¹ Bika muntu nionso fwanaka lemvuka na ba kuluntu samuti kikuluntu, nionso katukaka na Nzambi mpe Nzambi tulaka ba kuluntu nionso. ² Na yau yina ke tediminaka ba kuluntu yandi ke tediminaka ba nsiku ya Nzambi, mpe bayina ke tediminaka yau bake baka nzengolo na bau mosi. ³ Na mavanga ya mbote ve, me na yimbi, ba zuzi kele na nsisi, nge zola mona wonga ba kuluntu ve ? Sala ya mbote, mpe nge ke baka nzitusu na bau . ⁴ Samuti zuzi kele kele kisadi ya Nzambi samuna mambote na nge. Kana nge sala ymbi, mona wonga, samuti na mpamba ve yandi me simba sabala, yandi kisadi ya Nzambi samuna ku vutula nlandu mpe ku semba yimbi.

⁵ Na yau ya me fwana na ku nlemvuka, na wonga ve ya lusembo, kansi diaka na mambu ya nkansasa ⁶ Na yina beno ke futaka mpaku, samuna ba zuzi ba kele bisadi Nzambi na yau ba ke tatamanaka na kisalu yina. ⁷ Na yau, bika beno futa ba mfuka ya beno na bantu nionso : mpaku na yina me kuvwa mpaku, wonga na yina me fwana na kumonwa wonga, nzitusu na yina me fwana na nzitusu. ⁸ Beno vwanda na mfuka na muntu ve, kana kuzolasana kaka beno na beno, yina ke zola mpangi n’andi, yandi me lungisa nsiku.

⁹ Yayi, kele ba ntumumunu : nge ke sala kinsuza ve, nge ke kufwa muntu ve, nge ke yiba ve, nge ke zinina kima ya ngana ve, yina lendaka ku vuanda kena ku monika na : ngeke zola mpangi y ange mutindu nge mosi. ¹⁰ Zola ke salaka yimbi na moninga ve, zola ke nungusaka nsiku. ¹¹ Na yau, beno me zaba ntangu beto me kuma, ya kele ntangu beto lamuka na pongi, samuti mpulusu vuandaka ntama, ntangu beto me kumaka bantu ya kiminu, ya me pusana na beto bubu yayi. ¹² Mpipa me pusana, muini me pusana. Na yau beto bika mavanga ya mpipa mpe beto vwata binuanunu ya kia ¹³ Beto diata mutindu ya mbote mutindu beto lenda tambula na muini, na makinu ve, mpe na ku zola malavu ve, na kinsuza ve, na mpaka mpe minzonza ve. ¹⁴ Kansi beno vuata Mfumu Yesu Klisto, beno vuandila nsuni mayindu ve, na ku yukutisa ba nzinunu.