¹ Mu dangu di lugwigilu lwedi gu saa mbundu mu bima bina bi wu fani senda mu swidila.Du fani yaba pimbu-pimbi mbi bina bi du gongaga moniga gu misu haa baa biedi. ² Mu giguma giaagina ba mbuda ba pidu ba gulu ba basagumuni mu lugwigilu lu baa. ³ Mu kadi ga lugwigilu mwoona mu du yabi mbi gifudi ye yilu bi hangamani mu tswaa dji Nzambi mupila yana mbi loo shi gi moshi gihangamani gwedi bima bi monigaga gu misu. ⁴ Mu kadi ga lugwigilu Abela ga dambigi gwedi Nzambi gima gi moshi giaana gi ludi bu neeni gi guluda Gayino.Mu giguma giana masonga ma monigi.Nzambi ga mu finamani mu gi guma gimagabu ye lugwigilu ndaga yi Abela loo yi bila shi bu bafwii. ⁵ Mu gi guma gi lugwigilu gi Enogi gendi ye moonbi gu gonda dala lufwaa.Loo ba mu dadi kega,mudiambu mbi Nzambi ga muzangudi.Haa gu twala yi gu muzangula,bu gu yagulami mbi Nzambi ga gadi ye gieshi giandi. ⁶ Gu gonda lugwigilu,loo gufani,gieshi mu gu guma gieshi.Bwoona gosu wuna wu fani gwitsa gwedi Nzambi ga fani gwigila mbi ndi wedi ye' ludjingu ndi wu hanaga ngolu gwedi bana ba mudingaga. ⁷ Mu ndjila yi lugwigilu Nowa ba mudimuni gwedi Nzambi mu mapandi ma gondi gu dala tegu,mu booma bu gugwigila,ga dungi nzanza mu guhulusa biganda.Mu mahanga mana,ndi gahani lufwaa mugifudi ga gumi mweni bima bi masonga bina bitsagaa mundjila yi lugwigilu. ⁸ Mu kadi ga lugwigilu Abalayamu,mu dangu di ba ledi,ga lemvugi gendi mu gihani gina gi gafani gu senda bu mvwama,ndi gendagi gu gonda gu yaba guni ga bagwenda. ⁹ Mu kadi ga lugwigilu ndi ga djingi mu gifudi gimanu gi hanamani nga munzendji.ba banimbagagi mu kadi ga mpatenda ye Izagi ye Djagobu,mudiambu ga bashidi gidesu gi moshi. ¹⁰ Mu biaabi ndi gagingagi vula di neeni di fani gala ye manzu ma ngolu haa mweni mayela ma ludungu ye mudungi gu gala Izagi ye Djagobu,mudiambu ga bashidi gi desu gi moshi. ¹¹ Mu kadi ga lugwigilu Abalayamu ga sendi ndjila yi gubuda shi Sala bu ga gadi mugoobu.Mina mitshi gu mugumina shi bu ga gadi ye mamvula ma guluda gidesu,mudiambu ba gadi bana ba gondi gindumbu,wuna wu bahegi malatshi. ¹² Bwoona dala muudu wu gumi gwandi pena-pena ye lufwaa,hamba di ludi bu neeni di mufidimigi.Baa bagumi ba vula ba guluda miooda mieedi gu yilu nga ndumba dji manu dji gadi mu mbimba nzadi yi badi di fani gonda gudanga. ¹³ Bootsu bana ba fani goda mu kadi ga lugwigilu gu gonda gudala mana ma ba bashidi.Bu dutomatala,baa budadi kiembu ye gulengulagana ye ba koyi,baa bu badiyaba mbi ba gadi banzendji baludi ndjila yelondi di manu. ¹⁴ Haa bana bayagula bima bi gifagina ba di leshigisaga mupenza mbi badingagaga mapimbu ma baa beni. ¹⁵ Bwoona ba bagadi ye nzala yi gifudi gina gi bagadugi,ba gadi ye nzala yi guvuduga guna gu ba dugi. ¹⁶ Nga,bu bzodi gfifudi gina gi pimbu gwedi gu yilu.Mu gigumu gina,Nzambi loo gedfi ye tsooni mu gulendigama Nzambi wu baa wuna wu bayidigidi vula di pimbu mudiambu ye baa. ¹⁷ Mu kadi ga lugwigilu Abalayamu,gu ngoyi yi guganga mbundu,gabudi Izagi,ga gadi mwaana wandi wu moshi wu bagala wu ga dambigi wuna wu sendi lmalatshi. ¹⁸ Gu gadi gwedi Abalayamu ba yagudi:gu gala gwedi Izagi,gu gumi gwedi Izagi guna gu duga maganda magu. ¹⁹ Mu gu saa gu mbundu gu Abalayamu mbi bNzambi gedi wuna wu fani gu shamugisa Yizagi mu lufwaa.Mu ndjila yi luudu lwandi ye ndi nga mu senda mu gu vuduga. ²⁰ Kega mu ndjila dji lugwigilu Yizagi ga sagumuni Djagoobu ye Ezawu mu gu dadila bima bina bigwitsa. ²¹ Mu kadi ga lugwigilu kega mbi Djagobu,mu dangu di gafwagi gasagumuni wu moshi wu moshi mu baana ba Yizefu.Djagobu ga yimbidi,gashi ngolu djiandi djiootsu gu muhangu wandi. ²² Mu kadi ga lugwigilu Yisefi dilungi bilumbu biandi bitsuga,ga gwedi baana ba Yishiledi mbi mu gu duga gu baa gu Egipiti ye ga bahegi ndjila mu gu duga ye bifaa biandi mugwenda ye baa. ²³ Mu ndjila dji lugwigilu Mososhi,mu dangu di gabudugi ba muswegi gwedi bibudi biandi mu bangondi badadu mudiambu baa dadidi gedi pimbu yingi-yingi.Loo bagadi shi booma mutshigu dji todila. ²⁴ Mu kadi ga lugwigilu Mososhi ga gumi mbuda gaduni mu gu mulendigaga mwaana wuna wu budugi mu zumu di mwaana wu Farawoni. ²⁵ Mbi bu dudadi pimbu ndi gasoodi gandi gu niooguga ye mugangu wu Nzambi nga mu gusenda gieshi mu masumu mudiambu ye dangu di moshi. ²⁶ Ga shi mbundu mu gulanda Kidishidu wuna wedi nga wu ludji bu mvwama bu manu maa Egipiti.Mudiambu ndi ga sagi misu mandi mu lufudu lufani gala mu madangu magwitsa. ²⁷ Mu kadi ga lugwigilu Mososhi ga dugi mu manu ma Egipiti loo ga yugagi shi booma bu todila,haa ga dadamagi mu gulanda wuna wu gondaga gu moniga. ²⁸ Mu kadi ga lugwigilu ndi ga yandigi gu dala gilumbu gi madia matsuga ye gudiaguga gu mengi mbi gu zuwi ga gonda gama shi mwaana wu moshi lu lubugu mu maganda maa Yishiledi. ²⁹ Mu kadi ga lugwigilu baa ba geshishi nzadi wu benga wu gonda mwetshi nga manu mahwaa ma guyima.Haa baana ba Egipiti di kandi mega mu guhanga,baa bootsu ba minugi mu mwetshi. ³⁰ Mu kadi ga lugwigilu ba bwishi bibaga bi Djediko,gu ngoyi di gudjeda gu baa gubula mu bilumbu bintsambwadi. ³¹ Mu kadi ga lugwigilu Lahaba wuna wu gadi ndumbu wu ngolu loo ga bidi ye bana ba gadi ye ndi mu gu gonda bulemvu,mudiambu baa badadamani dutedi-tedi. ³² Ye kii yifani hanga kega gu guluda?Mudiambu dangu di du gangamana mu gu lela Jedeyoni,Balaga,Samisoni,Jefridé,Davidi,Samwela ye ba mbigudi. ³³ Naa mukadi ga lugwigilu,wu nungi gitodila,wu hangidi masonga wu sendi malatshi.Wuna wu gangi kega maganu ma ba koyi. ³⁴ Wuna wu manisagagi kabu dji mbaa,wuna wu manisagagi mambedi makabu,wuna wu belugiga gadi mu bimbefu bingolu,wuna wu nungagi magembi ye wu dinisagagi ba mbeni ba ginzendji. ³⁵ Ba kedu ba sengumuni lufwaa lu baa mu lufudumugu.Bega ba baniogulagi,loo ba gumbulagi mu gu bayambula,gu ngoyi,mu guyudisa pimbu dji moshi mu lufudumugu. ³⁶ Bega ba baseyagi ye gu babula,bega miyololu ye gu ba saa mubologu. ³⁷ Bu ba dii madadi ye midi ba niogugi boodi-boodi,bega baa bageshi miminu ye mambidi makabu.Baa bagindigisagi yaaya ye guna;ba bavadishi pela dji mamema ye dji bakombu,ba bayangishi mu biootsu,ba bashi mukenda ye mu gunioogula. ³⁸ Baa bana gifudi loo gibazodi,ba yangagani mutsegi dji maganga ye mu mindonda,mu miwanda ye bidini biootsu bi gifudi. ³⁹ Mu giguma gi lugwigilu baa bootsu ba sengumugi gwedi Nzambi,haa loo basendi mana ma fani gedi gwedi baa; ⁴⁰ Nzambi ga du yindudilagagi mapandi ma guluda pimbu gutsuga mu gu bagumisa bapimbu nga pidu.