¹ Galani bana ba bafanigisa Nzambi,nga bana bandi ba luzolu; ² mu gu gala ye luzolu luvula,nga Kidishidu buga du zodi,ye gadi hani ndi beni mudiambu ye pidu,ga gadi nga magabu ma mapashi mu gu gala wuna wu gondi masumu gwedi Nzambi. ³ Shi gindumbu,mambu ma gondi ma basandu loo ma fani gala gwedi binu,bwoona ba fani gala ba gwigidi. ⁴ Gu gonda moniga mana ma gondi fanagana,shi mandaga magondi fwunu,shi ndaga dji bupala bu pamba-pamba,gu fanagani,gu gala ye lugumu. ⁵ Lu fani gala luswasanu ye banaba dagaga gindumbu,gwedi baadu ba bakida,ye bidegi,loo biedi bimvama,bi fani gala mu gifwumu gi Kidishidu ye gi Nzambi. ⁶ Loo shi muudu wu moshi ga lu huna mu mandaga ma bisagasaga,mu gi guma gimapandi mana kabu dji nzambi dji yi saga gwedi bana ba gondi bu lemvu. ⁷ Loo gu galani kega gabu di moshi ye baa. ⁸ Tegu lu gadi piba,haa lelu di lugumi mwini gwedi Fwumu.Lu fani gwendeaga nga baana ba mwinda! ⁹ Bwoona ndumba dji mu mwini dji moniga mudangu diootsu ye lu lendu,masonga ye kiediga. ¹⁰ Dingani biana biedi fwunu gwedi Fwumu; ¹¹ loo gu sendani shi gimoshi mu bisalu bi piba,bi lesani mbi lwedi bisalu bimbi. ¹² Mudiambu bisalu bi ba hangaga mu piba biedi tsooni mu gu bilela mu mwini; ¹³ Mapandi mootsu mapiba ma duga mu mwini,ma beb. ¹⁴ Bwoona,mana mootsu ma monigi loo medi kega ye ngolu,bwoona ga yagudi mbi:niamuga ndji,ndji wuna wedi gu gilu niamuga,niamuga mu kadi ga bafwaa,ye Kidishi galemwa gwedi ndi. ¹⁵ Gieba buni wu fani djinga,loo mbi nga baadu ba gondi mayela;haanga ye bana bedi yengangu; ¹⁶ nwaninani dangu,mudiambu bilumbu biedi bimbi. ¹⁷ Loo gu gondanani mayela,haa yabani kii biedi guzola gu Fwumu. ¹⁸ Loo gu dsinedani mu malafu:ma nedaga gindumbu.Galani,wu hwaa yudisama mu gipeve; ¹⁹ sadisaganani mu migunga,ye gu mu gumisa mbala djiootsu,yimbani ye gu gumisa Nzambi yimbilani mudiambu ye binu bootsu; ²⁰ hagani lugumu dangu diootsu gwedi Nzambi Dada wu pidi,mu djina ndi Fwumu Yesu Kidishidu, ²¹ hagani mapashi ma binu wu moshi ye wu moshi mu gu yibugaga Kidishidu. ²² Mukedu,lemvuga gwedi mulumi wootsu,nga gwedi Fwumu; ²³ mudiambu mulumi gedi fwumu wu mukedu,nga Kidishidu kega bu gedi Fwumu wu dibundu,gedi muhulushi wu luudu. ²⁴ Gesu gimoshi kega dibundu di fani lemvuga gwedi Kidishidu,nga mukedu kega wu fani lemvugila mulumi wandi mu bima biootsu. ²⁵ Mulumi,gafani zola mukedu wandi nga Kidishidu kega bu gazodi dibundu,ye ga di hani ndi mweni sambu ye diaa, ²⁶ ga dihani ndi mweni nga gimengi,ga di sugudi mu mwetshi mundjila yi ndaga, ²⁷ ga hangi biootsu bina mu gudi monigisa mu dibundu ye luguimu lu vula di gonda mwinda shi madadi,gu gonda fanagana mu gima shi gi moshi,haa mu busandu gu gonda shi gifuu. ²⁸ Gi desu gi moshi kega ba bagala ba fani zola bakedu ba baa nga luudu lu ba beni.Wuna wu zolaga mu kedu wandi gadi zolaga ndi beeni. ²⁹ Loo shi muudu wu moshi wu mengi luudu lwandi,haa ga yidiga ye gu lu yidiga,nga bu hangaga Kidishidu bu ga zodi di bundu, ³⁰ mudiambu dwedi gidini gi luudu lwandi. ³¹ Mu giguma giana,balaga ga fani shisa dada ye ngudi wandi,ye ga gangamana gwedi mukedu wandi,ye ba boodi ba guma muudu wu moshi. ³² Medi masonga mangolu;haa yi bayagula buna mudiambu ye Kidishidu ye dibundu. ³³ Loo gwedi mbi pashi,gwedi wu moshi ye wu moshi ga fani zola mukedu wandi nga ndi beeni,ye mukedu gafani lemvuga gwedi mulumi wandi.