¹ Bwoona,mi,mweni bologu gwedi Fwumu,yi ba gu luyiga gigesa mu gu gala mu gikalulu nga giaana gi gimvuga gi lu gangamani, ² djingani ga gudi gulumusa,pwedééé ye gu ganga gu mbundu,yabagani pashi dji moshi ye wega, ³ hangani gi ngolu ngolu gwedi binu beeni mu gu gedigina gi mvuga mungindu ye mu ngemba. ⁴ Gu frani gala ga luudu lu moshi,ye ngindu dji moshi,nga bu lu lendigaga, ⁵ mi Fwumu wu moshi,lugwigilu lu moshi,mbodiga yi moshi, ⁶ ye Nzambi wu moshi,yedi Dada wu biootsu,wuna weedi ye londi di wootsu ye mu gifudi giootsu. ⁷ Wu moshi wu moshi gwedi pidu gasendagi ngolu mu gidesu gizodidi Kidishidu. ⁸ Nga bu bayagudi masonugu mbi:mu dangu di gendagi gu yilu,bina bi fulugaga mu yilu ga bineda mu gu fulumuga,ndi ga hani magabu gwedi baadu. ⁹ Gwedi di songidila kii:bu ga dombugi,nga bu ga gulumuga kega mu gudjiama gu mashina ma manu? ¹⁰ Wu witshi gulumuga,gendi kega ndi wuna muudu weni wu dombugi mu kadi ga yilu,ga hangi buna mu gulungisa mana mootsu. ¹¹ Kidishidu ga gabitshi magabu bwoobu,bega nga bambigudi,bega nga ba pashi tsangu,bega nga pashitela ye ba dogitela, ¹² ga hangi buna mu gugengidila bana ba gwigidi makadi ga gisalu gi gimvuga,ye mu gulunda lugwigilu mu luudu lu Kidishidu, ¹³ ga ba hanga bina tiguna gu du fani guma wu moshi mu gimvuga mu lugwigilu,ye mu gu di yaba gu mwaana Nzambi,bu biedi bina bihangamani gu mioogu mi baadu pimbu bi gala mu ngolu dji Kidishidu, ¹⁴ gu hanga bu nga du gonda gala kega nga baana,ba tshigu gu hangamani buna mu gonda gala kega ye valangasa,ye mbundu yaa mbi loo gwoona,gu hangamani buna gu gopnda sendamana mu mihunga miootsu mi mahanga ma bu pala,gwedi beni gindumbu gingi-gingi ba yudi ye mandaga ma bupala, ¹⁵ mu bwoona,nga du yagulaga ye masonga mu kadi ga luzolu haa nga du huluga,mu mapandi mootsu gwedi wuna wedi Fwumu,Kidishidu. ¹⁶ Wuna wu vugisaga,ma luudu mootsu ma gwigidi medi mu gimvuga,ba galaga gi mvuga mu mandonga mootsu ma ba zodi gu vugana,mupila mbi ma luudu mootsu mayela ye gudi gedila mu kadi galuzolu. ¹⁷ Bwoona yi ba yagula bwoobu mbi yi lushamisa gwqedi Fwumu,loo lu fani gala kega nga ba pani ba ludaga mu bisaga-saga mu mabanza ma baa. ¹⁸ Bedi ye mabanza mana ma gidima,ba godi mu ndonga mu ludjingu lu Nzambi mu gu gonda gu diyaba,gu galagi gwedi baa mu gi guma gi kjangidi yi mbundu yi baa. ¹⁹ Loo ba gala shi tsooni,ba dihani mu gindumbu,mu pangidi dji baa dji gimupani,mu pila yi gudi shigisa. ²⁰ Haa loo mbi bwoona,bu lu longi Kidishidu, ²¹ yi yabi binu bootsu ba lu longi gwedi ndi mbi masonga medi gwedi Yesui, ²² lu fanio gadula bina biedi nga bi kalulu bi binu,bu gulu,baadu bana ba gulu ba fidagana mwedi binu mu gi guma gi manzala ma baa mabupala. ²³ Gu ngoyi mu moniga kega ba paa mu bikalulu bi binu, ²⁴ ye vadani muudu wu paa,wuna wedi mu luzolu lu Nzambi wuna wu hangamani mu masonga ye bu sandu ye kiediga. ²⁵ Bwoona,di gadulani mu bisaga-saga biootsu,yalagani kiediga gosu muudu gedi pandi ngiani mudiambu du djingagani pidu ye pidu. ²⁶ Mbi bu luyugi kabu,loo lu bwaa,mu masumu;loo gu ginga mbi piba yi bwaa ndji mukabu, ²⁷ loo gu hana ndjila gwedi sadana. ²⁸ Wuna wu galaga mwibi ga gonda gala kega mwibi;ba fani longuga gisalu,ba fani longuga gusala gi gumioogu,gutsuga mu gabila kega bana bieedi biaa fwunu. ²⁹ Loo gu fani duga ndaga yi mbi mu ganu yi binu,haa,mbi pila yedi,mandaga ma moshi mapimbu,bina bi fani sadisa mu gu yuga gwedi gabu gwedi bana ba bayuga. ³⁰ Loo gu yugisa muhunga wu gedila kenda wxu Nzambi,gwedi ndi lu hulugila mu gilumbu gi tsuga. ³¹ Lu fani gu digadula mu gu dalaga gi mengi,mambi,kabu,gunwana,ye gu dugana,mabidisani mu kadi ga binu. ³² Galani ye pimbu binu ye bega,galani mbundu dji gu gangula,lu lolulaganani ba pangi ye bega,nga bu lu loludi Nzambi mu ndjila yi Kidishidu.