¹ Me tuba : Nzambi lozaka dikanda ya yandi ? Kuna ve ! Samuti munu mpe me kele Nyudayo, ya dikandaya Abalami, na dikanda ya Benyamini. ² Nzambi lozaka ve dikanda nandi, yina nandi zabaka banda ntama. Beno zaba ve yina masonukua kena ku tuba samuna Elia, wapi mutindu yandi kena kusala na Nzambina ku kanina samuna Isaeli : ³ Mfumu, ba kufuaka mimbikudi y ange, ba buisaka bi yokolo y ange,mpe me bikana munu mosi kaka, mpe ba kena sosa na kufua munu? ⁴ Kansi wapi mvutudulu Nzambi pesaka yandi ? Mu kuki vengulaka ba nkama nsambuadia ya bantu, yina fukiminaka baal ve. ⁵ Mutindu mosi na ntangu yayi, ya kele ndambu bikanaka, mutindu kele nsodolo ya nlemvo. ⁶ Kana na nlemvo, ya ke diaka na mavanga ve, na mutindu ya nkaka na nlemvo na nlemvo me luta.mpe kana mavanga, yak e diaka nlemvo ve ; samuti mavanga ke diaka mavanga ve. ⁷ Yinki diaka ? Yani ba Isaeli kena ku sosa, yandi bakaka yau ve, kansi na ba yina ke yak u solua, ⁸ Mutindu ya sonamaka :Nzambi pesaka bau mpeve ya pongi, meso samuna ku mona ve, mpe makutu samuna kuwa ve tina kilumbu yayi. Bosi Davidi kena kutuba. ⁹ Bika meza ya bau ya vuanda samuna bau mutambu, dikonde, nzila ya kubua, mpe ya mfutu! ¹⁰ Bika meso ya bau ya vuanda na kitombe samu ba mona ve, mpe ba me simba mikongoni ya bauvuandaka ntangu nionso yaku tengama! ¹¹ Me tuba: Na kubua ba vengamanaka ? Kuna ve !Kansi, na mbuilu, mpulusu mekuma na ba mpakanu samu ba lamusi kimpala ya bau. ¹² Na kutala, kana ti mbuilu ya bau vuandaka kimvuama ya yinza, mpe mbuilu ya bau kimvuama ya ba mpakanu, ntangu yikua bak e vuandila mutindi yina na ntangu bau nionso ke vilula ba ntima. ¹³ Mu kena kutuba na beno, ba mpakanu : Na ntangu mu kele ntumua ya bampakanu, muke kembisa kisalu ya munu, ¹⁴ Samuti kana ya zolakana, na kulamusa kimpla ya ba yina ke yak u zimbala samuna ku vulusa ba ya nkaka. ¹⁵ Samu ku katuka ya bau vuandaka nguizani ya yinza, wapi mutindu bak e vutukila na nguizani, kanati moyo na kati ya ba yina ke kufua? ¹⁶ Na ku tala, kanati mibutu ya ntete kele ya nlongo, yau mpe nene na yau ke vuanda ya nlongo, mavala mpe ke vuanda mutindu mosi. ¹⁷ Kansi kana mavala ya nkaka katuluaka, mpe kana nge vuandaka olive ya mfinda, nge vuandaka yak u katulua na kifulu ya bau, mpe nge me kumaka kintuadi na musisa mpe na mafuta ya yinti ya olive, ¹⁸ Kuki yana ve nionso kele samuna mavala. Kanati nge me kukiyana, zaba ke nge ve kena ku nata musisa, kansi musisa kena ku nata nge. ¹⁹ Nge ke tuba na yau : Mavala katuluaka, samuna munu mu yikukusua. ²⁰ Yina ke ya kedika, ba katuluaka samuna mbadusu ya ntima, mpe, nge kena ku sikila na kiminu. Ku kibika na ku kizangula kansi mona wonga; ²¹ Kana Nzambi vengumunaka mavala ya yinti ve, yandi ke vengumuna nge mpe ve. ²² Na kukitala, na mambote mpe na kusiamusua na Nzambi : mpe kusiamisa bayina kena ku bua mpe mambote ya Nzambi na ntadisi y ange, kana nge me kangama ngolo na mambote ; kanati mutindu yina ve nge ke katulua. ²³ Bau mpe mutindu mosi, si kana ba kangama na ku kanga ntima, bake vuanda ya kuyikua ; kana Nzambikena lulendo samuna ku yikua diaka. ²⁴ Kana nge, nge ke yak u zengua na yinti ya olive na mutindu ya kufuana ve, na yau ya ke ya kuyikua mutindu ya kufuana na yinti ya olive, na kedika ba ke yika bau mutindu kele nsadulu ya mbote na yinti ya olive. ²⁵ Samu mu zola ve, ba mpangi, beno zimbana mansueki, samu beno tala ve mutindu ya bantu ya mayele, ya kele ndambu ya Isaeli kubuaka naku badisa ba ntima, na kitezo ba ya bapakanu nionso ke kota. ²⁶ Mpe mutindu yina Isaeli nionso ke vuanda ya k u vulusua mutindu ya sonamaka : Mvulusi ke katuka siona, Mpe yandi balula yimbi ya Yakobi; ²⁷ Mpe yak e vuanda luwawanu ya munu na bau, na ntangu me ke katula masumu ya bau. ²⁸ Na yina metadila Nsamu ya mbote, ba kele ba mbeni samuna beno ; kansi na yina metadila nsobolo, ba zoluaka samuna ba tata ya bau. ²⁹ Kadi Nzambi ke vutukaka ve na manima na minkailu mpe na mbokolo. ³⁰ Mutindu beno mpe vuandaka ntangu ya nkaka kutumama ve na Nzambi mpe na ku kondua kutumama beno kele bubu na kubaka nkenda, ³¹ Mutindu mosi, ba kena ku tumama ve bubu yayi, samuna, na nkenda yina yandi sadilaka beno, ba me baka nkenda. ³² Samuna Nzambi kangidilaka, bantu nionso na kukondua ku tumama, samuna ku sala nkenda na bantu nionso. ³³ Na mpinda ya kimvuama, ya mayele mpe ya buzayu ya Nzambi! Bika ba nsambusu ya yandi lenda kangasana ve, mpe , ba nzila nandi lenda fisakana ve, samu ³⁴ Nani zabaka mabanza ya Mfumu to nani vuandaka luengisi ya yandi? ³⁵ Nani pesaka yandi ya ntete, samu yandi baka na manima? ³⁶ Ni yandi, na nzila nandi, mpe samuna yandi bima nionso. Na yandi nkembo na ba mvula na ba mvula! Amene.