¹ Bwoona tshigu djiedi givudi gi mapandi mapimbu ma fani gwitsa,ye loo gwedi gi kalulu gi pimbu gi mapandi shi maa beeni.Bana bafinamaga gwedi Nzambi loo ba fani gala ba hwaa sugulama mu ndjila dji bimengi bibaa bi badambigi neda badambiga bi mengi mbala ye mbala mu gosu mvula. ² Mbala yega loo du hana magabu mabingi?Mu giguma giana,mbi ndi gagadi wu hwaa sugulama gimagulu mu mbala yi moshi,ba fugamani nga loo ba galaga kega mu guyaba masumu. ³ Haa mu dambigidi gi bimengi di,muna du yibugisaga masumu mu mvula ye mvula. ⁴ Haa loo gu fani mu mengi ma bambitshi mbi loo ma ba kombu mu gu gadula masumu. ⁵ Mu dangu di gwitsa Kidishidu mu gifudi,ga yagula mbi:loo wu dwaa nzala shi wu ludambigu,shi lumagabu.Nga loo,gu gala luudu lu moshi lwoona lu wu yidigi mudiambu ye mi. ⁶ Loo wu gala ye gieshi,shi mu magabu ma gu loolula masumu,shi mu ludambigu lu gimengi ma hanami mudiambu ye masumu. ⁷ Bwoona yi bayagula mi:Dalani,mi ndowe,nga bu basonigi mu giguma gina mu tembi,mu guhanga luzolu lwoogu. ⁸ Tegu-tegu gu yagulami mbi:loo ludwaa nzala shi ludambigu,lu bi mengi,shi magabu ma luzolu,magabu ma guloolula masumu.Loo wu gala shi gieshi shi gimoshi loo shela.Biedi bi mengi bi badambigi ye londi di tshigu. ⁹ Gu ngoyi gayagudi:dalani,mi yitshi mlu guhanga luzolu lwandi.Wu sugishi mahanga ma tegu gutsuga mu guhanga mahanga madjioodi. ¹⁰ Ye mu luzolu lwoona pidu du sugulami mu magabu ma luzolu lu Yesu Kidishidu mbala yi moshi gimagulu. ¹¹ Gu lugalu lwega,gosu mudambigi gimengi wu manani mu muninga gilumbu ye gilumbu mu gu sadila Nzambi muna dambigaga dangu diootsu bimengi shi loo bifani gadula masumu. ¹² Gu lugalu lwega,Kidishidu ga dambigi mbala yi moshi gimengi gi masumu mudangu diootsu,ndi wu shigumugi gu gwoogu di gidada Nzambi. ¹³ Ga gingaga ye guna ba mbeni bandi baguma yelondi mu biganzu biandi. ¹⁴ Haa mu giguma gimagabu ma moshi mana,ga sagumuni bima biootsu bi sagumugi mu ndonga. ¹⁵ Ye muhunga wu gedila muna gimbangi.Nga twala yi miootsu ndi gayagudi. ¹⁶ Dalani,luwaganu lu yihanga ye baa gu ngoyi bilumbu,ba yagudi Fwumu.Yi saa matshigu maami mu mambundu ma baa,ye yi soniga mu mabanza ma baa. ¹⁷ Loo yi bula yibula yibuga kega masumu ma baa ye bisaga-saga ba baa. ¹⁸ Dangu di,gosu yena yi bandinga ndolula dji mapandi,loo fani dambiga kega shi gimengi gi moshi. ¹⁹ Mu giguma giana,pangi wu bagala,dwedi ye swidila,mu gu goda mu gihani gi bu sandu mu mengi ma Yesu. ²⁰ Dala ndjila yii yipaa ye yimooni yina yi gadugagudidi mu ndjila yi muledi wumbelu,disongidila mbi mundjila yi luudu lwandi. ²¹ Mudiambu pidu dwedi ye mbuda wu badambigi gimengi munzu yi Nzambi, ²² du finamani ye mbundu yi masonga yi hwaa gula ye luzolu ye gugwigila,du gala ye mbundu dji hwaa sugula mu bupala ye luudu lupidu,lu hwaa yobisa mu mwetshi wu gigidi wu gonda mvindu. ²³ Du galani ye gu ganga gumbundu mu gu duna masumu,haa Nzambi wuna wu hani malatshi loo ga du hunaga. ²⁴ Du gama gu mbundu buni du fani guhagigesa gwedi wu moshi ye bega mu gumuzola ye mu gu muhanga mapimnu. ²⁵ du gonda yambula mu gu vuganaga nga bu bahangi bega haa bu du duna Dada,du hani gigesa gi guluda gwedi ba moshi. ²⁶ Haa mbi bu du hangi masumlu ye luzolu gu ngoyi yi guyaba masonga,gu loolusama mu ludambigu lu gimengi loo lugala kega. ²⁷ Bu du tomatala,gwedi bwoona ye gu ginga gilumbu gi gusambisama,ye mbaa du moshi du gala dwoona du shimisaga ba mbeni ba Nzambi. ²⁸ Gosu wuna wu matshi mitshigu mi Mososhi gafwaa gu gonda kenda mu yungana gwedi boodi mbi loo badadu nga ba mbangi. ²⁹ Nga kii ndola luyindudi dji fani senda bana ba dadishi baana ba Nzambi bulu bana ba sambishi mengi maluwaganu nga gima gi moshi gi masumu-mu mengi mana masugudi ye gadugi muhunga wu kenda? ³⁰ Haa pidu du yabi wuna wu gadi mbi:gwedi mi gedi mbedi gu mbedi;ye gu ngoyi:Fwumu ga sambisa mugangu wandi. ³¹ Gwedi bulumu gu yabisa mu mioogu mi Nzambi wu mooni! ³² Haa yi bugani mu bilumbu bigulu,gu ngoyi binu mu gu gala mutsemu,nga bu lu yabi bulu bu ludi bu neeni. ³³ Mu mbala yega lu gadi ba hwaa deginiga nga bu bahanga tsaga mu kadi-kadi ga mavwanga bega muna lungisa mwedi bana mapandi ma baa magondi soba. ³⁴ Nga bu lu sendi lu waganu gwedi bana bagadi mubologu,ye lu gumbulagi ye gieshi mu gu waginisa bima bi binu.Lu yabi mbi lwedi mu pimbu dji gonda tsuga ye gu ginda. ³⁵ Di songa loo gumasani luzolu lu binu;lwoona lu gangamani ye sandadi ngwadi. ³⁶ Nga lwedi fwunu yi gu ganga mbundu gu tsuga mu gu senda mana ma lushidigishi Nzambi gu ngoyi yi guhanga luzolu lwandi. ³⁷ Bwoona mu dangu di ndambu wuna wu fani gwitsa ga gwitsa gu hanga luzolu lwandi ye loo ga suginina. ³⁸ Masonga mandi madjinga mu gu gwigila.Haa mbi bu ga dugadudi,loo yi gala ye gieshi gwedi ndi. ³⁹ Haa pidu loo du fani gala gidini gi bana bedi mudiambu ye gu yoniga.Mbi budu dadi kega,pidu dwedi hanga gi dina bana bedi ye gu gwigila mu giguma gi gudanina miooni.