¹ Mu giguma giana,mu mbada pidu dwedi ba hwaa djieda ye gimvuga gi baadu gina gi du dalaga gu gonda djibiga,du masani bima biootsu bina bi fani saa bugoogu mwedi pidu ye masumu ma du djiedaga gu gonda gingolu ngolu.Du sendani tina ye gu daa mana mu mapandi pimbu ma zoodi gu dudina. ² Du dadilani gwedi Yesu wuna wedi mweni lugwigilu ye masadidi,wuna wedi ye kiembu djina dji baswegi mudiambu ye ndi mwaana wu gangi mbundu ye londi di kulundji,wu nungi tsooni,wuna wu shigumpugi gugoogu di gidada di gidi gi Nzambi. ³ Bwoona,du dalani wuna wu gangi mbundu mu gu niamugila mapandi mambi mu shimu di masumu mu gu manina gifwumu giandi,gu tsuga binu mu gugonda gu gulumusa mioogu shi mu gu lembwa. ⁴ Binu loo yandu lumeni migashi mu mengi,shi mu gunwaana gu twala yi masumu. ⁵ Haa binu lubidi malongi ma ba lulongi nga bwoona:mwaana wami wu bagala,loo mu gu nwanisama gu Fwumu,ye loo gu bidisa ngolu mbi loo djioodi gu guvudula mundjila. ⁶ Mudiambu Fwumu gabulaga mwaana nandi wootsu wuna wu gazoodi,ye ga hangaga ndola gwedi ndi mwaana wootsu wuna wu ga zoodi guyamba. ⁷ Ganga mbundu mu mapashi mootsu nga tumwa.Nzambi ga hangaga ye binu nga gahangaga ye baana,nga kii mwaana wuna dada wu gagondaga gu bula? ⁸ Bwoona mbi loo gumbulaga,mu gina gi dusendilaga gabu,disonga wedi mwaana wu magangu loo wedi mwaana mu kadi ga baana bandi. ⁹ Disonga mbi dwedi ye ba dada yelondi di manu mudiambu ye gu du nwanisa.Ye du badjidisaga loo du fani ngolu-ngolu gu hana bu lemvu gwedi dada wuna wedi wu gipeve wedi muhunga ye mooni? ¹⁰ Bwoona badada ba pidu ba du niamugisaga mu dji mvula ga ndambu nga pila yi bazodidi,haa Nzambi ga du nwanisaga mudiambu yaa mapimbu ma pidu gutsuga,pidu mu senda gabu musandu. ¹¹ Loo gwedi ye ginwanisa guna gu hanaga gieshi,haa gu hanaga bulu dugoogi-dugoogi.Djiadi dji budaga ndumba dji bugoogu djiedi gwedi bana ba baniogulagi. ¹² Bwoona gamaganani mioogu ye mioogu miedi mu bulu ye mabongu mana malembwi, ¹³ ye hangani mandjila magondagonda mana mudiambu ye milu mi binu,mbi gosu wuna wu deguni gavudugila gigesa giandi. ¹⁴ Dingani ngemba gwedi muudu wootsu,loo shi wu moshi wu gondi lugwilu wu dala. ¹⁵ Ga ngulani misu mu giguma mbi muudu ga gondabu bamumashi,mudiambu loo badalagi_ shi pudila yi moshi gwedi ndi,ndi genda dinga-dinga gwedi ndi dada wandi,ye tsanga. sungama mu ngemba dji Nzambi,ye mbi shi dji mukashi wu moshi wu mapandi mambi ga gonda yela,mu gugodisa gayongoshi,mu giguma mbi baadu bega bagonda sambugila. ¹⁶ Gangulani misu mu gonda gala nga Ezawu,wuna wu degi gimbuda mudiambu ye gudia. ¹⁷ Bwoona gu twala,shi bu du gondi wuna wu hanamani tswaa dji bumvwama nga mwaana wu bu mvwama,mu masagumunu. ¹⁸ Bwoona loo mwitshi mu ndjila dji mindonda mina mi gangamani mu mindonda mina mineeni,bu miboguga bu mibwaa ye gidima, ye madudi, ¹⁹ ye mihunga mivula,binu loo lwitshi mundaga yi pungi,mbi loo yi ba hana mani shi mbala yi moshi.

²⁰ Bwoona loo ba shindji mu bima bi bahanamanini nga ntswaa.shi givama gi moshi bu gigumi mu mindonda du fani gu madaa madadi. ²¹ Minioololu mieni mi gadi migifa giega ye gumi Mososhi ga yagudi mbi:yedi wu hwaa gedigisa tunda yi badegida. wandjio mu kadi ga guyangalala. ²² Haa mbi bu du dadi pimbu binu lwitshi gu mundonda wu Shimoni ye guvula di Nzambi wu mooni di Yelusalemi di moni,ye mukadi ga bibuga gi ba Lwitshi mu kadi ga gimvuga. ²³ Gi bana ba tegu ba lubudugu bana ba baa sonigi guyilu,gwedi Nzambi wuna wedi zushi wu biootsu,ye wu mihunga mi baadu ba masonga mina mitshi mu gusungiga. ²⁴ Lwitshi gwedi Yesu wuna wedi ngendji wu luwaganu lupaa nye mengi malugulugu mana medi mengi maguguba mengi Abel. ²⁵ Di gebani mu gu gonda guduna wuna wu ba yagula.Bwoona mbi baa bagonda figuga mudangu di ba dunagi wuna witshi mu gu ba dimuna yi londi di manu,pidu loodu fiduga gu gidi mbi bu du hani ngoyi gwedi wuna wu fani gu du dimuna yandiga gu yilu. ²⁶ Mu dangu dina ndaga yandi yi nigisa gifudi.Haa dangu di ndi ga hani latshi ye ga ya gudi:loo yi nigisa mbi buna,haa ye yilu kega. ²⁷ Daga yi:mbala yi moshi kega,gu ba yagudila bima biana bi fani nigagana;gi djioodi yagula bima biana bi hangamani gu tsuga mbi bima bina bi gonda gu nigagana bi gala mu ludjingu. ²⁸ Mu gi guma giana,sendani gifwumu giana gi fani gonda gu beba,du galani ye gudi yaba mupila yana du sambilani Nzambi ye gudi yaba ye booma. ²⁹ Mudiambu Nzambi wu pidu gedi mbaa duna du tshimisaga.