¹ Yinki ba Nyudayo ke baka to ndandu na nzengolo ?

² Yake ya nene mutindu nionso, bosi ntete na bimangu ya Nzambi pesaka na bau. ³ Eh yinki ! kanati bantu ba ndiminaka bau ve, ku kondwa ku ndima ya bau lenda katula ku kuikama na Nzambi ?

⁴ Wana kuna, Nzambi me zabana na kedika, bosi muntu nionso mutindu muntu ya luvunu, mutindu sonamaka : samu ba mona kedika yange na mambu nge ke tuba, mpe nge nunga na ntangu ba ke sambisa nge. ⁵ Kanati ku kondwa lunungu ya beto kena ku monana lunungu ya Nzambi, yinki beto ke tuba ? Nzambi ke ya lunungu ve na ntangu nganzi n’andi kele ? (mukena ku tuba na muntindu ya muntu). ⁶ Ntama kuna ! mutindu ya nkaka, wapi mutindu Nzambi ke vundisila yi nza ? ⁷ Bosi kana na luvunu ya munu, kedika ya Nzambi ke tenduka na nkembo, na yau mu kena ku funduswa munu mosi mutindu muntu ya masumu ? ⁸ Samuna yinki beto sala beto ve mambu ya yimbi samu mambote kuizila beto, mutindu bantu ya nkaka, kena kuvueza beto, beto tubila yau ? Mfundusu ya bantu yina kele ya lunungu. ⁹ Yinki kuandi ! beto me luta mbote ? ve, samuti ya monanaka na beto nionso, Nyudayo, ba Elene bau nionso kele na yinsi ya masumu. ¹⁰ Mutindu ya sonamaka : muntu kele ve ke ya kusungama, muntu mos i ve. ¹¹ Muntu mosi ve kena mayele. Muntu ve kena kusosa Nzambi. Bantu nions oba zimbalaka nzila.

¹² Mos ive ke sala mambu ya mbote, ata mos ive. ¹³ Ba nkutu ya bau kele biziami ya kuzibuka, ba kena ku sadila ba ludimi ya bau na kuvuna, ba kele na yinsi ya ludimi ya bau minsa ya nioka. ¹⁴ Ba yinua ya bau kele kizinga ya lusingulu mpe ya mpasi na ntima. ¹⁵ Ba kele na makulu ya nsualu na kutengula menga; ¹⁶ Ku bunga mpe ku bebisa kele na nzila ya bau; ¹⁷ Ba zaba nzila ya kiyenge ve; ¹⁸ Kivumi y Nzambi kena ntuala ya meso ya bau ve. ¹⁹ Kansi beto mezaba nionso ke tubaka nsiku na ba yina kena yinsi ya nsiku, samuti ba yinua nionso kangama mpe bantu nions oba monana yaku bua na nsiku na ntadisi ya Nzambi

²⁰ Muntu mosi ve ke nunguswa na mavanga ya nsiku na ntadisi ya yandi ; samuti na nsiku me katuka mayele ya masumu. ²¹ Kansi bubu, kondwa nsiku kena kumonana lunungu ya Nzambi ba kena ku tuba kimbangi na nsiku mpe mibikudi, ²² Lunungu ya Nzambi na kiminu na Yesu Klisto samu bantu nionso me ndimaka disuasanu ikele ve. ²³ Bantu nionso me volaka masumu mpe kena kembo ya Nzambi ve; ²⁴ Mpe ba kena ku nunguswa na nkailu ya nlemvo ya yandi na nkudulu kele na Yesu Klisto. ²⁵ Yandi Nzambi solaka na menga, yandi vuanda samu ba yina ke ndima naku monisa lunungu n’andi, mutindu yandi bambuka moyo ve na masumu yina melutaka n ntangu Nzambi vibilaka, ²⁶ Na ku monisa lunungu na ntangu yayi, mutindu ya k uvuandila lunungu mpe ku nungisa muntu nionso kele na kiminu na Yesu. ²⁷ Na yau luyanu ya beto wapi yau yikele ? Ya bimuswaka na nganda, na wapi mutindu ya nsiku ? Na nsiku ya mavanga ? Ve kuandi, kansi na nsiku ya kiminu. ²⁸ Samuti beto mezaba ke muntu ke nunguswaka na kiminu, ku kondwa mavanga ya nsiku ve. ²⁹ To Nzambi kele kaka Nzambi ya ba Nyudayo ? Yandi ke ya bapaien ve ? Ya kedika yandi kele mpe mutindu mosi na bapaien.

³⁰ Samuti Nzambi ke kaka mosi, yina ke nungisaka na kiminu bayina ke ya kuzengwa mpe na kiminu bayina ke ya kuzengwa ve. ³¹ Na yau, beto ke bebisaka nsiku na kiminu ? Mutindu yin ave, to ke siamisaka nsiku.