¹ Dangu di,shi luwaganu lu tegu bu lugadi ye tshigu djina dji tadila bisambu ye madambigu ye leondi di manu. ² Bwoona tabedinacle di moshi di gadi gi hwaa yidiga.Gu sugu di tegu guna gu galaga ludambigu,mesa ye mapaa mana ma ba yidigi,ba lendigagi ye gihani gibusandu. ³ Gu ngoyi muledi wuna wu talu guna gu galaga sugu dieega dina di balendigagi kega gihani gi bu sandu. ⁴ Dina di swegaga mesa ma ludambigu ma woolu ma gusaa madiashi.Gwooguna kega gu galaga gidimbu gi luwaganu gina gi bafidimigi giootsu woolu.Haa muna mu kadi gu galagagi ye gidimbu gi sandu wuna Aloni wuna wu fisdimigaga ye mesa madigi-digi ma luwaganu. ⁵ Ye londi digimbu gi luwaganu,ba tumwaa ba fidimigi ye givudi-vudi gi guyiduga gi du fani gonda fanigisa shi ye gima gi moshi. ⁶ Gu ngoyi di guyidiga bima bina,ba dambigi bimengi ba godaga dangu diootsu gusugu di Tabedinacle mu gu hanga bisalu bi baa. ⁷ Haa Fwumu wu ba dambigi bimengi ndi mweni ga gadugi gusugu di suga mbala yi moshi mu mvula yi vimba,ye loo ga fani gu gonda mzengi mana ma gafani dambiga ndi mweeni ye mudiambu mugangu wootsu loo gahangi masumu. ⁸ Mpeve yisandu bu yileshi mbi ndjila yi yedi gihani gi guluda busandu loo yigadi tegu gangula mudiambu Tabedinacle di tegu digadi muna djingaga. ⁹ Bi gadi bina ba fanigisagi nga mu dangu di leelu.Magabu ye di dambiga mu dangu di didwedi leelu loo medi mana mafanagani mu guhanga gieshi giedi wuna wu hani tswaa ye wu fanagani. ¹⁰ Baa ba difanigisa mu madia,malafu,ye gu sugula mubima bi bisagasaga bi bunganga.Bi gadi bi tsuga bi bu muudu bina bi hanamani mu gu ginga ye guna tshigu dji paa dji fani goda ye gihani. ¹¹ Kidishidu gitshi nga Fwumu wu moshi wu badambigi gimengi mudiambu ye mapandi mana mapimbu mana mitshi.Ma ludagi mu bunezeni ye pimbu mu Tabedinacle loombi biana bi hangamani mu mioogu mi baadu loo biaana bi hangamanani mu gimaganda. ¹² Loo gugadi shi mu mengi mabakombu mbi loo mumengi ma bangombi,haa mu mengi mandi beni,ga godi gu luda busandu mbala yi moshi gi beni ye gu danina lufudumugu lupidu lu gonda suga. ¹³ Bwoona mbi mengi ma bakombu ye ma ba lumi ba ngombi ba pidu ba ga ye gibuga gi baadu bana ba yudi ye masumu gwedi Nzambi mudiambu ye gu sugula masumu ma baa, ¹⁴ mbala dji gwaa mengi ma Kidishidu mana mitshi mpeve yi sandu gwedi Nzambi ga dihani maa beni gu gonda dona di mvindu gwedi Nzambi,ma fani gu du yebisa mu manza ye mu muhunga wu lufwaa mudiambi ye gu sadila Nzambi wedi ye mooni? ¹⁵ Gi guma giana,gedi ye kadi-kadi ga luwaganu lu paa.Gu tsuga mbi lufwaa lu yitshi goda mu guhulusa bana ba gadi mu luwaganu lu tegu mu masumu ma baa,bana ba lendigami be senda latshi dji moshi bu bumvuma bu mvula ye mvula. ¹⁶ Bwoona,yena yedi lushilu lu moshi,gwedi Fwumu mu gu dadisa lufwaa mwedi muudu wuna wu luhangi lufwaa. ¹⁷ Bwoona lufwaa lu galaga fwunu mbi muudu wuna wu fwii,loo ga galaga ye fwunu mbi wuna wu lushi gedi ye mooni. ¹⁸ Bwoona,luwaganu lu tegu luhangamani gu gonda gu mengi. ¹⁹ Bwoona dangu Mososhi di ga hani gosu matshigu gwedi mugangu wootsu,ga sendi mengi ma baana ma bangombi ye mabakombi,gavugishi mutshigu,muledi wu pembi wu pimbu ga muhangi wu leya mumbala yi moshi ga mu goninigi ga mu gangi wootsu. ²⁰ Gu ngoyu gayagudi mbi:maa medi mengi maluwaganu lu Nzambi magahani ndjila mudiambu ye binu. ²¹ Gidesu gi moshi,ndi gagwidi mengi ma Tabedinacle ye mu bi dembu biootsu bi gahangilagi ye mesa magimengi. ²² Nga bu gadi tshigu,mu gudala gu pimbu gwootsu bana ba sugulagami mu mengi.Gu gonda gusugalama mu mengi loo gwedi mbi gulolusama. ²³ Bwoona,gu gadi fwunu mbi bifanusu bi bima bi guyilu bifani sugulama mu ludambigu lumengi lu bivama.Loo gu dumamimbi,bima bi guyilu biaa beni bifani gala bi hwaa sugulama mu ludambigu lu gimengi giana gi ludi gwingi. ²⁴ Nga Kidishidu loo ga gadi mu gihani gi busandu gina gi hangamani gu mioogu mi baadu,giana giedi buna gifanigisu gi masonga.Bwoona,ndi ga gadi muyilu mudiambu ye gu moniga mu misu ma Nzambi wu pidu. ²⁵ Mbi loo ga gadi mu giguma gi gudi dambiga ndi mweeni mbala dji vula nga buhangaga ba mbuda ba bidambigi bi mengi bina ba godaga mu bihani bu sandu gosu mvula ye gimengi giega. ²⁶ Mbi gu gala bwoona,nga gu kadi gala fwunu mbi ndi mu gu dala bulu mbala djingi yandiga luyandigu lugifudi.Haa dangu di gidesu mbala yi moshi gu tsuga yi dangu guna guyitshi lesama gu ndotshi mudiambu ye gusugisa masumu mu ludambigi lu gimengi gi maa beni. ²⁷ Muudu wootsu gafani fwaa mbala yi moshi,gu ngoyi witshi gusambisama. ²⁸ Gi desu gi moshi,kidishidu kega,wuna wu didambigi mbala yi moshi mudiambu ye gu gadula masumu ma baadu bootsu,ga gwitsa mooniga mumbala yi djioodi,loo mbi mu gi guma gwitsa dala kega mapandi ma masumu mudiambu ye gu hana lugumu gwedi bana ba ginga ye gu ganga mbundu.