¹ Yinki beto ke tuba samuna Abalami, tata ya beto, bakaka na nsuni ? ² Kana Abalami nunguswaka na mavanga, yandi ke kuki yana na ntadisi ya Nzambi ve. ³ Yinki kana ku tubaka masonukwa ? Abalami lekilaka Nzambi kiminu, yandi tangulwaka ke yandi ke muntu ya lunungu. ⁴ Kansi yina ke sala mavanga, yandi ke bakaka nsendo ve, nkasi mfutu na mutindu ya nlemvo ve kansi yandi me baka yau;

⁵ Bosi na yina ke sala mavanga ve, kansi yandi ke ndima na yandi ke nungisaka muntu ya masumu yandi ke tangulwa kiminu n’andi ya kele lunungu. ⁶ Mutindu mosi mpe Davidi kena kutuba, kiese kele na muntu yina bake tangaka na Nzambi ke yandi ke lunungu kansi na mavanga ve: ⁷ Kiese na bayina masumu me lemvukulwa, mpe masumu me fukwa! ⁸ Kiese na muntu yina Nzambi tangila masumu ve. ⁹ Na yau kiese yina yak e kaka na bayina yaku zengwa ? Mpe na bayina ke ya kuzengwa ve ? Samuti beto ke tubaka, Abalami tangulwaka kiminu ke yandi ke lunungu. ¹⁰ Wapi mutindu yandi tngulwaka yau ? Na ntangu bazengaka yandi to na ntangu bazengakantete ve ? ¹¹ Yandi bakaka kidimbu ya bayina keya kuzengwa mutindu kidumbu ya lunungu ya kiminu na ntangu yandi vuandaka ya kuzengwa samuti yandi vuanda tata ya bantu nionso ke ya kuzengwa ve ke ndimaka samuti lunungu ya pesamaka bau,

¹² Mpe tata ya bayina ke ya kuzengwa, ke kaka ya kuzengwa kaka ve kansi ke tambulaka na bitambi ya yandi ya kiminu yina vuandaka na Abalami tata ya beto na ntangu yandi zengwaka ve ¹³ Na yau, na nsiku ve kele nsilulu yak u baka difwa ya yinsi yina ba silaka Abalami na dikanda n’andi nionso, kansi na kiminu. ¹⁴ Kansi ba yina kena vingidila difwa na nsiku, kiminu ya bau mekuma ya mpamba, mpe nsilulu mebeba. ¹⁵ Samuti nsiku ke tukisaka nganzi, kana nsiku kele ve, kuna mpe kele ku beba ya nsiku ve. ¹⁶ Na yau, ya ke diambu ya kiminu samu ya vuanda nsilulu samuna dikanda nionso kaka ya Abalami tata ya bantu nionso, kansi ya mutindu ya sonamaka : ¹⁷ Me sala nge tata ya makanda nionso ya bantu yandi ke tata ya beto na ntuala ya yina yandi ndiminaka Nzambi ke pesaka moyo na bayina keya kufwa, bosi ke bokilaka bima yina kele ve mutindu ya kele. ¹⁸ Kivuvu kele ve, kansi yandi tatamaka na ku tula kivuvu, mutindu yina yandi me kumaka tata ya makanda nionso ya bantu, mutindu sonamaka yina ba tubaka na yandi : mutindu yina ke vuanda nkun’ange. ¹⁹ Yandi lembaka na kiminu ve, yandi talaka nzutu n’andi ve mutindu ya kuminaka, samuti yandi vuandaka yaku siama na nkama mosi ya ba mvula bosi Sala vuandaka diaka muntu fuana buta bana ve. ²⁰ Yandi vuanda kondwa kiminu ve na diambu me tala nsilulu ya Nzambi, kansi yandi vuandaka yaku siama na kiminu mpe yandi zitisaka Nzambi, ²¹ Yandi zabaka mbote, yandi pesaka nsilulu ke kokisa yau. ²² Na yau, ba tangilaka yak e yandi ke muntu ya lunungu. ²³ Kansi ba sonikaka ve na na diambu ya yandi ba tangilaka mutindu yina; ²⁴ Na diambu ya beto nionso, beto ke tangulwa, kanati beto ke lekaka kiminu na yina fulukisaka Yesu, Mfumu ya beto na bafwa, ²⁵ Yandi ba yekulaka samuna masumu ya beto mpe mfulukulu ya yandi samuna ku nungisa beto.