KIKAPU 9
1
Me tuba ya kedika na Klisto, mu kena kuvuna ve, kansasa ya munu kena kutumba kimbangi na Mpeve ya Nlongo:
2
Mu kena kiandi ya ngolo mpe mpasi na ntima kena ku tatamama.
3
Samuti mu zolaka munu mosi na ku vuanda na nsingulu mpe ku kabuka na Klisto samuna ba mpangi, bibuti ya munu na kinsunu,
4
Ba yina kele ba Yudayo, yina kele mimvingani, mpe na nkembo, na luwawanu, mpe nsiku, mpe lusambulu, mpe na nsilulu,
5
Mpe bakulu, mpe kuna katukaka Klisto na kinsunu na zulu ya nionso, Nzambi sakumuna na ntangu nionso. Amene!
6
Ya kele diaka ve na kutuba ke mambu ya Nzambi ya vuanda na mfunu ve. Samuti bantu nionso katuka na dikanda ya ba Yudayo ba kele ve baYudayo,
7
Mpe, na kuvuanda na dikanda ya Abalami, ba kele bau nionso bana ya yandi ve, kansi yandi me tuba : Na Isaki bake bieka na nge dikanda ya nene,
8
Yina kena kutuba ya kele vebana ya kinsunu kele bana ya Nzambi, kansi ba kele ban aya nsilulu ba kena kutala nkuna.
9
Yayi, na kutala, mambu ya nsilulu : Mu kekuiza diaka na ntangu ya mutindu yayi, mpe Sala ke baka muana.
10
Mpe, na ku buela diaka, na vuandaka mutindu mosi na Lebeka buta Isaki yandi mosi, tata ya beto;
11
Samuti, bana ba butukaka ntete ve na tangu yaku sala mbote to yimbi, samuti na luzolo nsodolo ya Nzambi ya zingila na tadidila ve mavanga, mpe na luzolo mosi ya yina kena ku bokila,
12
Ya tubamaka na Lebeka : Nkulutu ke vuanda na kinanga ya nleke mutindu ya sonamaka :
13
Mu zolaka Yakobi mpe Esau mu yinaka yandi.
14
Yinki beto ke tuba na yau ? Kondua lunungu kele na Nzambi ? Yau ve!
15
Samuti yandi tubaka na Mose : Mu ke monisa nlemvo ya munu na yina mu zola mpe muke mona nkenda na yina mu zola.
16
Na yau, yina kena ku tadila ve na yina zola to na yina kena kuzaula, kansi ya Nzambi ke monisaka nkenda nandi.
17
Samuti masonukua kena kutuba na Falao : Mu tadimisaka nge samuna luzolo ya munu na ku monisa na nge lulendo ya munu, mpe samuti, kumbu ya munu ya zabakana na ntoto nionso.
18
Mutindu, yandi monisaka nkenda nandi na yina yandi zola mpe yandi ke badisa ntima ya yina yandi zola.
19
Nge kena ku tuba : Samuna yinki yandi kena ku tema diaka? Samuti nani lenda kondua ku tumama na luzolo ya yandi?
20
O muntu, nge na nga, nani nge kele na ku manga Nzambi? Kihumbu lenda mangayina salaka yandi, na kutuba samuna yinki nge me sadila munu mutindu yayi?
21
Mvangi ya kihumbu yandi ve ke na lulendo lubumba, samuna kusala mutindu mosi na nene kihumbua ya nzitusu mpe kihumbua ya kondua nzitusu?
22
Mpe yinki beto lenda tuba, kana Nzambi, na ku zola monisa nganzi n’andi mpe ku monisa lulendo, yak u vibidila na mvibudulu ya kihumbua na nganzi vangi samuna nzimbusu,
23
Mpe kana yandi zolaka sala na ku monisa kimvuama ya nkembo na bihumbua ya nkenda yandi me bongisaka ntama samuna nkembo?
24
Mutindu yina beto bokuluaka, yau kaka ve na ku kota na ba Nyudayo, kansi diaka na kukota na bapaïen,
25
Mutindu ba tubila na osea : Mu ke bokila bantu ya munu, yina vuanda ntete ve bantu ya munu, mpe ba bizolua ya munu yina vuandaka ntete ve, bazolua ya munu ve;
26
Mpe ba zabisaka bau : Beno kele ve bantu ya munu ! bake bokulua bana ya Nzambi ya moyo.
27
Yesaya, na ndambu nandi, bokaka na diambu ya bana Isaeli : na ntangu ban aya Isaeli ke buelama, bake vuanda mutindu nienge na disimu ya yibu, ndambu kaka ke vulusua.
28
Samuti Mfumu ke sala nionso mpe na mbote nionso yandi kanisaka.
29
Mpe mutindi Yesaya tubilaka yau na ntama :
Kana Mfumu ya bi nuani, Yandi zola bika beto nkuna Beto zolaka kuma mutindu ya Sodomi Beto zolaka mutindu mosi na Ngomoli.
30
Yinki beto ke tuba ? Bapaien ke sosaka ve lunungu, ba bakaka lunungu, lunungu ke kuizaka na kiminu,
31
Isaeli, bau vuandaka sosa nsiku ya lunungu, ba koka ve na nsiku.
32
Samuna yinki ? Samuti Isaeli yandi sosa ka ve na kiminu kansi mutindu yina katukaka na mavanga, ba tutanaka na dibanga ya masakuba,
33
Mutindu ya sonamaka : Tala, me tula na Sioni dibanga ya masakuba, mpe yina ke ndima na yandi, yandi ke fuisua nsoni ve.