¹ Na yau, bubu mbedoso ke diaka ve na bayina kena Klisto Yesu. ² Samuti nsiku ya mpeve ya moyo na Klisto Yesu me nungisaka munu na nsiku ya masumu mpe ya lufwa. ³ Samuti yina nsiku kokaka kusala ve, ya vwandaka na ngolo ve na nsuni – Nzambi salaka yau, yandi fidisaka mwana n’andi na kifwani ya nzutu ya masumu, samuna masumu, ya me bedisa masumu na nsuni. ⁴ Samu lunungu ya nsiku ya kukisama na beto kena kutambula, na nsuni ven kansi na mpeve. ⁵ Bayina, kena ku zinga na nsuni ke sadilaka na bima yin aya nsuni, na bayina ke zingilaka na mpeve bak e sadilaka na bima yina ya mpeve. ⁶ Mpe kusadila nsuni ya ke lufwa, kansi ku sadila mpeve, kele moyo mpe kiyenge. ⁷ Samuti nsadulu ya nsuni ya kele kintatu na Nzambi, samuti yandi ke tumamanakave na nsiku ya Nzambi me yandi lenda koka yau ve. ⁸ Na ku tala bayina ke zingaka na nsuni ba lenda zolakana na Nzambi ve. ⁹ Na beno, beno kena kuzinga ve na nsuni, nkasi na mpeve, si kana Mpeve ya Nzambi kele kati kati ya beno, kana muntu kena Mpeve ya Klisto ve, yandi ke ya yandi ve. ¹⁰ Mpe kana Klisto kena beno, nzutu, ya kedika, yak e ya kufwa na masumu, kansi mpeve yak e moyo samuna ndungunu. ¹¹ Kana mpeve ya yina fulukisaka Yesu na yinsi ya bafwa kele kati-kati ya beno, yina fulukisaka Klisto na bafwa yandi ke vutula moyo na ba nzutu ya beno ya lufwa na nzila ya Mpeve yina kele kati-kati na beno. ¹² Na yau, ba mpangi, beto ke diaka na mfuka ve na nsuni samuna kuzingi na nsuni. ¹³ Kana beno ke zinga na nsuni, beno ke kufwa, kansi ti na mpeve, beno kufwa mavanga ya nzutu, beno ke zinga, ¹⁴ Na bayina nionso kena ku tuaduswa na Mpeve ya Nzambi ba kele bana ya Nzambi. ¹⁵ Bosi beto bakaka mpeve ya kinanga ve, samu beno tatamana kumona wonga ; kansi beno bakaka Mpeve ya kimwana na yau beto ke bokaka : Aba, Papa ! ¹⁶ Mpeve yandi mosi kena kuba na mpeve ya beto ke beto kele ban aya Nzambi. ¹⁷ Naku tala, kana beto kele ban aya Nzambi, beto kele bayina ke vingana : mimvingidi ya Nzambi mpe kituadi na Klisto, kana ti beto kena ku mona mpasi kintuadi na Klisto, kanati beto mpasi kintuadi na yandi, samu beto kembuswa na yandi mpe. ¹⁸ Mukena kubanza, ba mpasi ya ntangu yayi lenda tezwikuswa ve na nkembo ke kwiza na nkembo beto ke baka. ¹⁹ Na yau, nionso salamaka kena ku vingila na mutindu yina ke zabanana ban aya Nzambi. ²⁰ Samuti nionso salamaka ya vwandaka na ku vukila, na luzolo ya yau ve, kansi na luzolo ya yina yinimisaka yau.

²¹ Na kivuvu, samuti ya vuluswa na kinanga yak u bedisa minsiku, na ku baka kifulu ya kimpwanza na nkembo ya ban aya Nzambi.

²² Samuti, beto zaba ti na kilumbu ya bubu yayi, nionso salwaka ke pemaka mpe kena mpasi ya kubuta. ²³ Yau kaka ve : beto diaka, bakaka nkailu ya mpeve ya ntete, beto diaka beto mpe kena kuvumuka na kati ya beto na kuvingidila kimwana, yina kele nkudulu ya ba nzutu na beto. ²⁴ Samu na kivuvu beto vuluswaka, samuti kivuvu yina ke monanaka kele kivuvu ve : yina ke monaka muntu yinki yandi lenda tudila yau kivuvu ? ²⁵ Kana ti beto metula kivuvu na yina beto kena mon ave, beto kena ku vingila na ku tatamama. ²⁶ Mutindu mosi mpe na mpeve, kena kusadisa beto na ku lebakana ya beto, samuti beto zaba ve yina me fwanakana na kulomba na ba nsambudulu, kansi mpeve yandi mosi kena ku dimvutu na ba mpukumunu lenda visakana ve. ²⁷ Yandi ke fionguninaka ba ntima me zaba wapi mabanza ya mpeve, samuti mutindu ya Nzambi kena kudia mvutu ya banlongo. ²⁸ Beto me zaba ke nionso ke salamaka na mutindu mosi na mbote na bayina ke zolaka Nzambi, bau ke bokulwaka na lukanu ya Nzambi. ²⁹ Samuti bayina yandi ku kizabilaka, yandi kaninaka bau bavunda mutindu ya yandi na kifwani ya mwana n’andi samu na muana n’andi samu ya vwanda yina ba salaka ntete na kati ya ba mpangi mingi. ³⁰ Bayina yandi kaninaka, yandi bokilaka bau mutindu mosi ; bayina yandi bokila, yandi me nungisa bau, bayina ya nungisaka, yandi kembisaka bau. ³¹ Yinki beto ke tuba na mambu ya mutindu yayi ? Kana Nzambi kena beto, nani lenda ; nani lenda vwanda na beto kintatu ? ³² Yandi, vengumunaka muana n’andi ve, kansi yandi pesaka yandi samuna beto nionso, wapi mutindu yandi ke pesila beto ve bima nionso na yandi ? ³³ Nani ke vunda bayina ke yak u solwa ya Nzambi ? Nzambi ke nungisaka bau ! ³⁴ Nani ke bedisa bau ? Klisto kufwaka ; vulukaka mpe, yandi ke nza diboko ya lubakala ya Nzambi, yandi kena kudila beto mvutu. ³⁵ Nani lenda vambisa beto na zola ya Klisto ? Ncita, to ba mpasi, nzomono, to nsatu, to kondwa bilele, wonga to sabala ? ³⁶ Mutindu ya sonamaka : samuna nge bak e fwilaka beto bilumbu nionso, ba ke na ku tala beto mutindu mwana meme ba fwana kufwa. ³⁷ Na nionso, beto kena ndungunu na yandi zolaka beto. ³⁸ Samuti mu kena kiminu yak u kwikama, lufwa ve, moyo ve, ba mbasi ve, ki kuluntu ve, bima ya ntangu yayi ve mpe bima yina ke kwiza ve. ³⁹ Lulendo ve, ya zulu to ya ntoto ve, yin aya yinsi ya ntoto ve, kima mosi ve ya nkaka salwaka lenda vambisa beto na zola ya Nzambi yina kele na Klisto Yesu, Mfumu ya beto.