¹ Luyamba baatu ba bene ba lemba mu lukwikilu, mana lubasambisiku na. ² Muutu lukwikilu kadia bima biakulu, wuna wuhika wu wene wu zonga kadiaka n'lengi. ³ Wuna diaka bima biakulu kan'tukuniku wuna konda dia bima biakulu. Phe wuna diaku bima biakulu kan'sambisiku wuna diaka bima biakulu. Saamu Nzaambi ka yamba. ⁴ Na wene, nge weka sambisa nsadi Nzaambi wu wene kwe muutu hika? Na katelema na lo kabwa, matadi pfumuandi. Yaba na katelema; Samu pfumuandi ke ye ntangu yi kutelemasa. ⁵ Muutu kahanaka mfunu wingi ku kilumbu ki mosi ki ntangu yi kene ku hioko kilumbu yi ntangu hika. Muutu hika keke hana kwe biakulu mfunu piila mossi. Konso muutu kakala ye kusukisama ku mbundu muna ngindu zandi. ⁶ Wuna weka keba bilumbu saamu di Pfumu keka sala bwo, Saamu keka kumisa nzaambi. Wuna konda dia, kabusi kudia saamu di nzaambi; keka kumisa phe Nzaambi. ⁷ Saamu hankatu muutu mukati di betu zinga samu di yandiene, heku phe muutu fwaka saamu di yandiene. ⁸ Saamu na ntweka zinga, saamu du pfumu ntweka zingila; phe na tu fwidi tu fwidi saamu di Pfumu, twene baatu ba Pfumu yezu. ⁹ Saamu kiakina kikuma ki kafwila phe kabuki mu luzingu, mukusia na kakala Pfumu phe mbala mosi ku bafwa ye ba beka zinga. ¹⁰ Ngeyi, saamu di nki weka sambisa mpangiaku? Ye ngeyi saamu di nki weka n'tukuna mpangiaku? Saamu beetukulu tukwe samba kuntwala Nzaambi. ¹¹ Masonama: "Binkoso biakulu bifukama kuntwala mene, phe muutu waakulu kan'heka n'kembu ye lukumu Nzaambi." ¹² Hakana, konso mutu kafuta masumu mandi yandiene kwe Nzaambi. ¹³ Kutsuka tudisambisiku betu ye betu, kasi tuyukana bwabu, keeku muutu kakala nzila yi kunatina masumu n'kwenu to kasila bakwenu mitambu. ¹⁴ Yekatambusa kwe Pfumu Yezu, na heku ye kima ki sumuka mukiwene, Hambula, samu di bana bamonaka kima ki hika neti kisumuka; saamu di yandi kwene phe kimbi kisumuka. ¹⁵ Na samu di matongo mpangiaku n'tukuni, hana weka kangaloko ye lutondu. Hondiku ye matongu ma ngeye muutu wu kafwila Nzaambi. ¹⁶ LMu haniku n'swa na bisalu bi benu bi bunkete bikuma kisakananu kwe baatu bahika. ¹⁷ Saamu ki Pfumu ki zulu, kieku ku dia ye ku nwa, kaasi masonga, ngemba ye kiesi munzila mpeve santu. ¹⁸ Saamu wuna weka n'sadila Kristu mu piila yina kene wu bunkete ku mesu ma Nzaambi phe ba tambusi baatu. ¹⁹ Hakana, tusala bima bine bieka tunga ngemba, phe bina bieka tu tunga betu ye betu. ²⁰ Luhondiku kisalu ki Nzaambi saamu di bima bi kudia. Mu bwabuna, bima biakulu biene bi bunkete, kaasi keku kitoko saamu di muutu wuna weka dia, kabwa mu masumu. ²¹ Bwebu kitoko kukonda kudia mbishi, ata kunwa malafu, to bima bihika bibi neete mpangiaku mu masumu. ²² Mwa lukwikilu lu ngebu hika luna we lwawu, sweka saamu di Nzaambi ye ngeyene. Sakumuka ngeyi wuna difundaku ngeyene mu mana katambusaka! ²³ Wuna kala ye kumeta-meta kabaka ndola na kadia, Saamu kumeta-meta ku katukiku mu lukwikilu; phe kima kiakulu ki katukiku mu lukwikilu kiedi disumu.