¹ Bu lufwii mu mambi ma binu ye mu masumu mabinu, ² nga bu lu hangila mumbala djiega,nga bwedi bidimbu bi gifudi gi,nga mwaana fwumu wu muhunga,gu muhunga wu ba hanga sebi-sebi di gu mwaana wu gilawu. ³ Pidu bootsu kega,du gadi gimvuga ye baa,ye du djingila kega mbala djega pila yi zola luudu lu pidu,mu gilungisa luzolu lu luudu ye dji mabanza mapidu,du gadi nga bana ba budugi gwedi baadu bakabu,nga bana bega... ⁴ Haa Nzamlbi ga du yugilaga kenda dji vula,ga du zolaga kega ngolu, ⁵ dangu di du gadi nga baadu bafwii mu gipeve mudiambu di masumu mapidu,bu ga du shamugishi mu lufwaa ye Kidishidu(mudiambu ye yandi yi pimbu),Nzambi wu luhushi; ⁶ mu gimvuga gi twedi ye Yesu Kidishidu,Nzambi ga du shamugishi mu lufwaa ndjila yi moshi ye ndi,mudiambu du yala ye ndi gu yilu, ⁷ ga hangi bwoona mu pila mbiga lesa mbala yi moshi gu hwii mbundu yandi yi npimbu shela ye guzola gu neeni guna bu ga du leshi gwedi Yesu Kidishidu. ⁸ Mukiediga,Nzambi wu lu hulushi mudiambu ga lu dalaga mu disu di pimbu,gu huluga guna gu luhugi loo gwedi mudiambu ye mapandi mana ma luhangi binu beni,haa gwedi magabu ma Nzambi. ⁹ Wu lu hegi mudiambu lu shi mbundu gwedi ndi,loo lu fani gu di lela,mudiambu loombi binu beni luhangi gima. ¹⁰ Nzambi muudu wu hangi mutindu dwedi dangu di wu du ha ngi mu pila mbi du hanga bisalu bi vula bi pimbu bina bi ga du yidigidi gu twala,bwoona mudiambu ye gimvuga gii gipidu gi twedi ye Yesu Kidishidu du fani hanga kega. ¹¹ Pidu baadu bana ba gondi buda ba yuda,a bana bayuda ba lendigaga baadu ba ba gondi gesa mukanda,bwoona ba beni bayagulaga mbi bedi baadu bana ba bageshi (djina di gugesa gu ba lesa mapandi mana mahanga baadu mu luudu di baa),yindulani mbi buni lugadi tegu ¹² lugadi gu leya ye Kidishdidu lu gadi ba nzendji,loo lugadi mu kadi ga baadu bana ba Nzambi ba gasodi mu gugala baadu bandi,mapandi mana ma Nzambi ma ga wagani ye baadu bandi,ma ga shidi gwedi baa loo lu mayabi,mu ludjingu lu binu luu ayaa ye londi di gifudi,loo luyaba muudu wuna wu fani saa mbundu,loo luyaba kega Nzambi. ¹³ Haa nioonga mu gimvuga gina gi lwedi ye Yesu Kidishidu,binu baadu bana lugadi gu leya ye Nzambi,dangu di lugumi pena-pena ye ndi mudiambu ye mengi ma Kidishidu. ¹⁴ Mudiambu ndi beeni Kishidu muudu witshi dunedila ngemba,dangu di ga du vugishi bayuda ye baadu bana bagondi bayuda,ndi mu gu dihana mu lufwaa,ga bwishi bi baga bina bi ba gabisaa,bina bi basagi mu gimbeni, ¹⁵ ga gadudi matshigu ma bayuda,mudiambu mbi pidu bootsu,bayuda ye baadu bana ba gondi bayuda,du guma muudu wu moshi wu paa mugimvuga ndi beeni,mudiambu kega du gala mungemba, ¹⁶ Kidishidu ga du gadudi mu gimbeni gi baadu dangu di gafwii ye londi di kulundji,mudiambu ye kulundji bu ga du vugishi pidu bootsu luudu lu moshi,bayuda ye baadu bana ba gondi bayuda,bwoona ga du vududi gwedi Nzambi. ¹⁷ Gitshi du lela baadu bootsu tsangu dji ngemba bana ba gadi guleya,ye ngemba gwedi bana ba gadi pena-pena; ¹⁸ mudiambu gwedi ndi dwedi wu moshi ye wega du fani manana gu misu ma Dada,mu muhunga wu moshi. ¹⁹ Bwoona,loo kega ba nzendji,loo kega bana bedi ye ndjila;haa lwedi ba pangi ba basandu,baadu ba nzu yi Nzambi. ²⁰ Bu lu sugulami mu malongi ma basandu ye ma ba mbingudi,Yesu Kidishidu ndi beeni gedi dadi adina dfi bayidugi. ²¹ Ndi wu gamaga nzu yina yiootsu,ga disadisaga,tii gwoona di guma nzu yi Nzambi mudiambu ye ndi Fwumu Yesu. ²² Mu gimvuga gina dwedi ye ndi binu kega ye ba kidishidu bega lwedi nga nzu yina yi Nzambi yi gipeve.