¹ Ko nɔ do ogbe ke ɛgbɛtɔye nɔ do, kpo ogbe kena ɛwɛndotɔ Mawu tɔnye nɔ do. Vɔ na kɔ hɔn ɖo'wanyiyi, ko le ɖi ohun alɔ ogan kena ye xo nɔ e mɔ vɛ sise oto mɛ na ɛmɛye nɔn ha. ² Mía lɔ byo ko ɖo onunina ke nɔ yi ɛwɛn le Mawu si, bo mɔ nɔ kpɔn onu jɛ oxojɔxo kpo onunyinyɔ ke le biɛnuye bi seseye wu bo mɔ ɖo xɔse ɖaxo ke nɔ ɖe ogbe do ogankpinkpɛn ɖaxoye ji, wɛ ye nɔ hɔn tɔn le ogun mɛ can, na ko hɔn ɖo owanyiyi ko hɔn nyi onuti. ³ Na ko mɔ do ma dɔkun tɛye na wamɔnɔye bo mɔ sɔ agbaza tɛye na byo ye ni mɔɔ bì. Vɔ ko ko ɖo owanyiyi e hɔn ɖo ale ti na. ⁴ Owanyiyi nɔ kuhun bo nɔ dɔmɛ, owanyiyi hɔn nɔ jro ɛmɛ we onu e ko nɔ jra eɖe. ⁵ Owanyiyi hɔn nɔ nyi ogo, e ko nɔ yawu sin xomɛ e ko mɔ nɔ hɛn onunyinyla. ⁶ E hɔn nɔ ba ɛmɛtafu e nɔ kpɔn jijwɛ le oxojɔxo mɛ. ⁷ Owanyiyi nɔ sɔ onu bi sese sɔ kɛ ɛmɛ, e nɔ ɖo kandeji na onuɖe kpokpwe, bo nɔ ɖo omɔkpinkpɔn le onuɖe kpokpwe mɛ a bo nɔ do oji le onu bi sese mɛ. ⁸ Owanyiyi hɔn ɖo vivɔnu. Mawu we ɛwɛndidoye, oxolɔɖonyi na va vɔ, ogbe voɖe-voɖe dido ye na va ɖote, onunyinywɛ na va vɔ. ⁹ Ɖo, onunyinyɔ miatɔn ɖo odo, ɛwɛn Mawu tɔn kena mí nɔ do ye can ɖo odo. ¹⁰ Vɔ, hwekenu na onu ke sɔgbe lɔ na va va, oun ke onu hwedo lɔ mɔ bu. ¹¹ Hwekenu na ko le ovyu, ko nɔ lɔ oxo ɖi vikpɛvyu ha bo mɔ nɔ ɖe susu ɖi vikpɛvyu ha, a mɔ kpɔn onu jɛ onu mɛ vikpɛvyu tɔn, vɔ kena ko va hwɛn, ko jo vikpɛvi mɛ we onu xinye do. ¹² Syɛ onukpinkpɔn míatnye le fitifiti ɖi ɛmɛ ke kpɔn onukpwɛn ke hɔn ze ha vɔ na e va ya, mi nɔ kpɔn onu ceɖe-ceɖe. Le syɛ onu kena ko nyɔ ɖo odo ɖi kena Mawu nyɔ ɖo ha. ¹³ Onu atɔn keye na nɔ onyi gbɔɔn do yi ye xɛn: xɔse, omɔkpinkpɔn, owanyiyi, vɔ, le bi sese mɛ owanyiyi wɛ le ota ji.