¹ Ndi madishedegi,todila wu salemi,mudiambu wu gimengi gwedi Nzambi wuna wedi mukadi ga yilu, wuna wu wanagani ye Abalayamumu gimvuga gwandi ye gamasagumuni,gungoyi mbi wuu ga geshi todila muminu. ² Abalayamu gadi hegi djina di zoodi mu giguma bana bootsu ba ga mani zuwaa.Djina diandi:Medishisedegi.¨gu baleshigisa mbi:todila wu masonga,¨ye kega:todila wu ngamba.¨ ³ Loo ga gadi ye dada,shi ngudi,shi bambuda bandi ba gulu,loo ga gadi ye luyandigu lu gilumbu,shi tsuga yi gilumbu.Haa ndi ga gadi mudambigi bi gimenga bi mvula ye mvula,nga mwaana wu gi Nzambi. ⁴ Dangu di,dalani mbala dji gwii ga gadi muneeni muudu wuu.Kaga wu pidu Abalayamu ga muhegi gi dini gi zoodi gi gadi gi ludi pimbu gima gi gasendi mu dangu di bidumba. ⁵ Bwoona giganda gi Levi gi sendi mesa masagumunu,bana ba fani landila tshigu dji gu senda gabu di gumi gwedi biganda,disongidila gwedi ba pangi ba baa ba Yishiledi,bwoona baa kega bedi giganda gi Abalayamu. ⁶ Haa Medishedegi,loo ga gadi mu giganda gi levis,gasendi gabu di gumi di Abalayamu,ga musagumuni wuna wu gadi wu malatshi. ⁷ Loo ga gadi tegu ye matshigu ma gu yagudila mbi wu gondi gifwumu gineeni wu fani sagumuna wuna wu gondi gifwumu wuna wu neeni. ⁸ Bwoona,baadu bana ba fwii ba sendagagi gabu dina di gumi,haa wuna wu ba senda gabu di gumi ga fani gudifanigisa ye muudu wuna wu mooni.

⁹ Mu gu yagula kega,Levis wuna wu sendaga gabu di gumi,bu gafudi kega gwedi Abalayamu. ¹⁰ Mudiambu Levis ga gadi muzumu di mbuda wandi wu gulu Abalayalamu mu dangu di wanagani ye Medishisedegi ¹¹ Dangu di,mbi mayidigi ma gala ye gufanagana mu ndjila dji mana ma masagunu mu biganda bi Levis(mudiambu bi ganda bi sendi matshigu),gu gadi tegu fwunu yingi ma monisama medi ma moshi mega gwedi midambigi gimengi nga bu gadi dangi di Meshisedegi,haa loo mbi mu gu lendigagana yandiga ndonga di ALoni? ¹² Mu dangu diootsu di ba sobaga mesa ma masagumuni matshigu kega ma fani soba. ¹³ Haa mwedi wuna wu ba ledi mbi bima biandi bi giganda biedi giyega,loo gwedi shi muudu wu moshi wu gadi muni hanga mu gisalu wu mesa maludambigu. ¹⁴ Dangu di,gu yabagani mbi Nzambi wu pidu gedi wu moshi wu giganda gi yudashi,mu biganda bi Mososhi loo masadi sonama ga yagudila mu gu gengidila . ¹⁵ Ye mana ma du ba yagudila medi gibeni mupenza,mbi wu moshi wega nga mu dambigi gi menga bu ganiamugi ga fani fanagana ye Meshisedegi. ¹⁶ Mudambigi bi gimengi wuna wu paa gu landila matshigu magabudugi gu baadu,haa mu ngolu dji ludjingu lu bihangi hangi. ¹⁷ Bwoona masonugu mana muni gu mulela gimbangi:wedi mudambigi gimengi gidangu diootsu nga mundonga wu Meshisedegi. ¹⁸ Mudiambu matshigu ma gulu ba mashi mu pungamu mudiambu loo magadi ye ngolu ye fwunu. ¹⁹ Mudiambu tshigu loo dji gidudi shi muudu wu moshi santu,haa bwoona gwedi gu yebagana gu pimbu gu madangu magwitsa mana pidu ye pidu mu gu finama gwedi Nzambi. ²⁰ Pila yi gu yabagana yi pimbu-pimbu loo yi sendi gihani gu gonda gudia lushilu.Bwoona bu ga gidudi ba dambigi gimengi gu gonda gugesa shi lushilu lu moshi. ²¹ Haa gu dadila ndi,Yesu;ga gidugi mu dambigi gimengi ye gugesa lushilu luna lu hanamani gwedi wuna wu moshi wu baledi:Fwumu bu gashi lushilu mbi loo ga balumuna mbundu:ndji wedi mu dimbigi gimengi mu dangu diootsu. ²² Bwoona,Yesu ga gumi ngolu mu luwaganu lupimbu. ²³ Gu tsuga lufwaa lugilamani gwedi ba dambigi bimengi mu gu gonda gu mu sadila mu dangu diootsu,giguma giana gwedi ye ba dambigi bimengi bengi,wu moshi ye wu moshi. ²⁴ Haa bwoona Yesu gedi mu gu djinga gu gonda tsuga,mesa mandi ma masagumunu loo masala sooba. ²⁵ Mu giguma giana,gedi wuna wu fani mu gulusa gimagulu bana ba finami gwedi Nzambi mwedi ndi giguma gigu basambilaga. ²⁶ Gwedi gu fanagani gwedi pidu mu gu gala ye wu gifaagina nga Fwumu wu mu dambigi gimengi.Loo gwedi shi masumu,wu gonda mvindu,wu gabuga ye baadu. ²⁷ Wuna wedi luswasanu gwedi ba dambigi bi mengi bega ndi loo gedi ye fwunu,mu gosu gilumbu mu gudambiga magabu,tegu-tegu mudiambu ye masumu mandi ndi mweni,gu ngoyi mudiambu ye masumu mabaadu bootsu.Ndi gahangi mumbala yi moshi mu gu dala pashi ndi mweeni. ²⁸ Bwoona,tshigu djina dji shi baadu nga ba dambigi bi mengi bigumi bi gonda ngolu,haa ndaga yi lu shilu luna yitshi mu tshigu,yitshi ye mwaana wu muudu,djina dji hangamani mu masonga magonda tsuga.