¹ Yinki beto lenda tuba ? Beto fwanda na masumu samuti nlemvo ya Nzambi vwanda mingi ? ² Mutindi yina ve, beto kufwaka na masumu, wapi mutindu beto ke zingila diaka na masumu ? ³ Ku zimbakana ve, beto nionso bakaka mbotokolo na Yesu Klisto, na lufwa ya yandi beto bakilaka mbotokolo. ⁴ Ba zikaka beto na yandi na nzila mbotokolo na lufwa ya yandi samu, mutindu Klisto fulukaka na bantu ya kufwa na nkembo ya Tata, mutindu mosi mpe beto diaka kena kutambula na moyo ya yimpa. ⁵ Kanati beto vukanaka na yandi na kifwani ya lufwa ya yandi, beto ke fwanda mpe mutindu mosi mpe mfulukulu ya yandi, ⁶ Na ku zaba ti kimuntuya beto ya ntama komuaka kifulu mosi na yandi na dikulusu, samuti ba nzutu ya beto ya masumu ya bebuswa, samu beto vutuka diaka ve kuvwanda mi nnanga ya masumu; ⁷ Samuti yina me kufwaka me kumaka na kimpwanza na masumu. ⁸ Kati beto kufwa na Klisto, beto me ndima ke beto ke fuluka yandi mpe, ⁹ Na ku zaba, ke Klisto futumukaka na bafwa ke kufwa diaka ve, lufwa ke diaka na lulendo na yandi ve. ¹⁰ Samuti, yandi kufwaka, samuna masumu yandi fwilaka mbala mosi, yandi fulukaka na bantu yina kufwa yandi ke moyo samuna nZambi yandike moyo. ¹¹ Na yau beno mosi beno tala mutindu bantu ya kufwa na masumu, mutindu moyo na Nzambi na nzila ya Yesu Klisto. ¹² Na yau masumu yala diaka ve na nzutu ya beno ya mfwilu, mpe ku tumamana diaka ve ba nzinunu ya yandi. ¹³ Ku bika binama y ange ve na masumu, mutindu bisaduluya masuùu, kansi beno kukipesa beno mosi na Nzambi, mutindi beno fwandaka mpe beno pesa binama ya beno mutindu bisadulu ya lunungu.

¹⁴ Samuti masumu ke vwanda diaka lulendo ve na beno, samuti beno me kumaka, na yinsi ya nsiku ve, kansi na ya nlemvo. ¹⁵ Ya zola tuba yinki! beto vola beto masumu samuti beto kele ve na yinsi ya nsiku, kansi na nlemvo? Mutindu yina ve! ¹⁶ Beno zaba ve na ku kipesa na muntu mutindu ya nnanga samu nge tumamana yandi, nge me kuma nnanga yin ange kena tumamana nnanga ya masumu ke nata na fwilu nnanga na ntumumunu ke nata na lunungu? ¹⁷ Matondo na Nzambi, na manima kuvwanda minnanga ya masumu, beto tumamanaka na ba ntima ya beto malongi beno longwaka. ¹⁸ Na kukulwa na masumu, beno me kumaka minnanga ya lunungu ¹⁹ Me tuba na mutindi ya bantu, samuti na kulemba ya nzutu ya beno, mutindu mosi mpe beno pesaka binama ya beno mutindu bisadulu ya nsumukunu na kimpumbulu na kusala kimpumbulu, mutindu yina beno yekulaka binama ya beno mutindu minnanga ya lunungu samu beno vwanda ya nlongo. ²⁰ Samuti na ntangu beno vwandaka minnanga ya masumu beno vwandaka kimpwanza na nsiku. ²¹ Wapi mutindi ya butu beno kena ku nata ? Mavanga yina beno fwila nsoni bubu yayi, samuti na nsuka na yau kele lufwa. ²² Mutindu beno me katukaka na masumu mpe beno me kuma minnanga na Nzambi, beno kele na mavanga ya beno ya kuvwandila ya nlongo, mpe na nsuka na yau moyo ya mvula na mvula. ²³ Samuti mfutu ya masumu kele lufwa, kansi nkailu ya nlemvo Nzambi yi kele moyo ya mvula na mvula na Klisto Yesu Mfumu ya beto.