¹ He Pevi ya sendidi Yesu mu mwangu ku thothu ya huma kikuma dyabulu endi kumumeka. ² Kyela waleka kudya matshiku makumi mawana; ni phipha makumi mawana, wevidi nzala. ³ Dyabulu wakokulukidi, waleza: "Yivwa wudi mwana wa nzambi, akula kudi mayala ama malumiki mapha. ⁴ Kashi Yesu wa mu vutudidi: "Medi makusonika: muthu kendoku kujingila kaka mapa, kashi wenda kujingila ndaka yenda kuwudika mu ndaka ya nzambi.'" ⁵ He Dyabulu wa musenda ku vidi dya longu, wa muninisa ha yangi dya nzu ya Nzambi, ⁶ wa mulezidi: Yivwa wudi mwana wa Nzambi, lela wendi kubwa hashi, kikuma masonama etsi, Nzambi waka leza awanjio jenji eji ku mu mwaka ha mokhu mowu, miendu myeyi mileki kudibula ku mayala. ⁷ Kashi Yesu wa mu vutudidi: Medi makusonika etsi, ayi wa lungidiku kumeka Fumu weyi, Nzambi. ⁸ Dyabulu wa musendidi ephi ha mundonda wulaha kamu, wa muleza yifumu ya hashi yoshu, ni lukumu lwoyi. ⁹ Mweni wa muleza etsi," Nyaka kuhwa nayi yoshu yivwa wa kumbula kufukimina ami." ¹⁰ He Yesu wa mulezidi: Katuka, Satana! Ya sonama etsi," Wu feti kufukimina kaka Fumu Nzambi weyi, wu feti ku muhangila kaka mweni. ¹¹ Kumanima he Diabulu wa leka, awandjio ejidi ayandjika ku mu hangila. ¹² Tangwa dyevidi Yesu etsi Yowani amusya mu boloku, mweni wakatukidi waya ku Ngadidi. ¹³ Wakatukidi ku Nazaleti waya kukhala ku Kapelenahum, vidi dyakhedi mukhulu dya jiya dya Ngadidi, mu thothu ya Zabuloni ni Neftali. ¹⁴ Moshu mahangimini kyenekina mu kulungisa makudidi mbikudi Yesaya: ¹⁵ Thothu ya Zabilon ni thothu ya Neftali, penapena ni Jiya, mu sambwa dya Yolodani, Ku Ngadidi mu thothu ya apani. ¹⁶ Enu athu nudi mu katshi ka phipha, nu kumona kyeji kya ngolu. Awana edi mu katshi ka phipha ya ngolu, kyeji kikuwa kyenzula." ¹⁷ Yanjika tangwa mwenedina Yesu wa yanjikidi kulonga ni kwakula:" balulenu mitshima myenu, kikima kifumu kya Nzambi kidi kadi mu katsi kenu. ¹⁸ Tangwa dyakhedi kuhita mukhulu dya jiya dya ngadidi, mweni wa mweni athu mbadi akhedi kulowa ashi, Simoni wakhedi kutambika Petulu ni pangi enji Andela. Akhedi kuta mawanda mu jiya, kikuma akhedi adihana mu kulowa. ¹⁹ Yesu wa walejidi: "Yizenu, ngu labenu ami, ni ku nwinikhinisa alowi ja athu." ²⁰ Mumbala yimoshi akongidi mawanda, aya kumulaba. ²¹ Tangwa dya katukidi henahana ni kwenda, wa mweni ephi athu mbadi, mbuta ni kalengi, Jaki mwana wa Zebede ni phangi enji Yowani. Akhedi owu mbadi ashikama mu katshi ka watu ni tata owu Zebede. Mweni wa watambikidi, ²² mu mbala yimoshi, ashishidi watu ni tata owu, aya kumulaba. ²³ Yesu wakhedi kukiba mu thothu yoshu ya Ngadidi, ni kwenda ni kulonga mu manzu ma yisambu, ni kutendula tsangu ja kifumu kia kuhulu, wakhedi kuwuka akhashi apila ni pila, ni kuzangulusa Yikata. ²⁴ Tsangu jenji ja mwanginini tii thothu yoshu ya Sydiya. Kyenikyoki akhedi ku mu nehina akhashi lawu aphila ni phila: athu akhedi azala ni phevi ja bola, ekha akhedi kukonya, ni akwa bukabuka. Yesu wakhedi ku wawuka. ²⁵ Athu lawu akhedi ku mulaba, akhedi kukatuka ku Ngadidi, ku Dekapoli, ku Yeluselemi, ku Yudeya , ekha mu sambwa dya Yolodani.