¹ Buntwene, betu ntwene ye ngolo ntwu ba monga bana bazonga, tu kadiku kaka kitoko kwe betwetu. ² Konso muutu kasongila lutondu kwe mpangiandi mu mambu ma bunkete, mukusia kan'longa. ³ Saamu ata Kristu phe kakaloko kitoko kaka samu di yandiene; kassi piila masonama:" kukonda luzitu ku bana berka kutukuna kweka bwa kwe mene." ⁴ Saamu mana masonama kuntwala maakulu, masonama saamu di kutu longa, Mukusia na mukulepika mbundu, ye ekuhanasana kieksa mu masonama ma santu, tukala ye kuwila bakwenu. ⁵ Buntwene, Nzaambi wu lepika baatu mbundu phe hanaka kiekesa kwe muutu wakulu ka luheka mukusia lukala ye ngindu mosi benu kuulu benu ye benu mu kati di Yezu Kristu. ⁶ Mukusia na ye ngindu mosi lukala phe n'wa mosi muku n'kumisa Nzaambi taata Pfumuetu Yezu Kristu. ⁷ Hakana, luyambana benu ye benu buna kaluyamba Kristu samu di lukumu lu Nzaambi. ⁸ Yeka hoya kristu ban'sala nsadi fweti yotusa munzila masonga ma Nzaambi, mukusia makukisama bilashi bi kasala kwe ba taata. ⁹ Mukusia na ba bakonda ba Zuifi ban'kumisa Nzaambi saamu di kufwa n'kenda. Hakana masonama: "Yikuheka lukumu hana kati di babeku ba Zuifi phe yi ku heka n'kembu ye mikunga mi kitioko mu zina di ngeyi." ¹⁰ Masonama phe: "Lumona kiesi benu lukonda ba Zuifi, ye baatu bandi." ¹¹ Phe dihuika: "Lukumisa Nzaambi, benu kulu baatu bakonda ba Zuifi; Baatu baakulu ban'kumisa Nzaambi." ¹² Ezayi hoyi dihika: "Mulubuka mukikanda ki Jessé muutu mosi balosa katelema mukusia ka yala baana bakonda ba Zuifi. Baba konda ba Zuifi babanda wila phe kutambusila." ¹³ Nzaambi wukwa nkenda kaluheka kiesi ye ngemba mukusia lukwikila, mukusia lubasa ye ngolu zi mpeve santu. ¹⁴ Phe ye yekusukisama ku mbundu mu mambu ma benu, ba mpangi. Ye kibenu ye kusukisama ku mbundu sammu lubesa kusala mamboti, ye mazya maakulu, phe lufwene ludi longa benu ye benu. ¹⁵ Hakana, yeka lusonikina ye kikesa kiekulu mu mambu matadidi bima buhika saamu yi luyibukisa diaka, mu kabu di ba mpeka kwe Nzaambi. ¹⁶ Kabu dina dikala mukusia yi kala nsadi yezu Kristu wuka tumu ku bana bakonda ba Zuifi, muku baheka neti n'tambiki kimenga m'samu bunkete wu nzaambi. Yisala bwo mukusia makabu ma bana bakonda ba Zuifi Nzaambi katambusa mo, mahanama mukimpeve. ¹⁷ Hakana, Lukumu lu mene lwe kwe yezu Kristu munzila bima bi Nzaambi. ¹⁸ Saamu yi kotisoko kima kihika, katula mana ka kukisa Kristu mukati di mene mukusia kanata bana bakonda ba Zuifi mu kulemvuka. biene bima bikukisami mu ndinga ye mu bisalu. ¹⁹ Mu ngolu zi bidimbu ye mu mambu makuyituka, mu ngolu zi mpeve santu. Saamu mambu ma makala mukusia na yandika Jerusalemi phe ma hata ma kitini ki yandi tii kuna hata di Illyrie, yi yadingisa tsangu zi Kristu. ²⁰ Bwabuna kiesi kimene kikala yi teya tsangu zi mboti, mana keku hana ban'zeye Kristu ye zina, mukusia yi tungiku hana katunga n'kweno. ²¹ Bwosu masonama: "bana bakonda wa tsangu zi yandi ba mona, bana bakonda wa bazaya." ²² Hakana, yikukaku mbala zingi yisa kwe benu. ²³ kaasi buntwene, yeku ye huma ata hamosi mu kiziunga kina phe ye kazola yandi mvula zingi yenda kwe benu. ²⁴ Hakana, hana yi kwenda ku Espani, yi sepila yi lumona mukuhioka, phe luntuma benu, kunima kusepila buna tukele huma mosi ye benu mu mwa ntangu. ²⁵ Buntwene yele ku Jerusalemi saamu yi saadila bana bekuna. ²⁶ Saamu dikala kiesi kingi samu di Macedoini ye Ashayi ba kutikisi bima saamu di ba mputu ba basambilaka ku Jerusalemi. ²⁷ Eh kikala kiesi kibawu, phe mu masonga, Nzaambi kaba futila bio. Saamu na ba bakonda ba Zuifi bakoti mu mambu ma Nzaambi, ba fwetio baheka phe bima bi tsi n'toto. ²⁸ Bwabuna, na mbanisi maakulu ma phe mbene mbuna yi bawu, yi kala kwe benu mu nzila ku kwenda ku Espani (Espegne). ²⁹ Nzeye hana yikwisa kwe benu, yikala wu basa ye lusakumuku lu Kristu. ³⁰ Buntwene, yeka lu longa, ba mpangi mu zina di Pfumuetu Yezu Kristu phe mu lutondu lu kimpeve mukusia lu nwana ye mene mu bisambu kwe Nzaambi. ³¹ Lusambila yi bikisama kwe bana bakonda lemvuka ku Judée, phe kisalu ki mene ku Jerusalemi batambusa kio bana ba kwikilaka. ³² Lusambila yi kuma kwe benu ye kiesi mu luzolo lu Nzaambi, phe tubaka ye benu ngemba. ³³ Nzaambi ngemba kakala ye benu kuulu. Bwabuna.