¹ Kilumbu ki ntete ki poso, Madiya Magdala we tala maziami muna kibungi, mana kukele diaka ye mwa kipipidika; ye mwene na tadi dikala mulukalu di maziami. ² Vudi ntinu kwe Simoni piele ye ku ba longoki ba hika baka zodi Yezu, ka ba kambaka na: bakatudi maziami ma Pmfumu, ye tweke zayako kwe basidi dio. ^{4 3} Piele ye longoki wu hika ba lubuki, ye bele ku maziami. 4 vudiki ba bole mukimvuka. Mana longoki wu hika kavudiki ntinu zingi kuhioka Piele, han ba tudi ku maziami, ⁵ kukala ku kukulumuka, ba mwene mavunga makala ha mafu, mubwabuna bakotiku. ⁶ Simoni piele, wukala n'landaka, kumi ye koti mukadi di maziami; mwene mavunga hana mafu, ⁷ ye mana bashidi ku ntwa yezu, bieku kizika kimosi kansi basidi bio mulukalu. ⁸ Mubwabuna longoki wu tudi wu ntete kumaziami, koti phe; ye mwene, ye ngani. ⁹ Mudiambu baka zayako na, buna ba sonika, Yezu kafwete futumuka ku bafwa. ¹⁰ Ye ba longoki bakabuki ku nzo bawu. ¹¹ Mu bwabuna Madiya kakala kunzila bele-bele ye maziami, ye kudilaka. Sambu ka didiki, Niekisi n'twa muku tala kumaziamu, ¹² ye mwene ba wanzion bavwata milele mikaseme, bazakadiki ha basidi lutu lu yezu, mosi ku n'twa, ye mosi ku malu. ¹³ Beka ba kamba: N'ketu, sambu diki weka dila? Ka ba hele mvutu: sambu ba katudi Pmfumu mene, ye nzeyeko kwe ba n'sidi. ¹⁴ Muku hoya buna, kabuki, ye n'mwene Yezu telemiki; ma kazeyeko na kukala Yezu. ¹⁵ Yezu n'kembe: N'ketu, sambu diki weka dila? Na weka dinga? Yandi, keka zaya na kukala mutu wusalaka mu ma samba, ye ka n'kambaka: Pmfumu, na ngeyi n'neteke, nkamba kwe n'shidi, yi kwe n'monga. ¹⁶ Yezu n'kembe: Madiya! Baluki mbala mosi, ye ka n'kambaka mu ndinga bawu: Rabbouni! kisongidila, Pmfumu! ¹⁷ Yezu n'kembe: tsimbiku; mudiambu yendieku kukwe tata mene. Mana nda dinga ba mpangi ba mene, ye bakamba na yele kukwe tata mene, tata beno, kukwe Nzambi Nzambi mene ye Nzambi benu. ¹⁸ Madiya de Magdala we songila ba longoki bandi na kamwene Pmfumu, ye ka n'kembe mambu. ¹⁹ Mu mashika ma kilumbu kina, kiku kala kintete ki posa, bwelu biki zika ki kala ba longoki ba Yezu biku kasa, sambu di boma bala kiadiawu di ba Juifs, yezu wisi, di songidi hana kati-kati dibawu, ye ka ba kambaka: ngemba yi kala ye beno! ²⁰ Ye hana kahoyi bwabuna, basongidi moko mandi ye luhati. Ba longoki ba kumi n'kiesi muku n'mona Yezu. ²¹ Yezu ka ba kambaka mbala yi zole: ngemba yi kala ye beno! Buna ka ntuma tata, mene phe yeke lutuma. ²² Kumanima mambu mana, bahitikidi mphembe kwe bawu, ye ka ba kambaka: lu tambula mpeve santu. ²³ Bana lu lolula masumu, masumu ma baloluka; ye bana lubusa, maba lolukoko. ²⁴ Thomas, wuba tediki Didyme, mosi wuba longoki, kakala hoko hana kaluba Yezu. ²⁵ Ba longoki ba hika ba n'kembe: tun'mwene Yezu. Mana yandi ka ba kambaka: Na mbweneko moko mandi muna ba n'bula tsoso, ye na tsidi n'lembu mene huma hene, ye na tsidiku koko di mene muna luhati lwandi, yisaloko ku tambusa. ²⁶ Bilumbu nana bihioka, ba longoki ba Yezu bakala diaka munkati ka nzo, ye Thomas kaka ho. Yezu wisi, bwelu biakulu bikala biku kasa, di songidi hana kati-kati bawu, ye ka ba kambaka, ngemba yi kala ye beno! ²⁷ Mbala mosi ka n'kamba Thomas: pusa haka n'lembu ngeyi, ye tala moko ma mene, pusa phe koko diaku, ye zasia muna luhati; mana kadiku mutu wu nkonda kwikila, mana kwikila. ²⁸ Thomas ka n'kambaka: Pmfumu mene ye nzambi mene! ²⁹ Yezu n'kembe: mudiambu mwbene, kwikidi. Kiesi kwe bana bankondi mona, mana ba kwikidi. ³⁰ Yezu kasadi diaka, hana ntwala ba longoki bandi, bidimbu biankumbwa bingi diaka, ba konda kusonika mu mikanda. ³¹ Mana bima bina ba sonika sambu lutambusa na Yezu kene Krsitu, mwana nzambi, ye muku kwikila lu monga luzingu muzina di yandi.