¹ Na yau, na ntangu beto nunguswaka na kiminu, beto kena kiyenge na nzambi na Mfumu ya beto Yesu Klisto, ² Na yandi beto me baka mutindu ya kupusana na kiminu na nlemvo yina beto me tedimina ya ku siama, to na kena kiese na kivuvu ya nkembo na Nzambi. ³ Yina kaka ve, me beto yangalala mpe na ba mpasi ya beto, samuti beto zaba, na manima ya mpasi ke salaka ke beto tatamaname, ⁴ Ku tatamana na ndungunu na ba ntotolo, bosi ndungunu na vuvu. ⁵ Samuti ki vuvu ke fwiswaka nsoni ve, samuti zola ya Nzambi dukukaka na ba ntima ya beto na nzila ya Mpeve ya Nlongo yina pesamaka beto. ⁶ Samuti, na ntangu to vuandakana yaku lebakana, Klisto na ntangu ya kufwana fwilaka bantu yina vuminaka Nzambi ve. ⁷ Ya me bikana; muntu lenda fwila muntu ya lunungu, samuti, nnanga ya muntu lenda kanga ntimana ku fwila muntu ya mbote. ⁸ Kansi Nzambi ke monisaka zola n’andi na beto, samuti beto vwandaka ntete bantu ya masumu Klisto fwilaka beto

⁹ Na yau beto nunguswaka na menga n’andi, na kedika beto ke vuluswa na yandi na nganzi. ¹⁰ Kana ti beto, na ntangu beto vuandaka ba mbeni, ba wizasanaka beto na Nzambi na kufwa ya mwana n’andi, na ntangu beto ke ya kuwizana ntama, na kedika beto ke vuluswa na moyo n’andi. ¹¹ Na yina kaka ve, kansi beto me sepela na Nzambi na nzila ya Mfumu ya beto Yesu Klisto na yandi bubu beto me baka ngwizani. ¹² Na yau, mutindu kotilaka masumu na yinza na nzila ya muntu mosi, mpe lufwa na masumu, mutindu mosi mpe lufwa kotilaka na muntu nionso, bantu nionso volaka masumu...

¹³ Samuti na nsiku, masumu kotaka na yinza, kansi kifulu kele na nsiku ve, kena masumu ve ¹⁴ Na yau lufwa yalaka banda Adami ti na Mosi, na ba yina volaka masumu fwanakana na Adami, ya kele kifwani ya yina ke kwiza. ¹⁵ Kansi ya kele ve mutindu mosi na nkailu na nlemvo Nzambi na kufwa nsiku, samuti kana na kufwa nsiku na muntu mosi, bantu mingi ku fwaka, mutindu mosi mpe na nlemvo ya Nzambi na nkailu n’andi, katuka na muntu mosi, Yesu Klisto, na bantu mingi mpe bakaka nlemvo Nzambi. ¹⁶ Yake mutindu mosi ve na yina kwizaka na nzila ya muntu mosi sumukaka, samuti na manima ya nsumukunu, mfundusulu me kuma mbedosolo, kansi nkailu ya nlemvo Nzambi kwizaka samuti masumu ya bantu mingi ya pesa ndungunu. ¹⁷ Kana ti na muntu mosi volaka masumu lufwa bakaka kimfumu na yandi, mutindu mosi mpe ba yina ke baka ya nlemvo Nzambi mpe nkailu ya lunungu ba ka yala na luzingu na Yesu Klisto yandi mosi. ¹⁸ Na yau, mutindu kwizilaka mbedoso ya masumu ya kumaka na bantu nionso, nionso mutindu mosi mpe ndungunu kwizilaka ke pesaka moyo na bantu nionso na divanga mosi ya lunungu. ¹⁹ Samuti mutindu na muntu mosi volaka masumu me sala bantu mingi bantu ya masumu, mutindu mosi mpe mingi mekuma bantu ya lunungu na kutumama ya muntu mosi. ²⁰ Kana nsiku kwizaka, samuti masumu ya nieka, kansi kifulu masumu kumaka mingi, nlemvo ya lutaka mingi mingi,

²¹ Samuti, mutindu masumu yalaka na fwilu, mutindu mosi mpe nlemvo yalaka na lunungu ya moyo ya mvula na mvula na Yesu Klisto Mfumu ya beto.