1 Dangu di zoodi di du zoodi pidu gu yagudila diadi:pidu dwedi ye mudambigi gimengi yi moshi wuna wu shimugi gu googu di gidada ye gidi di gifwumu mu neeni gu yilu. 2 Wuna wedi musadi wu gihani gi bu sandu ye nzanza yi kiediga nga Fwumu,loo gu yagudi muudu. 3 Nga gosu mudambigi gimengi ba shi mu guhanaga mu mbala yi moshi magabu ye midambigi.Bwoona gwedi fwunu mu gala ye gima gi moshi gina gifani hanagana nga magabu. 4 Mu dangu di,mbi Yesu gala kega ye londi di manu,nga loo gedi kega nga mudambigi wu biootsu,mudiambu ndi gedi moniga nga magabu nga buyagula tshigu. 5 Ndi ga fanagani nga gifani-fani,nga givudi kega ma bima bina bi gu yilu,gu gi gidi nga Mososhi bu bamuyibugishi gwedi Nzambi mu dangu di ga gadi mu luyandigu lu gu dunga Tabedinacle:¨gu dala¨,Gahungu ga yagudi:hanga ma hanga mootsu mugidesu giaana gi ba gushi mu mundonda. 6 Bwoona dangu,di sendi Kidishidu giyega gi moshi gineeni mudiambu ndi gedi kega ngendji dji guwagana gu pimbu guna guhangamani mu malatshi mapimbu. 7 Mudiambu mbi luwaganu lu tegu loo lugadi shi gifuu,bwoona loo gu fani gala fwunu mu gu dinga kega luwaganu lwega. 8 Disonga,mu dangu dina Nzambi ga dadi gifuu gwedi mugangu,gayagudi:dalani,mu bilumbu bi bagwitsa(bu ba yagula Fwumu),diana di hangulula guwagana gu paa ye gifudi gi Yishiledi ye yina yi yiyudeyo. 9 Loo gu gala nga luwaganu lu yihangi ye ba mbuda ba gulu mu gilumbu gu yibagami ye mioogu mu gudusa gu gifudi Egipiti.Haa,baa loo ba gwigidi mu luwaganu lwami,ye loo bagodulushi shi ndambu,¨bu bayagula Fwumu. 10 Haa dalani luwqaganu lu yigifudi gi Yishiledi mu bilumbu bina,bu ba yagula Fwumu.Yi saa tshigu djiamu mu mabanza mabaa,ye yi bisoniga mu mbundu dji baa.Yi gala Nzambi wu baa ye baa ba gala mugangu wami. 11 Bu babulongagana ba ye baa loo mbi wu moshi ye pangi wandi,muna yagula:wuyabi Fwumu,haa bootsu bu bayaba,yandiga gwedi baana tii mwedi ba mbuda mukadi ga baa. 12 Haa yibayugila kenda mu mahanga ma baa ma gonda fanagana loo yi yibuga kega masumu ma baa. 13 Yi bula yagula:mapandi mapaa,gu hani lugumu mu guwagana gu tegu.Ye mana ma ga shidi ma lugumu ye mundjila dji gonda bila.