¹ Kunima di mambu mana, Yezu di songidi diaka kwe ba longoki, muna bele bele nzadi Tibériade. Ye tala mukipila kadi songisi. ² Simon Piele, Thomas, batedi Didyme, Nathanayele ku kana mu tsi galila, bana ba zebedi ye ba longoki bole ba Yezu bakala kizika kimosi. ³ Simon Piele ka ba kambaka: Ye loba mene. Bawu pe ba n'kembe na: tu kwenda ye ngeyi. Ba lubuki ye ba mete mu bwatu, ye mu bipa yayina, ba kweto keti mbisi mosi. ⁴ Ha kunkiele, Yezu tudi ku nzadi; ma ba longoki ba zeyeko na Yezu wu. ⁵ Yezu ba kembe na: bana, lweko ye kima kikudia? Bawu bakabusi: lokwetu. ⁶ Ba kembe: lulosa bukondi ku ndambu dikoko diki yakala di bwatu, ma lumona. Ba losi bwo; ye ba kukoko kutombula, sambu di ba mbisi bakala mu bukondi. ⁷ Longoki wu kazodi Yezu n'kembe piele: wawu Yezu, ye Simon Piele, buna ka wudi na wu Yezu, vwete milele miandi ye n'kaba, sambu ka kala kikonga, we dilosa n'mamba. ⁸ Ba longoki ba hika ba nete bwatu, kuna beka benda bukondi bu basa ba mbisi, sambu ba kalako kiana kingi ye mafu mukiteso ki kama zole. ⁹ Buna ba tula ku mafu, bisa wana nkuni ba lemisiki, ba mbisi basidi kuzulu, ye mapa. ¹⁰ Yezu ba kembe, lwisa nata ba misunza ba lukwete. ¹¹ Simon Piele mete mu bwatu, ye bendi bukondi ha mafu dibasa ba misunza muki tesu ki kama mosi ye maku matanu ye tatu di minzuka mimbuta mbuta; ye ata ba kwete minzuka mingi, bukondi bu tabukoko. ¹² Yezu ba kembe: lwisa, lwisadia. mana kweku ye longoki uhuidi na wena nge? Musia bazaya na Pmfumu yezu wu. ¹³ Yezu pusani, mongi mapa, ye ba hele; kasadi mpila mosi ye minzuka. ¹⁴ Ku kala mbala yi tatu Yezu muku disongisa kwe ba longoki bandi tuka buna ka futumuka mulufwa. ¹⁵ Kunima kumanisa kudia, Yezu n'kembe Simoni Piele: Simoni, mwana Yonas, nzolaka kuhioka batu baba haka? Simoni kabusi mvutu: eeh, Mfumu, zeye na yikuzolaka. Yezu n'kembe: badisa mboti bana baama ba n'koko. ¹⁶ N'kembe diaka: Simoni, mwana Yonasi: nzolaka? Piele n'kembe: eeh, Pmfumu, zeye na yikuzolaka. Yezu n'kembe, ba disa ma meme ma mene. ¹⁷ Yezu n'kembe diaka mbala yi tatu: Simoni, mwana Yonasi, nzolaka? Piele widi kiadi sambu ka n'kembe mbala yi tatu: Nzolaka? Ye n'kembe: Pmfumu, zeye mambu makulu, zeye na yiku zolaka. Yezu n'kembe: disa ma meme ma mene. ¹⁸ Mu masonga makulu yeke kukamba, ha ukala ngunza, wudi longiki ngeyene, ye uyeleke ku zodiki; ha kuma n'nunu, tandula moko maku, ye mutu hika bamba kunata kuna zodi ngeyi. ¹⁹ Ka hoyi mana makulu sambu di kusongisa kipila Piele ka bamba n'kumisa nzambi. Ye ha kahoyi bwa buna, n'kembe na: za ndanda. ²⁰ Piele, kamongi kabuki, mwene beke kwisa kumanima ma bawu longoki wu kazodiki Yezu, wu ukala, ha badidiki, kayekamiki hana tulu Yezu, ye kahoyi: Pmfumu, na wu kuheka? ²¹ Muku n'mona, Piele n'kembe Yezu: wandu wu, Pmfumu, ki bi n'kumina? ²² Yezu n'kembe: na nzodi na kakala ti kuna yikwisa kabuka, makutadi? Nge, landa mene. ²³ Hana ba kala, makelele mayandiki ku ba mpangi mbandi na longoki wu kafwoko. Kinga lo Yezu ka n'kembeko Piele na kafwoko; ma, na poyi kakala yekuna yikabukila, nge makutadi? ²⁴ Longoki weka ta kimbangi ma mambu mana, ye yandi usonika mo. Tu zeye na kimbangi kiyandi kiena ki masonga. ²⁵ Yezu kasala mambu mingi, na makulu tu sonikani mo, tambusiku na tsi yayi yi kakuka kusweka mikanda miakulu ba sonikiki.