¹ Mi Polu muudu wuna wu shi Nzambi tumwa wu Yesu Kidishidu,mu luzolu lwandi,yi ba hana mbodi gwedi binu ba kidishidu bana ba djingaga gu bula dji Efezu ye binu baadu bana ba shi gwedi Yesu Kidishidu: ² Dada wu pidu Nzambi ye Fwumu Yesu Kidishidu ga ludala mu disu di pimbu ye ga luhega ngemba,ma pimbu mana ma Nzambi ga du hegi mulusadisu di Kidishidu! ³ Du ba hana madonda gwedi Nzambi,Dada wu Fwumu wu pidu Yesu kidishidu,bu ga du sagumuni mu gimvuga gina gi dwedi ye Kidishidu,dangu di ga du hegi magabu ma gipeve giootsu gina giedi gu yilu! ⁴ Mudiambu dangu Nzambi di ga gondi hanga yilu ye manu,bu ga du zodi mu gu gala baadu bandi mu lusadisu lu Kidishidu,mudiambu du gala baadu ba sandu,baadu ba gu gonda gifwu, ⁵ gu misu mandi,Nzambi ga gani tunda mu luzolu lwandi lu neeni,mbi duguma baana bandi mu lusadisu lu Yesu Kidishidu,ga gani bwoona mudiambu mapandi mana ma muhegi gieshi, ⁶ du hega Nzambi luguimu mudiambu gu mbundu yandi yi pimbu shela yina yi ga duledi dangu di gaduhegi mwana wandi mu luzolu lwandi beeni,mwaana wandi wuna mu gazolaga pilalo. ⁷ Mudiambu di mengi ma Yesu Kidishidu,loo dwedi kega bahiga ba masumu,Nzambi wu du loludi,bwoona wu du hangi mapimbu mavula shela, ⁸ wu du ledi mbi wu shi gu zola gu pidu dangu di ga duhegi ndungi diootsu, ¹¹ Nzambi wu du sodi mu gu gala baadu bandi mu gimvuga ye Kidishidu,mudiambu bu ga gani bwoobuna yandiga luyandigu,haa Nzambi ga hangaga mapandi mootsu bwoona bwedi mabanza mandi ye luzolu lwandi, ¹² bwoona pidu baadu ba tegu mu gusaa mbundu gwedi Kidishidu,du hega Nzambi lugumu. ¹³ Pidu kega,dangu di yugi tsangu dji kiediga,tsangu dji pimbu,djina dji yitshi gu du hulusa,du shi mbundu gwedi Kidishidu,bwoona Nzambi ga du shi gidimbu mu gulesa mbi dwedi baadu bandi,dangu di ga du hegi muhunga wandi wuna wu ga du shidi, ¹⁴ muhunga wu gedila wuna wu lesaga mbi Nzambi bu ga duhulusa,bu ga gadula baadu bandi mu gihiga,bwoona du fani muhega lugumu. ¹⁵ Bwoona yandiga dangu nga yiyuga mbi,lusagaga mbundu gwedi Fwumu Yesu ye kega mbi luzolaga baadu ba Nzambi bootsu, ¹⁶ loo yiyambudi mu guhega Nzambi madonda mudiambu ye binu,yi lu yindulaga mu bisambu biami, ¹⁷ mi kega yi dingaga Dada wu luguimu wuna wedi Nzambi wu Fwumu wu pidu Yesu Kidishidu,mu gu duhega muhunga wu gedila,muhunga wuna wu luhega ndungi ye gu lu lela Nzambi mupila mbi lu muyaba, ¹⁸ yi dingaga kega mbi Nzambi ga gangula ndungi dji binu mudiambu lu yaba kii mapandi ma ga lu ledi mu gusaa mbundu,mudiambu lu yaba kega mbi ga shilaga kega mapimbu mavula ye lugumu gwedi baadu bandi, ¹⁹ ye kega mbi gahangaga ngolu dji vula shela mudiambu ye pidu ba kidishidu,ngolu djina djiedi ngolu dji neeni dji Nzambi gahangidi djiedi dji Nzambi ga hangidi. ²⁰ Mu dangu di ga shamugishi Kidishidu mu lufwaa ye dangu di ga mlushigumushi gu googu diandi di gibagala,gu yilu, ²¹ gwoona Kidishidu ga yalaga bawadjio bootsu bana bedi ye giyega gi pila ye pila,ga yalaga kega madjina mootsu maneeni,loo mbi dangu diadi,haa ye dangu digwitsa. ²² Nzambi wu shi bima biootsu gu mashina ma biganzu bi Kidishidu,wu shi Kishidu mu gu gala mudu wu dibundu,mudiambu ga yala bima biootsu, ²³ dibundu dina diedi luudu lu Kidishidu,wuna wu lungishi mapandi mootsu mu ndambu djiootsu,yandiga yilu ye manu.