɔ mɔ ɛ. ¹⁹ Mia mɛ wɛ ɛmɛ sin lɛye tɔn le vɔ ye ko do nyi ɛmɛ miatɔn ye can ɖo le xojɔ xo mɛ na e do nyi byo ɛmɛ miatɔn ye wɛ ye nyi bɛ ye na ci mia kɔn vɔ ye tɔn le mia mɛ e xin lɔ wɛ ɖe xlɛ xojɔxo tun yez ɛmɛti mɔ hɔn nyi ɛmɛ miatɔn ye. ²⁰ Vɔ mi ye ɔ ɛmɛ kinkwɛn lɔ si ami na mi e xin lɔ bo na na mi ɛmɛ zɛtɛye nyɔ xojɔ xo lɔ . ²¹ Syɛ e hɔn nyi tun mi dan xojɔxo lɔ hwɛn dɔn na ko do wlan onu do dan mli nɔ vɔ fɔn na mi nyɔ ɛ wɛ dɔn mi mɔ mɔ nyɔ ɛ tun ojoti hɔn nɔ tɔn sɔn xo jɔ xo mɛ . ²² Ɛmɛ nɛ lɛ nyi ojokantɔ lɔ syɛ hin e hɔn nyi ɛmɛ ke gbɛ ɛtun yesu mɔ hɔn nyi klisu lɔ ɔhwɛn wɛɛ ɛmɛ xin lɔ wɛ nyi kɛntɔ klisu tɔn e lɔɔ e gbɛ ovi lɔ kpo otɔ lɔ. ²³ Le xo jɔ xo mɛ ɛmɛ ɖekpokpwe ke gbɛ ovi lɔ e hɔn nyɔ otɔ lɔ ɛmɛ ke yi ovi lɔ enyɔ otɔ lɔ can. ²⁴ I wɛ dɔn oxo ke mi se sɔn hwekenu na mi trɔ ji mɛ gbɔɔn. ni nɔ ojimɛ ɛ na mi na e nyi tun oxo ke mi se sɔn hwekenu na mi trɔ ji mɛ gbɔnɔ lɔ le ojimɛ na mi mi ye can mi na le ovi lɔ kpo otɔ lɔ mɛ. ²⁵ Onu ke we ogbe klisu xo na mi wɛ nyi ɛgbɛ mavɔmavɔ. ²⁶ Ɛmɛ ko dɔn mi do sin bubu gbe nɔ ye wu wɛ ko wlan onu ke do na nɔ. ²⁷ Miye amisisi ke mi yi sɔn e kɔn lɔ le mia mɛ e hɔn mɔ nyan yun yer na kplan onu wu mi amisi etɔn o na kplan onubi wu mi xojɔxototɔ wɛ e hɔn nɔ kan ojo mi nɔ klisu lɔ mɛ ɖi ke na amisi lɔ kplan mi ɖo ha . ²⁸ Syɛ vikpɛ tɛyee mi mi nɔ klisu lɔ e xin mi mɔ do ɖo djiɖiɖe le hwekenu na e na va ɖe eɖe sɔ xlɛ iwɛ hwekenu e na va va xin lɔ ŋunya ti ko mɔ wa mi nɔ na mia do ve ̵ci dindyɔɔn nu le ewu . ²⁹ Ke mi nyɔ ɛ tun e mɔ nyi ɛmɛ jijwɛ mi ɖokpokpwe ke nɔ wa onuyijiwɛ bo nyi mawuvyɔɔ.