¹ Bwabuna Mpilatu m'longi Yezu, n'budisi miswani. ² Ba suta batungi mpu tsaku ba tuludi yo ha n'twa, kunima bavuatisi kazaki; ba mpusani belabela ye yandi. ³ Bakala hoya: mboti Mfumu ba yuda! phe beka n'heka kima ki mpepe. ⁴ Pilatu lubuki diaka, phe hoyi kwe ba Yuda, lutala yilu natini yandi kunzila, mukusia na luzaya mbweneko diambu kwe yandi. ⁵ Yezu lubuki, ban'vuatisiki mpu yi tsaku ye kazaki. Phe Mpilatu kaba kambaka lun'tala Mutu. ⁶ buna ban'mwene ba longi ba mitsiku ye ba kengidi kielu, ba yandiki ku yamuka: kafwa, kafwa! Mpilatu kaba kambaka: Lun'monga benuenu lwe honda, sambu mene mbweneko diambu dimbi kwe yandi. ⁷ Ba Yuda ba kan'kabusidi mvutu: ntwene ye mitsiku, phe mu mitsiku mina kafeti fwa, sambu yandi wudi kumisa mwana Nzamb. ⁸ Mpilatu buna kawidi buna, kubanga ku yandi kutombuki. ⁹ Kabuki ha kiti ki kisambisilu, phe n'kembe Yesu: Wene musi n'ki hata? mana Yezu kahanoko mvutu. ¹⁰ Mpilatu kan'kamba: kwe mene weka hiyoko, kwa zayiku na mene yene ye kimfumu, mfuene yiku honda na lo yiku yambudila? ¹¹ Yezu kan'kabudila: weku ye kimfumu kimosi kuntwala mene na kitukiku ku zulu. hakana wuna ntambiki kwe ngeyi kasadi disumu di mbuta. ¹² Yandika kilumbu kiakina, Mpilatu kakala sosa kan'yambula. Mana ba yuda bakala ngana: na wu yambula, weku kamaladi di Cesari. ¹³ Mpilatu buna kawudi mahoya mana, n'nete Yezu kunzila, phe zakadi hana kiti ba zusi, hana batela Pavé, muki hébrayi Gabbatha. ¹⁴ Dikala bilumbu bi bayidikaka n'kinzi Mpaki, mu ntangu sambonu. Mpilatu kahoyaka kwe ba Yuda: Lu n'tala Mfumuenu. ¹⁵ mana bayandiki ku ngana: lun'honda, lun'honda! Mpilatu kabakambaka: Yin'honda Mfumuenu? Ba nganga ba mitsiku bakabusaka na: ntwene kaka ye Mfumu mosi César. Bahele yandi mukusia ben'honda. ¹⁶ Ba n'mongi yezu bele yandi. ¹⁷ Yezu, ka kwe nati kulunzi diandi, kumi ha kizika ki bi benga bi n'twa, kina ba tedi mu ebelo gologata. ¹⁸ Ha kana ba n'baki ha kulunzi, ye batu bola belebele ye yandi, mosi mosi mu ma lweka moso yandi ha kati ¹⁹ Pilatu sonika bisona bi mosi, bi ka siidi ha ntadu kulunzi, ye bina bisonami : Yezu wu nazaleti, Ntotila wu ba yuda. ²⁰ Ba yuda bingi ba tangi bisona bina, mu diambu kizika ki ma n'tambikidi Yezu ki kala belebele ye mbanza: bisona biene bi kala mu ki ebeleyo, mu ki geleke ye mu ki latani. ²¹ Ba mbuta zi ba nganga nzambi ba ba yuda ba hoyi kwe Pilato: Ntotila wu ba yuda. Mana sonika ne ka hoyi: Yene ntotila wu ba yuda. ²² Pilatu kabusi mvutu: Mana tsoniki, yi masonikiki. ²³ Ba mbwedi, ku nima di ku n'koma Yezu ha kulunzi, ba mongi milele mi yandi, ye ba tabudi mu bitini biya, kitini kimosi samu di konso mbwedi. Ba mongi phe mvwele yandi, yina yi kala yi konda ku tunga, ntungidi mosi tuuka ku ntandu tii ye muna banda. ²⁴ Phe ba hoyi bawu ye bawu: Ntu yi baakiku, mana ntu budila yo zeki wuna nunga yi kala yi yandi. mambu mana masalami kikuma ne di lungisama disonamu : Ba kabani milele mimene, ye ba budidi zeki mvwele mene. Tala mambu ba sadi ba mbwidi. ²⁵ Belebele ye kulunzi di Yezu ha kala ngudiandi ye phangi ngudiadi wu nketo, Madiya, n'kheto keleyopasi, ye Madiya wu mangandala. ²⁶ Yezu, Ha ka'mwene ngudiandi, phe belebele ye yandi, n'longoki wu kazodi bwingi, hoyi kwe ngudia'ndi: N'kheto, tala mwanaaku. ²⁷ Phe hoyi kwe n'longoki: Tala ngudiaaku. ye, tuuka tangu diadina, n'longoki 'nete madiya ku nzo yandi. ²⁸ Ku nima di mambu mana, Yezu, wuu kala zayaka ne pfundu bawu ba dikasila, hoyi, mu kusia ne disonamu di lungana: Yene ye nzala mamba. ²⁹ Ha kala ha kana ye kikasu ki malafu ma khadi. Ba mbwedi ba basisi lasuba hana mwa matelaawu phe ba kasi ku n'ti ye ba n'twiki ku 'nwa. ³⁰ Mu tangu di ka nwini Yezu maziene, hoyi: Maakulu ma lungami. Ye lewudi tsingwandi, kabusi pheve kwe nzambi. ³¹ Mu booma ne zi mvumbi zi saala ha kulunzi kilumbu ki bisambu, mu diambu ba kala mu ku yilama, ye kilumbu kiakina ki bisambu ki kala kilumbu ki kiesi, - ba Yuda ba lombi n'swa kwe Pilatu samu ba tolula malu ma zi mvumbi zi ba komi ha kulunzi, ye ba bakatudi ha kulunzi. ³² Ba mbwedi bisi diaka, ba toludi malu ma mwifi, ti ye malu ma n'loki. ³³ Ha ba phusani ye Yezu, ye buna ba'mwene wu fwa, ba n'toludiku diaka malu; ³⁴ Mana mosi ha kati di ba mbwedi n'tubudi lu hati ku di toma, ye mbala mosi yezu lubudi meenge ye maamba. ³⁵ Wuna wu'mwene ka teele kimbangi, ye kimbangi ki yandi kiene masonga, mu kusia ne lu kwikila phe. ³⁶ Bima bina bi salami, mu kusia ne masonamu ma lungisama: Ha khatu ki kudi ki yandi ki toluka. ³⁷ Ye kuma ku hika masonamu ma hoyi diaka: ba'mona wu ba tubudi lweka ku ditoma. ³⁸ Ku nima mambu maama, Yozefu n'kwa Adimateyo, samu ka kala n'longoki Yezu (mana mu ku swama ki kuma ki boma bu ba yuda), lombi n'swa kwe Pilato wu ku nata mvumbi Yezu. Pilatu n'hele n'swa. mana, Yozefu wisi phe neete lutu lwandi. ³⁹ "Nicotemi, phe wisi, yandi wunda n'tala phipa mosi. N'natini masi ma mila ye masi ma alowe kiteso ki kilo khama mosi. ⁴⁰ Ba mongi mu bwana lutu lu Yezu, ye ba m'phiti bitendi, ye mananasi ma tsudi, bwoso bwene bu khaka bu ba yuda mu ku zika. ⁴¹ Mu kutala, ha kala ye masamba hooma ba tambikidi Yezu, ye ha masamba ha kala ye maziamu ma pha, ma ba koonda sia mutu. ⁴² Ha kala haakana ba n'tuludi Yezu, kikuma ki kuyilama ku ba yuda, mu diambu maziamu makala belebele.