¹ Nga jiya gu zwela ndinga jia athu nga ndo jia ba wanjio, uvi gula ngu shi nu gu tshigina go, gu zwela gwami gwa fwanana nu makelele a ngunga inyi ya nu haga makelele a vula. ² Tangwa mba ngu khala nu makapho a gu jiyisa sango ya Nzambi, nu ndaga jia gu jiya ndaga jia giswegi, tangwa mba ngu khala nu lukwikilu lwa gu katula milundu, gula ngu shi nu gu tshigina go, ngu di gami muthu wa phamba. ³ Tangwa mba ngu hana ima yami ikima gwa athu wanyi a konda ima, ata nga hana mwila wami ha gu shidila mu tshiya, gula ngu shi gami nu gutshigina go, ishi nu funu go. ⁴ Gu tshigina gudi gu kanga mutshima nu gu bonga, gu tshigina gu shi nu gingonzo go, gwa nu di zalula go, gu shi nu lulendo go, ⁵ to gu shi mu kita ndaga jia sonyi go. Gwa nu kamba kaka mambote enji go, gwa nu vwa khabu go, gwa nu swega ndaga jia bola go. ⁶ Gwa nu vwa go kiese mu ndaga jia konda masonga, gwa nu vwa kiese gu ndaga jia kielega. ⁷ Gu tshigina gwa nu lolula, gwa nu kanga mutshima nu gu haga mutshima. ⁸ Gu tshigina gwa nu suga go. Gu jiyisa sango jia Nzambi mba gudi mu balega, gu zwela ndinga mba gu mu suga, gu jiya ndaga mba gudi mu balega. ⁹ Mukunda ndaga ta nu jiya jidi kaka ga ndambu phamba, sango ya Nzambi tu di mu jiyisa idi kaka ga ndambu phamba, ¹⁰ uvi tangwa ndaga jinyi jidi jia lunga mba jidi mu za, ndaga jia ga ndambu phamba mba jidi mu tota. ¹¹ Tangwa nga khalele nga mona mutumba, nga khalele mu zwela mu gi mona mutumba,gu yindula mu gi mona mutumba. Uvi haha ngu di nga mbuta, ima ya gi mona mutumba ikima nga i haga mu lwega. ¹² Thala-thala ya nu tu salesa ha gudi tala gu meso mu phila ya bwiyila, uvi tangwa didi mu za mba tu di mu tala gi mona meso. Lulu ngagi, ndaga ngu mu jiya jidi ga ndambu phamba, uvi tangwa didi mu za mba ngu mu jiya ndaga jikima mwa bonga-bonga. ¹³ Uvi lulu ngagi, gwa bega ima itatu; lukwikilu, gu haga mutshima nu gu tshigina, uvi gu ima yiyi itatu gu tshigina gwa balega.