1 Onu ke ole sɔn ɛgbɛ lɔ we bibɛnu, onu ke mi o se, bo kpɔn kpo ŋukunsi miatɔnye kpo bo glo-ekpɔn bo mɔ ɖo alɔ e wu kpɔn bo nyi oxo ɛgbɛtɔn. 2 Ɖo ɛgbɛ xinlɔ oɖe eɖe sɔxlɛ mi bo kpɔn, mi bo ɖe kunnu e tɔn. Mi jra ɛgbɛ mavɔ-mavɔ ke le Mawu otɔ lɔ de, ye bo-o ɖe xlɛ mi. 3 Onu ke mi kpɔn, bo se, mi na lɔ na mye can, na mya do nɔ okpɔ kpo mi. Ɖo mi le okpɔ kpo Mawu otɔ kpo ovi etɔn Yesu Klisu kpo. 4 Mi mɔ wlan onu kye na mi nɔ, na jijwɛ miatɔn a do sɔgbe ofɛn ti ko mɔ nɔ e wu nɔ. 5 Mi kpɔn oxo ke mi se le e nu bo va lɔ na mi nɔ: Mawu nyi zogbɛn, vuvlɔ ti hɔn le emɛ. 6 Enyi mi lɔ tun, mi mɔ le okpɔ kpwe vɔ bo mɔ zɔn zɔnlin nɔ le vuvlu mɛ, nɔ hun mi kan ojo nɔ, mi ko mɔ nyi oxo jɔ oxo lɔ tɔ. 7 Vɔ enyi mi zɔn zɔnli le zogbɛn nu nɔ ɖi ke e le zogbɛn nu ɖo ha, hun mi le okpɔ le miaɖe mɛ, ɛhun ovi etɔn Yesu tɔn na lɛ mi zun wiwe le ɛhwɛ huhu miatɔnye bimɛ. 8 E nyi mi lɔ tun ɛhwɛ ti mɔ le okɔ na mi, hun mi blɛ miaɖe ɖu nɔ, xojɔxo lɔ ko mɔ le my a mɛ. 9 vɔ e nyi mi va ɖe onu nyinyla miatɔnye mɛ na Mawu, e le gbe ji, bo le gbe sisɔ na do sɔye ke mi, a bo mɔ sra-ɛ wu na mi le onu masɔgbe miatɔnye mɛ. 10 Enyi mi lɔ tun mi mɔ hɔn hu ɛhwɛ ti, bɛɛ́ mi swɛ do yɔ ojokantɔ, oxo etɔn ko mɔ le myamɛ.