¹ Konso muutu ka lemvuka kwe bapfumu baandi, saamu hankatu kipfu kitukaku kwe Nzaambi. Phe bibiene buntwene bituki phe kwe Nzaambi yandi wusala bio. ² Hakana wuna lemvukoko mu kipfumu kina keka lemvu koko phe kwe Nzaambi; bana bazola kioku basambisama kwe Nzaambi. ³ Saamu ba pfumu beeku samu di bangisa bisalu bi bunkete. Lweka zola lu babangiku ba pfumu? Lusala mamboti mana ba lukumisa samu di mawu. ⁴ Saamu kakuma n'sadi Nzaambi saamu di mamboti menu. Kaasi na lukwesadi mambi, lukala ye kubanga; Samu keku kikuma ki tsaka ba baheka n'swa wuku hana ndola. Kene nsadi Nzaambi, yandi kabusa mbela kwe basadi mambi. ⁵ Hakana lufweti lemvuka, keku kaka samu di ndola, kaasi muna mbundueni. ⁶ Kikuma ki bwabuna phe lufutilaka mpâku. Saamu bapfumu bene ba nsadi ba Nzaambi, bawu batalaka mambu mana konso ntangu. ⁷ Luheka konso muutu kina kiandi: Mpâku kwe m'futisi mpâku, yi ba futa munzila phe hana bafutila yo; banga wuna fweti banga; lukumu hana kwe wuna fweti hana. ⁸ Luhaniku kima kwe muutu, kaka kuzolana benu ye benu. Saamu wuna zola mpangiandi, yandi kukisi mitsiiku. ⁹ Saamu: "Saloko kindumba, Hondoko muutu, yiboko, kadiku bizola-zola," na hene phe ye n'tsiiku hika, kene mukati di n'tsiiku wandu: "n'zola n'kweno bwoso dizolaka ngeyene." ¹⁰ Lutondu lu lwadisaku mpangi. Hakana, lutondu kwe kukukisa mitsiiku. ¹¹ Samu di mambu mama, luzeye ntangu, ntangu yikuki mukusia luvumbuka ku kiilu. Saamu buntwene, kubika ku betu ku kumi beela-bela natu kwikila mu luyandiku. ¹² Piipa yi mpusani, bilumbu bikumi beela-bela. Lusia ku nkaala bisalu bi mumpipa, tuvuata bitaninu bi miesi to masonga. ¹³ Tu kaala buna bufwene, yaba mukati di bilumbu, keuku mu kulawuka malafu ye ma feti makonda m'funu. Tukangadiku mukusala bima bimbi yaba bwifi, bungumba, kindumba to bizola-zola, keku phe mukimpala ye kimbeni. ¹⁴ Kaasi luvuata Pfumu Yezu, luhaniku ntangu mun'suni ye ba mpusa zandi.