¹ Hene muthu mumoshi wanatamegewa egi Ananias nu Safila mukajienji; wadigile ndambo ya mavu enji ² Wahetele ndambo ya falanga jiadigile mwene( mukajienji wa jiyile nji) wajile mutulula ndambo ya falanga gu malu a Apostolo. ³ Uvi phetelo udi muzuelz egi Anania, mukunda itshi Satana wazalesa mutshima waye unu guhuiga givula giabonga nu gusuega gitshinyi gia ndando ya mubando wa gilanga? ⁴ Ha giakhalele khenji gidigiwa, ya khalelego ima yaye ba? Gu ngima dia gudiwa ya khalelego yaye ba? mukunda nu itshi watangiza gima gia luholo ngenyi mu mutshima? wambilego mabo gudi athu, uvi gudi Nzambi. ⁵ Havile mwene mbimbi eyi, Anania wabuile nu wazolele muhehe nu woma wakuatele athu agasue avile ndaga yene. ⁶ Mavuala amala ajile amulangele ha milele ayile gumufunda. ⁷ Gu ngima dia makumbi, mukenji wajile nu gajiyilego ndaga ya balegele. ⁸ Phetelo wa muwambelele Nguwambele gula wadigile dihia diaye mu mubando wa gilanga. watayele egi ayi tuadigile mu mubando wene. ⁹ Hene Phetelo wa mu wambelele egi muho tshi muadivi shi gudivua gumoshi gua gu lola givule- giabonga tala ago ayi mufunda mulumi aye adi gale ha mufulo nu mbagubata. ¹⁰ Wabuile mukumbi diene dimoshi diene wazolele muhehe, nu mavala a mala ajile amusangele wagufwa, amubatele nu amufundile hehi nu mulumi'enji. ¹¹ Woma wakoma wakuatele ekelezia, ekelezia ya gasue nu agasue avuile ima yene yagasue ¹² Ijiyilo ya vula nu ndaga jiakola jiamwenegene mukatshi diawo iphuta gudi Apostolo. Akhalele a gudibungisa gu mufulo wa Solomo. ¹³ Uvi gua khalele nga nu muthu muko mumoshi wa khalele nu ngolo jia guya gudi bungisa nawo. Hene iphuta ya khalele nu guzumba gua koma ¹⁴ Mahugo avula enya gutshinya akhalele muhudishiwa gua Fumu, athu avula amala nu akhetu, ¹⁵ Hagula egi abate nu enya misongo mu jinjila nu akhalele muhagewa agubanda ha itanda nu mabugu agubanda, ndaga ya gula Phetelo wabalega givulevule gienji giajiya guvungila( gutshuiga ) ako . ¹⁶ Nomba ya vula ya athu a mu membo akoma a masamba akhalele mu mbambo ya yelusalema ajile nji mubata enya misongo nu akhalele mu sagesewa gudi ivule- vule ya bola nu akhalele agusagewa. ¹⁷ Uvi Fumu ya holu dia ako wazugile nu agasue akhalele nenji( ago akhalele akombeledi a isongo gua saduse), akhalele a gu zala pha nu iphi. ¹⁸ Akuatele Apostolo abishidile mu bologo dia athu agasue. ¹⁹ Uvi mu phipha, muanjelo mumoshi wa Fumu wazuluile ijidigo ya bologo, waazolele nu guambela: ²⁰ Ndjienu mumagane mu gikombelelo nu longesenu gu iphuta ya gasue, ndaga jiagasue jia monyo uu. ²¹ Havile ene ingenji anginyine mu gikombelelo mu gimenegena gia gasue nu gulongesa. Uvi Fumu ya holu dia ako wajile nu ago akhalele nu muene; atamegene azueleshi, nu akulu agisue a mu iphuta ya isalele, nu atumine mu kamba Apostolo mu bologo. ²² Uvi enya mbulamatadi ago ayile guene ahetelego mu bologo nu avutugile muzuela ngetshi: ²³ tuaheta gu bologo tuamona bologo didi dia gujidiga muabonga shi nu akengeledi aguhaga ha mufulo; Uvi hatuagizulula, tuahelego nga muthu mumoshi mu katshi. ²⁴ Ngenyi Fumu ya masuta a mu gikombelelo nu Fumu ya holu dia ako avile mbimbi eji, avile gubola guavula, enya gutumiwa nu enya ndanga ajiyilego; itshi ga jiya guza gu matuamena. ²⁵ Ngenyi muthu mumoshi wajile gua wambela : Athu a muambile mubologo wawa monzo ya Nzambi nu adi mulongesa iphuta . ²⁶ Luenyelu Fumu ya gikombelelo nu enya mbula matadi ayile guavutula, asageselego, ndaga ²⁷ akhalele mu lenga gusonewa guamaseso gudi iphuta ya athu. Ha ivutuile, ahagele gu tuama dia azueleshi. Fumu ya holu dia ako wasendesele guasophesa ²⁸ muzuela; tuatunyi mangololo gulengesa mu jina diedi, uvi muazalesa yelusalema nu malongo enu muatshigi gutuhaga holu dietu, mahatshi a muthu ou. Uvi petelo nu Apostolo ataye: ²⁹ Tudi naayo gutumaga gua Nzambi Uvi gua athu ndo. Nzambi. ³⁰ Nzambi ya ashetu wazugishile yesu gu gufwa, yago muashiyile, muamujishigile holu dia mutshi. ³¹ Nzambi wamukantugishile mukunda nu gukhala Fumu nu muhuluishi ha guhana gubalumuna gua mitshima gudi isalele nu gutotesa gua gubola guawo. ³² Tudi mathemua a ndaga jieji jiagasue muho umoshi nu Givule- giabonga giahanene Nzambi gudi adi gumutumaga. ³³ Havile azueleshi avile ndaga yene avile khabu jiavula nu agatshiginyine gushiya Apostolo. ³⁴ Uvi mufalase wanatamegewa egi Gamaliele: muyiyi wa mikhuala wakhalele munemesewa gudi athu agasue wazugile nu guhaga mukhuala egi Apostolo azoge ndambo honze ³⁵ nu gua wambela egi enya isalele, muteme muavula gu imudi mutshigina gutshita nu athu awa. ³⁶ Ndaga ya makumbi; Teuda wazugile nu gudihala ha gukhala na nu inomba ya athu khama jiwana adibungishile gudimuene. washiyiwe nu athu agasue akhalele gumutumaga amuanganene nu gumuvula muthu yagituhu. ³⁷ Gu ngima dia muthu muene, yudasa ya gu galileya wazugile mu hugo dia gutangewa nu gunana athu ako. muene nji watotele nu agasue akhalele gumutumaga amuangenene. ³⁸ luenyelu, gudigumiwambela; khadienu gualeha nu athu wawa nu ambienu tedie, ndaga ya gula gulendewa nga mudimo ou udi wa athu, mbaubola. ³⁹ Uvi gula yaji gudi Nzambi, mbamu abalega go: muhunguluge nji egi mudi muluisa Nzambi. Nge ahuile malongo. ⁴⁰ Hene atamegele Apostolo, awasele nu guatungisa ha guzuela luko ndaga mu jina dia yesu; nu abembele muya. ⁴¹ Azogele monzo ya azueleshi nu avile gusuanguluga ha guheta gusagesewa mukunda nu jina. ⁴² Gu ngima nga gu lusugu luagasue mu gikombelelo nga monzo nu monzo akhalele mulongesa nu guzuela lukuma luabonga masugu agasue egi yesu udi kilisto.