¹ Luzolu lu gonda suga lu landa. ² Du gonda bila gu sadisa ba gwenu mu ndjila yi banzendji.Ba vula basadisa bawandjio gu gonda gu yaba. ³ Yibugagani beni mabologu nga guna mbi ba lugangi mishinga ye baa.Yibugagani bana babaniogula nga guna mbi lwedi ye baa luudu lu mooshi. ⁴ Ma kwela madjisama wu moshi ye wu moshi.Biandu bi makwela bi gala bi busandu.Bwoona Nzambi ga sambisa beni bisagasa ye beni gindumbu. ⁵ Mapandi ma pidu gonda valangana mu luzolu mbongu.Galani mugieshi mu bima bi lufugi bwoona Nzambi ndi beeni ga yagudi mbi:loo yi gubebisaa kega shi gu gumasa. ⁶ Du yangala mu bina bi dwedi bia gutsuga mu gudishigisa mbi:Fwumu wu du sadishi.Loo yi fani yuga shi booma bu moshi,muudu kii gafani panga? ⁷ Shimanani ba twadishi ba binu,bana ba longugi ndonga yi Nzambi,ye sani mbundu lunungu lu ntambudidi yi baa,yi fanagani mu lugwigilu. ⁸ Yesu Kidishidu gedi gidesu gi moshi mayooni,leelu,ye wu dangu diootsu. ⁹ Loo gu du yambulani mu gu senda malongi mega nga ye maginzendji,bwoona gwedi Fwumu mbundu yi gala yi hwaa yula ye kenda,haa loo mbi mu ndjila di madia mana ma fani gonda sadisa mu bima biedi nga bisalu bi baa. ¹⁰ Pidu dwedi ye mesa ma moshi ma ludambigu mbi bana bootsu bedi mu gisalu mu kadi ga nzu yi bisambi yi neeni loo ba fani gu diaa. ¹¹ Haa mengi ma bimvwama bina bi bazuwi mu giguma gi masumu ye banedi gwedi ba mbuda ba neeni ba dambigi bi mengi yi hani busandu,haa luudu lu baa bafani gu lu fuba bwoona ye ndjila yi bula. ¹² Mu giguma giana,Yesu kega ga niogugi ye ndjila yi vula,mu giguma gi guhulusa mugangu mu mengi mandi. ¹³ Du dugani mu gwenda gwedi ndi ye ndjila di bula mu neda tsooni. ¹⁴ Mudiambu loo dwedi ye vula shi di moshi haa yaa yilondi digifudi.Du dingani bi fani gwitsa. ¹⁵ Mwedi ndi,dambi gani ye luzolu lwootsu magabu ma migunga gwedi ndi Nzambi,migunga miandi nga ndumba dji mivumbu mipidu mi hwaa gumisa djina diandi. ¹⁶ Du bilegu mu gu hanga mapimbu ye mu gusadisagana wu moshi ye wega,mu bwoona Nzéambi ga sendaga gieshi. ¹⁷ Lu vugani ye di gulumusa ye guluda gwedi badwadishi ba binu,haa baa badanina miooni mi binu ye baa kega ba yufula mu giguma gi binu.Lemvugani gwedi ba twadishi ba binu gutsuga baa kega ba lugeba ye gieshi haa loo mbi mu gu lu sunga guna gu gala Fwumu loo fwunu gwedi binu. ¹⁸ Sambani mudiambu yèe pidu,bwoona pidu,du yudi ye nzala yi gu senda mabanza makiediga ye du zodi du djinga kiediga shila mu bima biootsu. ¹⁹ Yi ba gulu hega gigesa mu gu hanga pimbu bootsu bi gutsuga,mi mugugala wuna wu fani vuduga kega mwedi ndi binu tswalu. ²⁰ Dangu di,yambula Nzambi wungemba,wuna wu du nedidi yandiga gu lufwaa wedi pashitela wu mamema,Fwumu wu pidu Yesu,mu ndjila dji mengi ma luwaganu lu gonda tsuga, ²¹ ga du yudishi mu buma bi pimbu mu gi guma gi bina biedi gi sulu gi pimbu gu misu mandi,mu ndjina Yesu-Kidishidu,gwedi ndi gwedi ndi wu gala kiembu dji mvula ye mvula.Bwoobuna. ²² Mu dangu di yi baguluhega giugesa,ba pangi,ba bagala,mu gu ganga mbundu mu ndaga ma gigesa ma yi ba gu lu lela mu gidini. ²³ Yabani mbi pangi Timodé gagadi wu hwaa sumbama,wuna wu lu dalagi mbi mbi bu gitshi loo tunda. ²⁴ Hanani mbodi badwadishi ba binu bootsu ye basandu bootsu bana bedi gu yi Yitadi ba luhegi mbodi. ²⁵ Yambula ngemba dji ye binu bootsu.