¹ Mu kena ku bombibila beno, ba mpangi, na nkenda ya Nzambi, na ku kaba ba nzutu ya beno lokola nkailu ya moyo, ya nlongo, ya ku zolakanana Nzambi, yina ke vuanda na ndambu ya beno lukutukunu ya ku zolakana. ² Beno vukukila ntangu yayi ve, kansi beno vuanda ba yina kena soba nankadulu na mayele ya beno, samuti beno zaba luzolo ya Nzambi, beno zaba yi na kele ya mbote, yaku ndimama mpe ya sungama. ³ Na nlemvo yina pesamaka na munu, mu kena ku tuba na mosi mosi na beno na kuvuanda ve na ku kizangika na beno, kansi beno vuata na banza ya mbote, mutindu kele kitezo ya kiminu ya beno yina Nzambi kabula na muntu na muntu. ⁴ Samu, mutindu na nzutu mosi beto ke na binama mingi,, mpe binama nionso kena kisala mos ive, ⁵ Na yau, beto kele mingi, beto kena kusala nzutu mosi na Klisto, mpe beto nionso kele binama. ⁶ Samuti beto ke na mikailu ya disuasanu, mutindu nlemvo pesamaka beto, bika yina kele na nkailu ya mbikudilu sala yau mutindu kele ya kusonga na kiminu; ⁷ Bika yina bokuluaka na kisalu kangama na kisalu nandi ; bika yina ke longaka kangama na ndongolo nandi, ⁸ Mpe yina ke na kusimisa bantu na nsiamusu ya bantu. Bika yina ke pesaka sala yau na ntima ku zibuka ; bika yina ke tuadisaka sala yau na kinkuikizi nionso ; bika yina ke fuilaka bantu nkenda sala yau na kiese. ⁹ Bika zola vuanda kondua meso na yinsi a lukaya, beno manga ku sala yimbi, beno tatamama ku sala mambote.

¹⁰ Na nzila ya luzolo ya kimpangi, beno vuanda yak u fuluka nzolua ya nge mpe na ba ya nkaka ; na nzila nzitusu, beno zitasana. ¹¹ Beno vuanda na ntatumunu, mpe ku vuanda mmolo ve, beno vuanda na mpeve, beno sadila Mfumu. ¹² Beno yangalala na kivuvu, beno vuanda na mvibudulu na ba mpasi. Beno tatamana na lusambulu. ¹³ Beno sadisa ba nlongo. Beno vuanda na nzolua banzenza. ¹⁴ Beno sakumuna ba yina kena zoma beno, sakumuna mpe ku singa ve. ¹⁵ Beno yangalala na ba yina kena yangalala, beno dila na ba yina kena kudila. ¹⁶ Beno vuanda na mabanza mosi beno nionso, ku zomina kifulu ya zulu ve, kansi kukibika ba landakana ba yina ke kuki kitisaka. Ku vuanda ve yak u fuluka na mayele na meso yange. ¹⁷ 17. Ku vutula na muntu yimbi na yimbi ve. Sosa yina kele ya mbote na ntuala ya bantu nionso. ¹⁸ 18. Kana ti ya kele ya ku zolakana na nge, vuanda na kiyenge na bantu nionso. ¹⁹ Ku vutula na muntu me sala nge yimbi ve, mpangi ya zola, kansi bika nganzi ya Nzambi ya vaunda na yandi, samu ti ya sonamaki : Na munu na ku vutula, na munu na ku pesa ndandu me tuba Mfumu. ²⁰ Kansi kana ti mbeni ya nge kena nsatu, pesa yandi kima yandi ku dia, kana mpe yandi kena mpila pesa yandi maza yandi kunua, samuti na ku salaka mutindu yina, ya kele makala ya tiya nge kena ku tula na yintu ya yandi. ²¹ Ku kibika ve ba nunga nge na mambu ya yimbi, kansi nunga mambu ya yimbi na ya mbote.