¹ Lususgu lunu hadivudishile alandudi a yesu; guajile gufundjiwa gudi enya yuda Helenestique akhalele mutuna enya ebelu; mukunda nu akhetu agafunda akhalelego mutalewa mu gukhaphewa gua ima ya gu lusugu nu lusugu ya gudia. ² Apostolo kumi nu muyadi atamegene alandudi avula nu guambela: ishigo ya bonga esue gu bemba ndaga ya Nzambi mukunda nu mudimo wa gukhapha ima ya gudia. ³ Tudi nayo guzola, anetu a mala; athu sambadi a luholo luabonga; aguzalesewa nu givule- giabonga nu jindunge, tuajiya guhua ginemo egi. ⁴ Gudi esue, tudi nayo guya gutuama mukunda nu gukombelela gu mudimo wa gulongesa mbimbi ya Nzambi. ⁵ Gusuela guawo guasuanguluishile athu avula, hene azolele itshenyi, muthu ya gutshigina guakoma nu guzalesewa gua givule-giabonga nu Fidipo Plokol, Nikanol, Timona, Palmena nu Nikola, muenya mudimo wa Nzambi mu Antioshe. ⁶ Enya gutshigina abatele athu ene gudi Apostolo a akombelele nu guahaga mago holu dia muto, ⁷ Ngenyi mbimbi ya Nzambi ya khalele uwenda muavula nu alandudi a yesu akhalele gudivudisa mu phushi muphushi mu yelusalema.nu nomba ya koma ya mafumu a holu dia ako akhalele mutumaga gugutshigina. ⁸ Hene Itshienyi yaguzalesewa nu khenda jia Nzambi nu jingolo wa khalele mutshita ndaga jia gushimana nu ijiyilo mukatshi dia iphuta. ⁹ Uvi athu ako akhalele enya ikombelelo a khelele mu tamegewa egiu, ikombelelo ya athu ashigo nu mikhuala a gu Silene nu athu a gu Alekandele nu athu ako a gu shilishi nu gu Azia, avile jikhabu jiavula. Athu ene akhalele muusha iphapha nu Itshienyi. ¹⁰ Uvi atagenenego ha gubinga gu tuama dia nduge nu gua givule- giabonga mukunda nu muene Itshenyi gakhelele muzuela. ¹¹ Nu ajiyishile mu gisuegi athu ako haguzuela: tuavile itshinyi muzuela mbimbi jia gusagesa nu gutuna Mose nu gutuna Nzambi. ¹² Atabuile iphuta ya athu nu akulu nu athu anahaga iphapha nu athu awa aluishile Itshienyi nu amukuatele; nu amubatele gu gizueleselo. ¹³ Abatele enya mambo(Temua jia mambo) muzuela egi muthu yowu khenji gabemba guzuela ndaga jiaguta na bugu diedi didi diabonga nu gutuna mukuala. ¹⁴ Ndaga ya tuamuvi muzuela egi, idi yesu ya gu Nazaleta mbaushiya bugu diedi nu mbausombegesa maluholo a tulongesele Mose. ¹⁵ Agasue akhalele hashi mu gizueleselo amutalele nono nu amuenene egi phala yenji yakhalele gifa ya muanjelo.